1 Timutawus 5:10 - Ṯarifiṯ 2020

¹⁰ Labud aḏ tiȓi maƹrufa s lḥasanaṯ nnes iƹni meȓa ṯrebba ṯarwa nnes, treḥḥab s inewjiwen, ṯsiȓiḏ iḍaren n ṣṣaliḥin, tƹawan yinni itzeyyaren, ṯḏeffar marra ṯimesȓayin ṯiṣebḥanin.

1 Timutawus 5:10 ပူးပေါင်းရင်းမြစ်များ

Matta 25:17

Amenni igga uȓa ḏ wenni umi yuca aȓefayen, irbeḥ aȓefayen nneɣni.

Matta 5:16

Ammu, jjeṯ ȓqendiȓ nwem iceƹƹeȓ i yiwḏan ḥima aḏ ẓren ȓexḏayem nwem ṯiṣebḥanin aḏ ḥemḏen Babaṯwem iǧan ḏeg ujenna.

Luqa 7:38

Ṯeqqim ɣar ḏeffar n Ƹisa ɣar iḍaren nnes ṯebḏa ṯetru wḍan-as imeṭṭawen nnes x iḍaren n Ƹisa. Ṯruḥ ṯemseḥ-iṯen s ucewwaf nnes, ṯseǧem-iṯen ṯeḏhen-iṯen s waman n lwarḏ.

Luqa 7:44

Ineqȓeb ɣar ṯemɣarṯ nni inna-as i Simƹan: "Aqa twaȓiḏ ṯamɣarṯ-a? Usiɣ-d ɣar ṯeddarṯ nnec war ḏayi d ṯuwiḏ cek uȓa ḏ aman iy zi ɣa sirḏeɣ iḍaren inu. Nettaṯ ṯsireḏ-ayi iḍaren inu s imeṭṭawen nnes ṯemseḥ-iṯen s ucewwaf nnes.

Ȓexḏayem 10:22

Nnan-as: "Qa neccin issekk-aneɣ-d Kurninyus ijjen n uƹaskari ḏ ameqqran n arrumanus. Netta ḏ ijjen n uryaz nican iteggweḏ Arebbi, tweqqaren-ṯ marra ȓqum n Ayṯ-Israʼil. Inna-as ijjen n lmalak n Arebbi: Sekk ɣar Buṭrus, aḏ d yas ɣar ṯeddarṯ nnec aḏas ṯṣennṭeḏ min ḏac ɣa yini."

Ȓexḏayem 22:12

Yusa-d ɣari ḏinni ijjen qqaren-as Anas. Netta ḏayes ddin, itṭaƹa i ccariƹa. Ssawaȓen xas mliḥ marra israʼiliyen iy zeddɣen ḏi Dimaceq. Ibedd-d zzaṯi inna-ayi: Ay uma Cawul, ȓexxu aḏ tḏewȓeḏ aḏ twaȓiḏ! Ȓexddenni genfiɣ twaȓiɣ netta.

Ȓexḏayem 6:3

Ay ayṯma, kkarem awim-d sebƹa n iryazen zzaywem aḏ tiȓi ṯessnem-ṯen aqaṯen mliḥ, aḏ iȓin ccuren s Arruḥ iqeddsen ḏ ȓefhameṯ. Neccin aṯen nkellef s lmuhimma-ya

Ȓexḏayem 9:36

Ḏi ṯendint n Yafa ḏinni ijjen n ṯmeḥḍarṯ qqaren-as Ṭabita (ȓmaƹna n yisem-a, <ṯiɣit n uzɣar>). Tegg ȓxir aṭṭas tƹawan imesƹan.

Ȓexḏayem 9:39

Ikkar Buṭrus iruḥ akiḏsen. Wami yuweḍ sgaƹƹḏen-ṯ ɣar ṯɣurfat nni. Nnḍent-as-d i netta marra ṯajjaȓin, trunt seḍharent-as ičammiren ḏ izeǧuba tuɣa ṯxeyyeḍ Ṭabita wami tuɣa ṯeǧa akiḏsent.

Ayṯ-Ruma 12:13

Ƹawneṯ ȓmuminin ṣṣaliḥin yinni iteḥḏajen. Reḥḥbeṯ x yinni itsafaren.

Ayṯ-Ufasus 2:10

Liʼanna neccin ḏ ȓxeḏmeṯ n Siḏi Arebbi, ixȓeq-aneɣ-d ḏi Ƹisa Lmasiḥ bac a negg ȓexḏayem ṯiṣebḥanin. Niṯenti isewjeḏ-aneɣ-ṯent-id Arebbi zi qbeȓ bac aṯent nexḏem.

Ayṯ-Kulus 1:10

Ḥima aḏ tuyurem x yijjen n ubriḏ iy ḏas iticcen i Siḏiṯneɣ lqima iy ḏas iteƹjiben marra. X ubriḏ-a aḏ tarwem marra ȓexḏayem ṯiṣebḥanin aḏ tmarnim ḏi ṯusna nwem x Arebbi.

1 Timutawus 2:10

Lla, aḏ ṣarent ixef nsent s lḥasanaṯ ig iǧan labud ḏi ṯemɣarin nni iqqaren qa neccin nƹebbeḏ Arebbi.

1 Timutawus 3:2

Fa arrayes n jmaƹeṯ maci am yijjen n bnaḏem iy tƹeyyaben yiwḏan. U labud aɣares ṯiȓi ijjen n ṯemɣarṯ waha. U labud aḏ iḥkem x yixef nnes aḏayes yiȓi lmaƹqul ḏ lʼiḥtiram aḏ itreḥḥab zeg inewjiwen aɣares ṯiȓi ṯzemmar aḏ iseȓmeḏ iwḏan.

1 Timutawus 3:7

U labud ƹaweḏ aṯ weqqaren yinni iǧan n barra war iǧin ca ḏ ȓmuminin bac war xas tƹeyyiben ca yiwḏan war iweṭṭi ca ḏi ṯexcebṯ nni n Ibȓis.

1 Timutawus 5:16

Tamɣarṯ ḏ ȓmumna meȓa tiȓint akiḏes can ṯajjaȓin aḏaysent thilla u labud akiḏes qqiment axasent ṯḏebbar. Ṯina, maci ḏ jmaƹeṯ n ȓmuminin axasent tarbu; Lla, aḏ tarbu ɣir x ṯinni iǧan ḏ ṯajjaȓin ḥḏajent ḏ ṣṣaḥ.

1 Timutawus 5:25

Ammu ƹaweḏ can n lḥasanaṯ twameḍharent-id, ƹaḏ can n lḥasanaṯ nneɣni war zemmarent ca aḏ qqiment twanuffarent.

1 Timutawus 6:18

Tweṣṣa-ṯen aḏ ggen ȓxir aḏ iȓin ḏ twajar ƹlaḥsab lḥasanaṯ aḏ iȓin ṣaxiyin aḏ iȓin wejḏen bac aḏ ṣeddqen aḏ ḏebbaren.

2 Timutawus 1:5

Ƹeqȓeɣ x lʼiman nnec bȓa nnifaq wenni iǧan ḏ amezwaru ḏi ḥennac Lwiza ḏ yemmac Anisa. Ȓexxu teyyqeɣ ḏ ṣṣaḥ belli aqaṯ ḏayec uȓa ḏ cek.

2 Timutawus 2:21

Wenni issiṣfan ixef nnes zi marra ṯimesȓayin nni ṯiƹeffanin ataf aḏ yiȓi am ȓeqcuƹ nni iy twasteƹmalen i min iǧan ḏ ccan, netta aḏ yiȓi iṣfa aḏ yiȓi ineffeƹ i Bab nnes, aḏ yiȓi iwjeḏ i kuȓ ȓxeḏmeṯ ṯaṣebḥant.

2 Timutawus 3:15

Aqa zi ṯemẓi nnec ṯessneḏ ƹaweḏ Ṯira iǧan Muqeddsin zemmarent ac d arrent ḏ miɣis ƹlaḥsab mamc iy ɣa ṯnejmeḏ s lʼiman nni iy iǧan ḏi Ƹisa Lmasiḥ.

2 Timutawus 3:17

Ḥima aryaz n Arebbi aḏ yiȓi iwjeḏ aḏ yaf iḏebbar-as s qaƹ ṯimesȓayin ƹlaḥsab kuȓ ȓxeḏmeṯ ḏ ṯaṣebḥant.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

Titus 2:7

Ḏi marra ṯimesȓayin aɣarsen ṯiȓiḏ cek ḏ lmiṯal s lḥasanaṯ iy teggeḏ. Ttaƹlim nnec sexḏem-iṯ s ṣṣaraḥa ḏ lmaƹqul

Titus 3:1

Sfekkar i ȓmuminin aḏ ggen array i ȓḥukkam ḏ ȓmexzen, aḏasen ṭaƹen aḏ iȓin wejḏen i kuȓ ȓxeḏmeṯ ḏ ṯaṣebḥant.

Titus 3:14

Iwḏan nneɣ itxeṣṣa war tƹicen ca bȓa nnfaƹ, itxeṣṣa aḏ ṭewwƹen ixef nsen s lḥasanaṯ ḥima aḏ debbaren i yina iteḥḏajan.

Titus 3:8

Awaȓ-a iy qqareɣ ḏayes ttiqeṯ. Nec xseɣ cek aḏ twekkḏeḏ x ṯmesȓayin-a i yinni iy yumnen zi Arebbi bac aḏ d arren ȓbaȓ nsen aḏ ṭewwƹen ixef nsen s lḥasanaṯ. Ṯimesȓayin-a ḏ ṯiṣebḥanin s waṭṭas neffƹent iwḏan.

Iƹibraniyen 10:24

Neccin a nxemmem mliḥ mammec iy ɣa negg a nweṣṣa ayawya x ȓemḥibbeṯ ḏ lḥasanaṯ.

Iƹibraniyen 13:2

War tettuṯ ca aḏ treḥḥbem zi midden minzi ȓebƹaḍ iy ggin manayenni treḥḥaben zi lmalaʼikaṯ bȓa ma ṯent ssnen.

Iƹibraniyen 13:21

Aḏawem iḏebbar Arebbi marra ṯimesȓayin ṯiṣebḥanin bac aḏ teggem ȓxaḍar nnes. Aḏayneɣ ixḏem min ḏas iteƹjiben zzaṯes, s Siḏiṯneɣ Ƹisa Lmasiḥ iy ɣar ɣa ṯiȓi lƹaḍama i ȓebda n ȓebdaṯ. Amin.

1 Buṭrus 2:12

Ƹiceṯ s lmaƹqul jar ȓegnus. Meȓa tahamen-kenniw x can ȓḥajeṯ ḏ ṯaƹeffant uca niṯni ẓerren lḥasanaṯ nwem ataf aḏ ḥemḏen Arebbi ḏi Nhar nni iy xasen d ɣa ixḍeȓ.

1 Buṭrus 4:9

Labud aḏ treḥḥbem zeg wayawya am inewjiwen bȓa ma aḏ tceṯcam.

3 Yuḥanna 1:12

Amma Dimitriyus cehhḏen xas mliḥ qaƹ iwḏan waxxa uȓa ḏ lḥaqiqa ṯcehheḏ xas s yixef nnes. Axas narni waxxa ḏ chaḏeṯ nneɣ u kenniw ṯessnem belli chaḏeṯ nneɣ neccin ḏ ṣṣaḥ.