1 Timutawus 4:10 - Ṯarifiṯ 2020

¹⁰ X manaya neccin nxeddem nrebbeȓ liʼanna negga lʼamal nneɣ ḏi Arebbi iddaren wenni isenjamen marra iwḏan xaṣṣatan ḏ yinni itamnen.

1 Timutawus 4:10 ပူးပေါင်းရင်းမြစ်များ

Matta 16:16

Indeq-d Simƹan Buṭrus inna-as: "Cek ḏ Lmasiḥ, Mmis n Arebbi iddaren."

Matta 27:43

Itwekkeȓ x Arebbi; Meȓa irḍa xas Arebbi aṯ isenjem ȓexxu! Ȓaḥeqqac inna: Nec ḏ Mmis n Arebbi."

Yuḥanna 1:29

Ṯiwecca nnes Yaḥya itwaȓa Ƹisa iggur-d ɣares, inna: "Xzarzeṯ, ḏ win ḏ Izmar n Arebbi iy ɣa ikksen ȓmuƹṣiyeṯ x yiwḏan marra.

Yuḥanna 4:42

Nnan-as i ṯemɣarṯ nni neccin war ntimen ca ȓexxu ɣir ƹlaḥsab min ḏaneɣ ṯenniḏ cem, minzi issiweȓ akiḏneɣ s yixef nneɣ u neccin nessen belli ḏ ṣṣaḥ ḏ wa ig isenjamen ddunect.

Yuḥanna 5:24

Aqa tesȓam ȓḥaqq: Wenni itsȓan i wawaȓ inu itamen zeg wenni ḏayi d issekken, aɣares ṯiȓi ṯuḏarṯ n ȓebda war itiḏef ca ḏi lƹiqab, netta aḏ imutti zi ȓmewṯ ɣar ṯuḏarṯ.

1 Ayṯ-Kurinṯ 15:10

Walakin nec s arḍa n Arebbi ḏewȓeɣ mammec ǧiɣ ȓexxu. Ṯumma arḍa nnes war iǧi bu xafi s bȓa nnfaƹ; Lla, nec ccaṯeɣ tamara ktar zzaysen marra. Maci ḏ nec zaƹma; Lla, ḏ arḍa n Arebbi iy kiḏi.

2 Ayṯ-Kurinṯ 1:10

Isenjem-aneɣ-d zeg yijjen n ȓmewṯ ḏ ṯaƹeffant u netta ƹaḏ aqa isenjam-aneɣ. Ntegg ḏayes lʼamal nneɣ belli ƹaḏ aḏaneɣ isenjem wami kenniw ḏaneɣ tƹawanem s ṯẓaǧiṯ nwem. Ṯumma aṭṭas n yiwḏan aḏ sgaƹƹḏen ṣṣut nsen ɣar Arebbi aṯ cekkaren x lbaraka nni iy ḏaneɣ ɣa yuc xmi iy ɣa ṯestajeb aṭṭas n ṯẓaǧiṯ nsen xaneɣ.

1 Timutawus 2:3

Manaya ḏ aṣebḥan yarḍa xas Arebbi iy ḏaneɣ d isnejmen,

1 Timutawus 2:4

ixes marra iwḏan aḏ twasnejmen aḏ awḍen aḏ ssnen lḥaqiqa.

1 Timutawus 2:6

Netta iṣeddeq ṯuḏarṯ nnes ḏ ijjen n lfidya bac azzayes isenjem marra iwḏan, manaya aḏ itwacheḏ ḏi ȓweqṯ nnes.

1 Timutawus 3:15

Meȓa ṭewwleɣ aṭṭas war ḏinni d usiɣ ca, ataf aḏ tessneḏ cek mamc iy ɣa suguren yiwḏan ixef nsen ḏi ṯeddarṯ n Arebbi iƹni jmaƹeṯ n ȓmuminin n Arebbi iddaren ḏ nettaṯ iy iǧan ḏ apilar ḏ dsas n lḥaqiqa.

1 Timutawus 6:17

Yinni ig iǧan ḏ twajar ḏi ddunect-a iy ḏi neǧa tweṣṣa-ṯen bac war ḏaysen itiȓi ca ttakebbur bac war teggen ca lʼamal nsen ḏeg wagȓa ḏi war ṯeǧi bu ttiqeṯ. Lla, aḏ yiȓi lʼamal nsen ḏi Arebbi wenni iy ḏaneɣ itḏebbaren marra ṯimesȓayin s ȓxir azzaysent nfareḥ.

Iƹibraniyen 11:26

Ifhem meȓa seḥqaren-ṯ ƹlaḥsab Lmasiḥ iƹni manayenni ɣares lqima ktar zi min ɣarsen ḏ lkunuz ḏi Miṣra. Aqa netta ixezzar ɣar zzaṯ ḏi ljaʼiza nnes.

Iƹibraniyen 13:13

X manaya a nraḥ ɣar Ƹisa ɣar ȓeggwaj n iqiḍan a narbu aḥeggar nni iy xef iṣbar netta.

1 Buṭrus 1:21

Zzayes netta iy zi tamnem zi Arebbi iy ṯiḏ isekkaren zeg imettinen, yuca-as lƹaḍama bac ttiqeṯ nwem ḏ lʼamal nwem tiȓin ḏi Arebbi.

1 Yuḥanna 2:2

Ḏ netta ig iruḥen ḏ lfidya x ȓmuƹṣiyaṯ nneɣ u maci ɣir x ȓmuƹṣiyaṯ nneɣ waha, ḥetta uȓa ḏ ȓmuƹṣiyaṯ n ddunect-a amen-ṯekmaȓ.

1 Yuḥanna 4:14

Iwa neccin neẓra ncehheḏ belli Babaṯneɣ issekk-d Mmis ḥima aḏ isenjem ddunect-a.