1 Timutawus 5:20 - Ṯarifiṯ 2020

²⁰ Imeqqranen ig iƹeṣṣan nha-ṯen cek zzaṯ i marra iwḏan bac yinni inneɣni aḏ ggwḏen baƹda.

1 Timutawus 5:20 ပူးပေါင်းရင်းမြစ်များ

Ȓexḏayem 19:17

Arrin-asen-d ȓexbar marra imezḏaɣ n Ufasus, iƹni Ayṯ-Israʼil ḏ iyunaniyen s ṯnayen iḏsen. Ṯeȓqef-iṯen ṯiggwḏi uca itwasemɣar isem n Siḏiṯneɣ Ƹisa aṭṭas.

Ȓexḏayem 5:11

Marra jmaƹeṯ n ȓmuminin ḏ marra yinni isȓin x manaya ggwḏen aṭṭas.

Ȓexḏayem 5:5

Wami isȓa Anas i wawaȓ nni, iwḍa ɣar ṯmurṯ immuṯ ḏinni. Iwḏan marra iy d yarrin ȓexbar-a ggwḏen aṭṭas.

2 Ayṯ-Kurinṯ 7:11

Fekkareṯ kenniw ḏi min ḏaywem d itarew uxiyyeq-a zi Arebbi. Iƹni mecḥaȓ tḥawaȓem s wuȓ ṯrezzum aḏ tḥellem manaya ḏeɣya. Iƹni mecḥaȓ ṯnedmem mecḥaȓ ṯenxeȓƹem, ḏaywem ijjen n mezȓi ḏ ṯiggwḏi. Iƹni mecḥaȓ ṯeswejḏem aḏ tḥekmem nican. Min ma iǧan ḏi ṯmesȓayṯ-a kenniw war ḏaywem bu ȓƹib.

Ayṯ-Ufasus 5:11

War carrcem ca ḏi ȓexḏayem n ṯaǧest war tarwent ca, feḍḥem-ṯent.

1 Timutawus 1:20

Zzaysen Ḥimmit ḏ Iskander, jjiɣ-ṯen nec i Cciṭan ḥima aḏ twarebban war qqaren ca awaȓen nni war iḥȓin x Arebbi.

2 Timutawus 4:2

Beccar awaȓ n Arebbi, sewjeḏ ixef nnec aḏ tbeccareḏ ḏi ȓweqṯ nni iy trajiḏ niɣ ḏi ȓweqṯ nni iy war trijiḏ ca. Ȓmuminin nha-ṯen, ƹȓem-asen, cejjeƹ-iṯen s marra ttasiƹ n ȓxaḍar ḏ useȓmeḏ.

Titus 1:13

Aqa chaḏeṯ nni iy inna nican iy ṯeǧa. Iḏen, nha-ṯen s ȓeqsaḥeṯ ḥima aḏ iȓin nican ḏi lʼiman.

Titus 2:15

Siweȓ x ṯmesȓayin-a, zeyyar x ȓmuminin nehha-ṯen s marra ssulṭa. War tejja ḥadd ac iseḥqar.