1 Timutawus 4:2 - Ṯarifiṯ 2020

² Aḏ yiȓi manaya s nnifaq n iryazen isxarriqen, ḍḍamir nsen ṣafi iḥareq mamc iy ṯ iḥareq ijjen n warcem n wuzzeȓ issecmaḍen.

1 Timutawus 4:2 ပူးပေါင်းရင်းမြစ်များ

Matta 24:24

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Matta 7:15

Ḥḍam ixef nwem zeg yinni itarran ixef nsen ḏ lʼanbiya. Tasen-d ɣarwem am can n iḥuȓiyen walakin ḏeg wuȓawen nsen ḏ uccanen iwƹaren.

Ȓexḏayem 20:30

Ƹaweḏ zzaywem aḏ d meḍharen can iṯarrasen aḏ sƹewwjen lḥaqiqa ḥima aḏ jarren ɣarsen imeḥḍaren.

Ayṯ-Ruma 1:28

Ssenni niṯni wami ugin aḏ ssnen Arebbi, isellem-iṯen i ȓaƹquȓaṯ nsen infeḍḥen aḏ ggen min war iḥȓin.

Ayṯ-Ruma 16:18

Liʼanna yina war xeddmen ca i Siḏiṯneɣ Ƹisa Lmasiḥ, xeddmen ɣir i uƹeddis nsen waha. S wawaȓ yiziḍen ḏ lmuhawaḍa izewwqen xeddƹen uȓawen n yinni iy ḏi ṯeǧa nniyyeṯ.

Ayṯ-Ufasus 4:14

Amenni war netɣimi ca ḏ iḥenjiren tawint-aneɣ ȓemwaj tarrant-aneɣ. Niɣ ḏ arriḥ itṣuḍ xaneɣ ikessi-yaneɣ ssa ḏ ssa s kuȓ arriḥ zaƹma n useȓmeḏ u s ṯeḥraymiṯ ḏ ixarwiḍen n iryazen ḏ min tciṭṭinen.

Ayṯ-Ufasus 4:19

Fellsen qaƹ ḏeffaren ccehweṯ nsen u ṣafi, ḏaysen ijjen n zƹameṯ aḏ sxeḏmen i kuȓ nnuƹ n min isexnizen.

2 Timutawus 3:5

aḏ ggen ixef nsen ƹebbḏen Arebbi walakin nekkaren jjheḏ nnes. Iwḏan-a, awggwej xasen.

Lwaḥi 16:14

Yina ḏ arruḥaṯ n ccayaṭin teggen lmuƹjizaṯ zaƹma. Traḥen ɣar izeǧiḏen n ṯmurṯ marra ḥima aṯen smunen i ȓḥarb ḏi Nhar nni ameqqran n Arebbi ig izemmaren i kuȓci.