1 Timutawus 4:6 - Ṯarifiṯ 2020

⁶ Ṯimesȓayin-a meȓa ṯesbeyyaneḏ-ṯent-id i ayṯmaṯneɣ aḏ tiȓiḏ cek ḏ ijjen n uxeddam ḏ aṣebḥan n Ƹisa Lmasiḥ, aḏ tiȓiḏ twarebbiḏ s wawaȓen n lʼiman ḏ ttaƹlim nni aṣebḥan iy ṯḏeffareḏ cek.

1 Timutawus 4:6 ပူးပေါင်းရင်းမြစ်များ

Matta 13:52

Inna-asen: "Kuȓ amseȓmaḏ n Ccariƹa n Musa ig ifehmen ȓmulk ujenna netta am yijjen n bab n ṯeddarṯ ig isufuɣen ṯimesȓayin ṯiqḏimin niɣ ḏ jḏiḏ zi mani ixzen ȓkenz nnes."

Luqa 1:3

A siḏi uȓa ḏ nec tɣiȓ-ayi mliḥ aḏ ggeɣ aḏ ariɣ min iweqƹen wami beḥṯeɣ ḏi marra manaya mliḥ. Aḏac ṯ ariɣ ṯa s ṯa ḥima aḏ tessneḏ ȓḥaqq n ṯmesȓayin nni iy ḏac seȓmaḏen.

Ȓexḏayem 1:15

Ḏeg wussan nni ikkar Buṭrus ibedd ḏi ȓwesṭ n ȓmuminin (ḏinni can miyya u ƹicrin iḏsen) inna-asen:

Ȓexḏayem 20:31

Iwa iȓiṯ ƹlabal! War tettum ca nec ṯeȓt-snin iy kiḏwem kkiɣ, qqimeɣ tweṣṣiɣ mkuȓ ijjen zzaywem ǧiȓeṯ ḏ wass s imeṭṭawen inu.

Ȓexḏayem 20:35

S marra manaya smeḍhareɣ-awem-d mammec itxeṣṣa-yaneɣ a nexḏem mliḥ bac a nƹawen yinni iḥḏajen. A nfekkar ḏeg wawaȓ n Siḏiṯneɣ Ƹisa iy inna: Ssaƹḏ n wenni iticcen ktar zeg wenni iqebbȓen."

Ayṯ-Ruma 15:15

Walakin zeƹmeɣ uriɣ ṯabrat-a ɣarwem x ȓebƹaḍ n ṯmesȓayin ḥima war ṯent tettum ca. Liʼanna nec teggeɣ ȓxeḏmeṯ n ȓefqi tbeccareɣ s wawaȓ n Arebbi s lbaraka nni iy ḏayi yuca bac aḏ iȓiɣ ḏ axeddam n Ƹisa Lmasiḥ i kenniw war iǧin ca zi Ayṯ-Israʼil. Ḥima akenniw qeddmeɣ am yijjen n ṣṣeḏqeṯ ṯeṣfa s Arruḥ iqeddsen ḥima at iqbeȓ Arebbi.

1 Ayṯ-Kurinṯ 4:17

X manayenni iy xef kenniw d ssekkiɣ Timutawus. Netta iƹizzen xafi am can memmi, ḏayes ttiqeṯ ḏi Siḏiṯneɣ. Akenniw isfekkar x ibriḏen inu ḏi Lmasiḥ mammec ṯen seȓmaḏeɣ ḏi marra imucan ḏ marra ṯijumaƹ n ȓmuminin.

2 Ayṯ-Kurinṯ 11:23

Meȓa niṯni ḏ ixeddamen n Lmasiḥ, uȓa ḏ nec ḥsen ƹaḏ ḏ axeddam n Lmasiḥ (ssawaȓeɣ zaƹma s ṯubbuhȓiya-ya). Nec ccaṯeɣ tamara ktar zzaysen, ḥebbsen-ayi ktar zzaysen, uwṯin-ayi s usɣun ktar zzaysen. Nec mecḥaȓ n ṯwaȓaṯin twajaheɣ ȓmewṯ.

2 Ayṯ-Kurinṯ 3:6

Ḏ netta iy ḏaneɣ yucin ṯizemmar-a bac a niȓi ḏ ixeddamen n yijjen n Ȓƹaheḏ ḏ jḏiḏ. Ȓƹaheḏ-a maci s ccariƹa; Lla, ȓƹaheḏ-a s Arruḥ n Arebbi. Liʼanna ccariƹa ṯneqq, Arruḥ n Arebbi netta iseddar.

2 Ayṯ-Kurinṯ 6:4

Innama, neccin netqeddam-awem ixef nneɣ s marra minzi neccin ḏ ixeddamen n Arebbi: Iƹni nṣebbar aṭṭas; tekkent xaneɣ ȓemḥayen ḏ tamara ḏ uziyyar;

Ayṯ-Ufasus 6:21

Rezzuɣ aḏ tessnem mamc ǧiɣ ḏ min teggeɣ. Ḏ uma Tuciq iƹizzen iy ḏawem ɣa yinin marra manaya. Netta ḏ ijjen n uxeddam nican ḏi Siḏiṯneɣ.

Ayṯ-Filippas 2:20

War ɣari ḏa ḥadd am netta thima-ṯ lḥala nwem.

Ayṯ-Filippas 2:22

Amma Timutawus netta ṯessnem-ṯ meltazem s yixef nnes, ixeddem akiḏi ḏi Lʼinjil am yijjen n uḥarmuc ixeddem ak babas.

Ayṯ-Filippas 3:16

Walakin min nessen ƹaḏ nican labud aḏayes neṭṭef mliḥ.

Ayṯ-Kulus 2:19

Bnaḏem nni isexṣar lƹalaqa ak wenni itrayyan ḏ azeǧif. Azeǧif nni netta itḏebbar i ddat nnes amen-ṯekmaȓ wami nettaṯ ṯmun s ipurṣuṯen ḏ ȓemfaseȓ nnes bac ddat aḏ temɣar ƹlaḥsab min ixes Arebbi aḏ temɣar.

Ayṯ-Kulus 3:16

Jjem awaȓen n Lmasiḥ aḏaywem zeḏɣen s marra lbaraka nsen. S marra ȓefhameṯ itxeṣṣa ijjen aḏ isefhem unneɣni, ijjen aḏ inha unneɣni. Ɣennjem s wawaȓen n Zzabur ḏ lʼamdaḥ ḏ yizȓan ruḥiya akiḏes ṯeggem ijjen n ccuker ḏeg wuȓawen nwem i Arebbi.

Ayṯ-Kulus 4:7

Umaṯneɣ Tuciq akenniw ixebbar x marra min teggeɣ ḏanita. Netta iƹizz xafi, itsexxar i Arebbi s yijjen n ttiqeṯ. Netta ḏ axeddam itemƹacaren akiḏi ḏi ȓxeḏmeṯ n Siḏiṯneɣ.

1 Timutawus 1:10

ḏ yinni iteggen lfasad ḏ iryazen ifessḏen ak wayawya ḏ yinni itacaren iwḏan ḥima aṯen arren ḏ isemɣan ḏ yinni iqqaren ixarriqen ḏ yinni icehhḏen ẓẓur niɣ ḏ yinni iteggen can n ṯmesȓayin nneɣni iǧan ḍed i ttaƹlim n lʼiman iǧan nican.

1 Timutawus 4:16

Xzar ḏi ṯuḏarṯ nnec ḏ ṯmesȓayin iy ṯseȓmaḏeḏ, arni ḏaysent. Liʼanna meȓa ṯeggiḏ manaya aḏ tesnejmeḏ ixef nnec ḏ yinni iy ḏac itsȓan.

1 Timutawus 6:3

Meȓa can uryaz iseȓmeḏ can ȓḥajeṯ nneɣni war itifiq ca ak wawaȓen nican n Siḏiṯneɣ Ƹisa Lmasiḥ ḏ ttaƹlim x lʼiman,

2 Timutawus 1:6

X manaya ac fekkareɣ bac aḏ tsenhezzeḏ lqudra nni iy ḏayec iǧan zi Arebbi ƹlaḥsab wami xac serseɣ ifassen inu.

2 Timutawus 3:10

Walakin cek ṯessneḏ mliḥ ttaƹlim inu ḏ ubriḏ n ṯuḏarṯ inu ḏ lɣaraḍ inu ḏ lʼiman inu ḏ ttasiƹ n ȓxaḍar inu ḏ ȓemḥibbeṯ inu ḏ ṣṣbar inu

2 Timutawus 4:3

Aqa aḏ d tas ȓweqṯ nni niṯni war tṣenniṭen ca ɣar ttaƹlim nican; aɣarsen d smunen ijjen n lƹadad n imseȓmaḏen ssawaȓen ɣir min ḏasen iƹejben i imejjan nsen waha.

Titus 2:1

Amma cek, seȓmaḏ min imunen ak ttaƹlim nican.

1 Buṭrus 2:2

Iȓiṯ am iḥḍiḍen, sɣuyiweṯ x uɣi nni iṣfan n Arruḥ iqeddsen bac azzayes ṯemɣarem ḏi lʼiman nwem ig isenjamen.

2 Yuḥanna 1:9

Wenni iruḥen ɣar ȓeggwaj war iqqim ca ḏi ttaƹlim n Lmasiḥ ataf war ɣares ca Arebbi. Wenni iqqimen ḏi ttaƹlim-a aɣares yiȓi Babaṯneɣ ak Mmis.

Yahuḏa 1:5

Waxxa ssneɣ belli ṯessnem manaya, xseɣ akenniw sfekkareɣ mliḥ belli Siḏiṯneɣ ifekk ccaƹb nnes zi Miṣra, walakin menbaƹd yinni war yuminen ca imḥa-ṯen qaƹ.