1 Timutawus 5:25 - Ṯarifiṯ 2020

²⁵ Ammu ƹaweḏ can n lḥasanaṯ twameḍharent-id, ƹaḏ can n lḥasanaṯ nneɣni war zemmarent ca aḏ qqiment twanuffarent.

1 Timutawus 5:25 ပူးပေါင်းရင်းမြစ်များ

Matta 5:16

Ammu, jjeṯ ȓqendiȓ nwem iceƹƹeȓ i yiwḏan ḥima aḏ ẓren ȓexḏayem nwem ṯiṣebḥanin aḏ ḥemḏen Babaṯwem iǧan ḏeg ujenna.

Luqa 11:33

Uȓa ḏ ijjen war itcaƹƹiȓ ȓqendiȓ ḥima aṯ isers ḏeg yij umcan inuffar niɣ axas iqȓeb aqnuc. Lla, itegg-iṯ x ȓmarfaƹ ḥima aḏasen yuc ṯfawṯ i yinni iy d ɣa yaḏfen.

Ȓexḏayem 10:22

Nnan-as: "Qa neccin issekk-aneɣ-d Kurninyus ijjen n uƹaskari ḏ ameqqran n arrumanus. Netta ḏ ijjen n uryaz nican iteggweḏ Arebbi, tweqqaren-ṯ marra ȓqum n Ayṯ-Israʼil. Inna-as ijjen n lmalak n Arebbi: Sekk ɣar Buṭrus, aḏ d yas ɣar ṯeddarṯ nnec aḏas ṯṣennṭeḏ min ḏac ɣa yini."

Ȓexḏayem 22:12

Yusa-d ɣari ḏinni ijjen qqaren-as Anas. Netta ḏayes ddin, itṭaƹa i ccariƹa. Ssawaȓen xas mliḥ marra israʼiliyen iy zeddɣen ḏi Dimaceq. Ibedd-d zzaṯi inna-ayi: Ay uma Cawul, ȓexxu aḏ tḏewȓeḏ aḏ twaȓiḏ! Ȓexddenni genfiɣ twaȓiɣ netta.

Ȓexḏayem 9:36

Ḏi ṯendint n Yafa ḏinni ijjen n ṯmeḥḍarṯ qqaren-as Ṭabita (ȓmaƹna n yisem-a, <ṯiɣit n uzɣar>). Tegg ȓxir aṭṭas tƹawan imesƹan.

Ayṯ-Filippas 1:11

Zzayes zi Ƹisa Lmasiḥ aḏ tiȓim ṯƹemmarem s min d itarwen ȓḥaqq. Marra manaya i lƹaḍama n Arebbi ḏ lḥamd nnes.

1 Timutawus 3:7

U labud ƹaweḏ aṯ weqqaren yinni iǧan n barra war iǧin ca ḏ ȓmuminin bac war xas tƹeyyiben ca yiwḏan war iweṭṭi ca ḏi ṯexcebṯ nni n Ibȓis.

Lwaḥi 14:13

Sȓiɣ i yijjen n ṯmijja zeg ujenna ṯeqqar: "Ari manaya: Ssaƹḏ n imettinen iy ɣa immṯen ssa aȓ ṯsawent umnen zi Siḏiṯneɣ." Arruḥ n Arebbi iqqar: "Wah, ḥima aḏ reyyḥen zi tamara nsen ȓaḥeqqac ḏeffarent-ṯen lḥasanaṯ nsen."