1 Timutawus 5:15 - Ṯarifiṯ 2020

¹⁵ Minzi ḏinni ȓebƹaḍ ṣafi ffɣent abriḏ ḏfarent Cciṭan.

1 Timutawus 5:15 ပူးပေါင်းရင်းမြစ်များ

Matta 4:10

Indeq-d Ƹisa inna-as: "Ruḥ, beƹƹeḏ-ayi a Cciṭan. Aqa Lkitab iqqar: "

1 Timutawus 1:20

Zzaysen Ḥimmit ḏ Iskander, jjiɣ-ṯen nec i Cciṭan ḥima aḏ twarebban war qqaren ca awaȓen nni war iḥȓin x Arebbi.

2 Timutawus 1:15

Cek ṯessneḏ belli marra yinni iǧan ḏi lʼiqlim n Asya semḥen ḏayi uȓa ḏ Fixulus ḏ Hirmujinus.

2 Timutawus 2:18

Niṯni ffɣen abriḏ n lḥaqiqa qqaren qa ṣafi Yum Lqiyama iwqeƹ, tḍeyyaƹen lʼiman n ȓebƹaḍ n yiwḏan.

2 Timutawus 4:10

Minzi Dimas ismeḥ ḏayi ṯuwi-ṯ ȓemḥibbeṯ n ddunect-a iruḥ ɣar ṯendint n Salunik. Iruḥ Kriskus ɣar lʼiqlim n Galaṭya, iruḥ Titus ɣar jjiheṯ n Dalmasya.

2 Buṭrus 2:2

Aṭṭas iy ɣa iqellden ȓeqbaḥeṯ nsen. X ssabab-a wanitan iwḏan aḏ zebbȓen ḏeg ubriḏ n lḥaqiqa.

2 Buṭrus 3:16

Itari manaya ḏi marra ṯibraṯin nnes issawaȓ x ṯmesȓayin-a. Ḏi ṯebraṯin nnes ḏinni ca n ṯmesȓayin qesḥent aṯent ṯfehmem. Ṯimesȓayin nni sƹewwajen-ṯent can yiwḏan iqefȓen war tejhiḏen ca ḏi lʼiman nsen, wa amenni ƹaweḏ iy teggen i Lkutub nneɣni. Sxeddamen manaya i ȓefna nsen.

1 Yuḥanna 2:19

Ffɣen zzayneɣ walakin tuɣa war ǧin ca zzayneɣ. Maƹlik zzayneɣ, ataf qqimen akiḏneɣ. Niṯni ffɣen bac aḏ d iban belli war ǧin ca zzayneɣ.

Lwaḥi 12:9

Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.