1 Timutawus 3:8 - Ṯarifiṯ 2020

⁸ Amenni ƹaweḏ imsexxaren u labud aḏ iȓin mweqqerin aɣarsen yiȓi wawaȓ, ataf war sessen ca aṭṭas n ccreb war ḍemmƹen ca ḏi ȓewsex n ddunect-a.

1 Timutawus 3:8 ပူးပေါင်းရင်းမြစ်များ

Ayṯ-Ruma 3:13

Ṯmijja nsen ḏ anḍeȓ inurzmen, iȓesawen nsen ixeddƹen. Ssem n ifiɣeran iteffeɣ-d zeg iyencicen nsen.

Ayṯ-Filippas 1:1

Nec ḏ Bulus akiḏi Timutawus neccin ḏ ixeddamen n Ƹisa Lmasiḥ. Ntari ṯabrat-a i ṣṣaliḥin n Ƹisa Lmasiḥ iy iǧan ḏi ṯendint n Filippi ḏ arruyas nsen ḏ nnuyab nsen.

1 Timutawus 3:12

Imsexxaren itxeṣṣa u labud aḏ iȓin ḏ iryazen n yijjen n ṯemɣarṯ waha, aḏ ḥekkmen x iḥenjiren ḏ ṯuḏrin nsen mliḥ.

1 Timutawus 3:2

Fa arrayes n jmaƹeṯ maci am yijjen n bnaḏem iy tƹeyyaben yiwḏan. U labud aɣares ṯiȓi ijjen n ṯemɣarṯ waha. U labud aḏ iḥkem x yixef nnes aḏayes yiȓi lmaƹqul ḏ lʼiḥtiram aḏ itreḥḥab zeg inewjiwen aɣares ṯiȓi ṯzemmar aḏ iseȓmeḏ iwḏan.

1 Timutawus 3:3

Itxeṣṣa war itegg ca lmadla n ssekra, war icciṯ ca aḏ yiȓi trankiȓ. Itxeṣṣa war itmenɣi ca s wawaȓ, war iḍemmeƹ ca ḏi tmenyaṯ.

1 Timutawus 5:23

War sess ca aman waha, sew ƹaweḏ ḏrus n waman uḍiȓ ƹlaḥsab ṯakrict nnec ḏ ȓehracaṯ iy c iȓeqqfen.

Titus 1:7

Aqa arrayes n jmaƹeṯ itkellaf netta s lmesʼuliya zi Arebbi u labud aḏ yiȓi bȓa ȓƹib, war ḏayes itiȓi bu ttakebbur, war itƹeṣṣib ca ḏeɣya, war isekkar ca s ccreb, war icciṯ ca, war iḍemmeƹ ca ḏi tmenyaṯ.

Titus 2:3

Ṯinni imɣaren ƹaweḏ aḏ ƹiccent ƹlaḥsab lʼiman, war ḏaysent tiȓi bu nnamima, war tebliyint ca aṭṭas s binu. Aḏ sȓemḏent min iǧan ḏ aṣebḥan.

Yaƹqub 3:10

Wac zeg yijjen n uqemmum iy zi ɣa nsufeɣ ccuker ḏ nnaƹȓeṯ? Lla ay ayṯma, manaya itxeṣṣa war itiȓi ca.

1 Buṭrus 5:2

Arewseṯ ṯḥimerṯ nni n Arebbi iy xef kenniw itkellaf netta. Ḥḍam-teṯ s ȓxaḍar nwem maci s yijjen n bezzez iy xawem teggen minzi ammu iy ixes Arebbi. Maci s ṭṭmaƹ n ȓefḍiḥeṯ, lla s wuȓawen nwem.