1 Timutawus 3:16 - Ṯarifiṯ 2020

¹⁶ U bȓa ccekk mecḥaȓ ṯeǧa ḏ ṯameqqrant ȓmaƹna inuffaren n lʼiman: Netta, ḏ bnaḏem iy d imeḍharen, ḏ Arruḥ iy xas icehḏen. Netta, ḏ lmalaʼikaṯ iy ḏayes ixzaren, ḏ ȓegnus iy zzayes itwabeccaren. Netta, ḏi ddunect-a yinni iy zzayes yumnen, ḏ lƹaḍama n ujenna iy ṯ iqebȓen.

1 Timutawus 3:16 ပူးပေါင်းရင်းမြစ်များ

Matta 1:23

(Ȓmaƹna nnes: Arebbi aqaṯ akiḏneɣ.)

Matta 13:11

Indeq-d Ƹisa inna-asen: "Itwasmeḥ i kenniw aḏ tessnem min inuffaren ḏi ȓmulk ujenna. Walakin niṯni lla, war ḏasen itwasmiḥ ca.

Matta 28:2

Ƹlaɣafla ṯenhezz ṯmurṯ ij unhezzi ḏ ameqqran ȓaḥeqqac ṯehwa-d ijjen n lmalaʼika n Arebbi zeg ujenna, ṯekkes azru nni x ṯewwarṯ ṯeqqim xas.

Matta 3:16

Wami itwaṭehhar Ƹisa iffeɣ-d ȓexddenni zeg waman nni. Aqa inurzem-as-d ujenna iẓra Arruḥ n Arebbi ihewwa-d igga am yijjen n ṯeḏbirṯ ṯmars-d xas.

Matta 4:11

Ssenni ibeƹƹeḏ xas Ibȓis. Usint-id lmalaʼikaṯ bḏant tsexxarent x Ƹisa.

Marqus 1:13

Ikka ḏinni arbeƹin yum itjerrab-iṯ Cciṭan. Aqaṯ mani ǧan ȓuwḥuc, tsexxarent xas lmalaʼikaṯ.

Marqus 16:19

Issiweȓ akiḏsen Siḏiṯneɣ Ƹisa ssenni itwarfeƹ ɣar ujenna iqqim x ufusi n Arebbi.

Marqus 16:5

Uḏfent ɣar yifri n unḍeȓ nni ufint ijjen n uḥenjir iqqim x jjiheṯ ṯafusiṯ, igga arruḍ ḏ acemȓaȓ u qqiment ḏehhcent aṭṭas.

Luqa 2:32

Netta ḏ ijjen n nnur iy ṯesmeḍhareḏ i ȓegnus, netta ḏ ijjen n lƹaḍama n ccaƹb nnec n Ayṯ-Israʼil."

Luqa 20:44

Mammec ɣa yiȓi Lmasiḥ ḏ mmis n Dawed? Netta Dawed iqqar-as i Lmasiḥ A Siḏi."

Luqa 22:43

Ȓexddenni ṯbedd-d ɣares ijjen n lmalaʼika zeg ujenna ḥima aḏas ṯuc jjheḏ.

Luqa 24:4

Niṯenti wami qqiment ḏehhcent ḏi manayenni, bedden-d ɣarsent ṯnayen n iṯarrasen ggin arruḍ itceƹciƹ.

Luqa 24:51

Wami ṯen itbarak, itgaƹƹaḏ xasen itwarfeƹ ɣar ujenna.

Yuḥanna 1:14

Awaȓ-a iḏweȓ ḏ bnaḏem, izḏeɣ jaraneɣ. Neccin neẓra lƹaḍama ɣares iǧan, lƹaḍama-ya ṯeǧa ɣar Mmis waḥḏes n Babas. Netta iccur s arḍa ḏ lḥaqiqa.

Yuḥanna 13:3

Tuɣa Ƹisa issen qa Babas igga-as kuȓci ḏeg ifassen nnes, yusa-d zi Arebbi aḏ iḏweȓ ɣar Arebbi.

Yuḥanna 15:26

Aḏ d yas Lmuƹawin iƹni Arruḥ n lḥaqiqa. Aḏawem ṯiḏ ssekkeɣ nec zi Baba u netta iffeɣ-d zi Baba. Xmi d ɣa yas, axafi icheḏ.

Yuḥanna 16:28

Ffɣeɣ-d zi Baba wḍeɣ-d ɣar ddunect-a. Aḏ uyureɣ zi ddunect-a aḏ ƹeqbeɣ ƹaweḏ ɣar Baba."

Yuḥanna 17:5

Semɣar-ayi ȓexxu akiḏec a Baba s lƹaḍama nni tuɣa ɣari wami ǧiɣ akiḏec qbeȓ ma aḏ tiȓi ddunect.

Yuḥanna 20:12

ṯufa ṯnayen n lmalaʼikaṯ s warruḍ ḏ acemȓaȓ icten ṯeqqim ɣar uzeǧif icten ṯeqqim ɣar iḍaren mani tuɣa ṯeǧa ddat n Ƹisa.

Yuḥanna 6:62

Y meȓa ṯeẓrim Mmis n bnaḏem itwarfeƹ ɣar mani iqqim ḏ amezwaru?

Ȓexḏayem 1:19

Arrin-as-d ȓexbar marra ayṯbab n Lquds. X manayenni semman-as i ṯmurṯ nni s wawaȓ nsen <Ḥaqel Damma> iƹni

Ȓexḏayem 10:34

Ibḏa Buṭrus issawaȓ inna-asen: "Ḏ ṣṣaḥ twaȓiɣ Arebbi war itegg ca s wuḏemawen jar yiwḏan.

Ȓexḏayem 14:27

Wami uwḍen ḏinni, smunen jmaƹeṯ n ȓmuminin ƹawḏen-asen marra min igga Arebbi x ufus nsen ḏ mammec irzem-asen ṯawwarṯ n lʼiman i yinni war iǧin ca zi Ayṯ-Israʼil.

Ȓexḏayem 20:28

Ḥḍaṯ ixef nwem. Ḥḍaṯ ṯḥimerṯ nwem, ṯenni iy zi kenniw ikellef Arruḥ iqeddsen. Arewseṯ jmaƹeṯ n ȓmuminin n Arebbi qa netta iseɣ-it s iḏammen nnes.

Ayṯ-Ruma 10:12

Liʼanna war ḏinni bu ȓfarq jar israʼiliyen ḏ yinni war iǧin ca zi Ayṯ-Israʼil minzi Siḏi Arebbi ḏ ijjen, aqaṯ xaneɣ marra. Itenfeyyaḍ-d ȓxir nnes x marra wenni xas itȓaɣan.

Ayṯ-Ruma 10:18

Walakin nec tseqsiɣ, Ma war sȓin ca? Wah, sȓin. Aqa min iqqar Lkitab: <Ḏi marra ṯamurṯ iffeɣ-d ṣṣut nsen, awaȓen nsen uwḍen aȓ ȓaḥedd n ddunect.>

Ayṯ-Ruma 16:25

Itwabarak Arebbi! Netta ḏ wenni izemmaren aḏawem yuc jjheḏ s Lʼinjil-a iy tbeccareɣ u ƹaweḏ s uḥeddeṯ n Ƹisa Lmasiḥ ƹlaḥsab min d ibanen tuɣaṯ manayenni zi zman inuffar.

Ayṯ-Ruma 16:26

Ȓexxu iban-d manaya i yiwḏan itwassen s Lkutub n lʼanbiya. Arebbi iƹni wenni itduman i ȓebda yumar azzayes amnen marra ȓegnus aḏas ṭaƹen.

Ayṯ-Ruma 3:4

Ƹemmarṣ! Ȓaḥeqqac Arebbi iqqar lḥaqiqa waxxa iwḏan marra sxerriqen. Mammec iqqar Lkitab:

Ayṯ-Ruma 8:3

Cuf, Arebbi igga min war ṯzemmar aḏ tegg ccariƹa n Musa, mayemmi? Ƹlaḥsab ḍḍuƹef n ddat nneɣ iy ḏas ikksen jjheḏ i ccariƹa. Arebbi, wami iy d issekk Mmis imeṯṯel-iṯ-iḏ am ddat n bnaḏem iƹṣan, issekk-iṯ-id ḏ lfidya x ȓmuƹṣiyeṯ nneɣ. Ammu iḥaseb iƹaqeb ȓmuƹṣiyeṯ ig iǧan ḏi ddat n bnaḏem

Ayṯ-Ruma 9:5

Usin-d zi ssalaf ṣṣaliḥin, u zeg uẓwer nsen iy d yusa Lmasiḥ ḏ ddat ḏ bnaḏem. Arebbi itwaḥmeḏ i ȓebda, wenni iḥekkmen x marra. Amin.

1 Ayṯ-Kurinṯ 15:47

Bnaḏem amezwaru itwaṣenneƹ zeg ucaȓ n ṯmurṯ, bnaḏem wis ṯnayen yusa-d zeg ujenna.

1 Ayṯ-Kurinṯ 2:7

Lla, neccin nessawaḍ ijjen n ȓefhameṯ ḏayes ȓmaƹna inuffaren n Arebbi ḏ min itwasnuffaren. Izemmem-it Arebbi qbeȓ ma aḏ d ṯexȓeq ȓweqṯ qaƹ ḥima neccin a netwasemɣar.

2 Ayṯ-Kurinṯ 1:19

Liʼanna Mmis n Arebbi iƹni Ƹisa Lmasiḥ netbeccar-iṯ jarawem nec uȓa ḏ Silas uȓa ḏ Timutawus. Lmasiḥ war iǧi bu ḏ wah akeḏ lla, netta iǧa ȓebda ḏ u ṣafi.

Ayṯ-Galaṭya 2:8

Minzi Arebbi ig isxeddamen ttebcir n Buṭrus am arrasul i Ayṯ-Israʼil, ḏ netta ig isxeddamen ƹaweḏ ttebcir inu am arrasul i yinni iǧan ḏ iyunaniyen.

Ayṯ-Galaṭya 4:4

Walakin wami d ṯuweḍ ȓweqṯ ig izemmem Arebbi, ikkar netta issekk-d Mmis itwaxȓeq-d zeg yijjen n ṯemɣarṯ, itwaxȓeq-d ṯḥekkem xas Ccariƹa n Musa.

Ayṯ-Ufasus 1:9

U ƹlaḥsab lɣaraḍ nnes ig igga ḏi Lmasiḥ isbeyyen-aneɣ-d ȓmaƹna inuffaren n ȓxaḍar nnes.

Ayṯ-Ufasus 6:19

Ttarem xafi nec ƹaweḏ meȓmi ma rezmeɣ aqemmum inu aḏayi muccen wawaȓen iy zi ɣa beccareɣ s ȓmaƹna inuffaren n Lʼinjil.

Ayṯ-Kulus 1:23

Walakin labud aḏ teqqimem ḏi lʼiman nwem nican aḏ tbeddem x dsas, war ṯsemmḥem ca ḏi lʼamal n Lʼinjil tuɣa iy tesȓim. Lʼinjil-a twabeccarent zzayes qaƹ ṯimesȓayin itwaxeȓqen swadday ujenna, u nec Bulus ḏewȓeɣ ḏ axeddam nnes.

Ayṯ-Kulus 1:27

Niṯni ixḍar-iṯen Arebbi bac aḏ xebbaren i yinni war iǧin ca zi Ayṯ-Israʼil aḏasen inin mecḥaȓ imɣar ȓxir-a lƹaḍim n ȓmaƹna inuffaren wanita. Min iƹna ȓmaƹna-ya? Lmasiḥ netta iǧa ḏaywem, ḏ lʼamal n lƹaḍama.

Ayṯ-Kulus 2:2

Rezzuɣ uȓawen nwem aḏ twacejjƹen xmi ɣa munen ak wayawya s ȓemḥibbeṯ bac aḏ tawḍem ɣar marra ȓxir nni ig iǧan ḏeg yijjen n ȓefhameṯ ṯekmaȓ ḏ yijjen n ṯusna x ȓmaƹna inuffaren n Arebbi iǧan ḏi Lmasiḥ.

2 Ayṯ-Salunik 1:10

Manaya aḏ iwqeƹ ḏi Yum nni iy d ɣa yas Siḏiṯneɣ bac aḏ itwasemɣar jar ṣṣaliḥin nnes, netta azzayes tƹejjben marra yinni yumnen, ḏaysen kenniw minzi ṯumnem zi min xas necheḏ.

2 Ayṯ-Salunik 2:7

Cuf, ijjen n jjheḏ inuffaren n ssayyiʼaṯ ixeddem ȓexxu, walakin ḏinni ijjen nneɣni ƹaḏ iteṭṭef-iṯ ḥetta wanita nneɣni aḏ itwakkes zi ȓwesṭ.

1 Timutawus 3:9

Imsexxaren-a itxeṣṣa u labud aḏ ṭṭfen ḏi ȓmaƹna inuffaren n lʼiman s yijjen n ḍḍamir iṣfa.

Iƹibraniyen 1:3

Netta ḏ nnur n lƹaḍama n Arebbi ḏ ṣṣifeṯ n ṭṭabiƹa nnes bȓa axeṭṭi. S jjheḏ n wawaȓ nnes iy zi irebbu marra ṯimesȓayin. Wami iḥell ȓmuƹṣiyaṯ n bnaḏem issiṣfa-ṯent, ssenni iqqim x ufusi n Arebbi Subḥana wa Tƹala.

Iƹibraniyen 12:2

U labud a nxezzar mliḥ ɣar Ƹisa zzaƹim nneɣ ḏ netta iy ḏaneɣ ɣa issiwḍen nican ɣar uneggaru. Ƹisa s ȓefraḥeṯ nni iy tuɣa ṯ itrajan ɣar zzaṯ, iṣbar x ṣṣalib iƹeyyeb aḥeggar n ṣṣalib nni ssenni iqqim x ufusi n ȓƹarc n Arebbi.

Iƹibraniyen 7:7

U bȓa ccekk wenni ameqqran aḏ yuc lbaraka i wenni amezyan.

Iƹibraniyen 8:1

Iwa, min iǧan muhim ḏi min neqqar? Iƹni ijjen n ȓefqi ameqqran am wenni iy xef nessiweȓ aqaṯ ɣarneɣ neccin. Iqqim netta x ufusi n lƹarc n Arebbi Subḥana wa Tƹala ḏeg ujenna.

1 Buṭrus 1:12

Ismeḍhar-asen-d i lʼanbiya belli manaya war ṯ xeddmen ca i yixef nsen, xeddmen-ṯ i kenniw wami ssawaȓen s ṯmesȓayin-a. U ȓexxu nnan-awem ṯimesȓayin-a yinni iy kenniw itbeccaren s Lʼinjil s jjheḏ n Arruḥ iqeddsen iy ḏawem d itwassekken zeg ujenna. Waxxa ḏ lmalaʼikaṯ ḏaysent mezȓi aḏ xzarent ḏi ṯmesȓayin-a.

1 Buṭrus 1:20

U netta itwaxḍar qbeȓ ma d twaxȓeq ddunect-a, walakin ismeḍhar-iṯ-iḏ Arebbi ḏi zman-a aneggaru x ssabab nwem.

1 Buṭrus 1:21

Zzayes netta iy zi tamnem zi Arebbi iy ṯiḏ isekkaren zeg imettinen, yuca-as lƹaḍama bac ttiqeṯ nwem ḏ lʼamal nwem tiȓin ḏi Arebbi.

1 Buṭrus 3:18

Amenni ig igga Lmasiḥ wami itwaƹeddeb ijjen n ṯwaȓa i ȓebda ƹlaḥsab ȓmuƹṣiyaṯ. Iƹni wenni iǧan nican itwaƹeddeb ḏeg umcan n yinni iƹeṣṣan ḥima akenniw issiweḍ ɣar Arebbi. Ddat nnes nɣin-teṯ, iseddar-it-id Arruḥ iqeddsen.

1 Buṭrus 3:22

Ḏ netta igaƹƹḏen ɣar ujenna aqaṯ x ufusi n Arebbi, yarra lmalaʼikaṯ swadday n lḥukem nnes ḏ yinni iḥekkmen ḏ yinni ijehḏen.

1 Yuḥanna 1:2

Ṯusa-d ṯuḏarṯ ṯmeḍhar-d, neccin nẓer-it necheḏ xas. Netbeccar-ikenniw s ṯuḏarṯ-a war ifennin ca ƹemmarṣ. Tuɣa ṯeǧa ḏinni ak Babas ssenni ṯmeḍhar-aneɣ-d.

1 Yuḥanna 3:5

Aqa ṯessnem belli Ƹisa Lmasiḥ netta imeḍhar-d bac axaneɣ ikkes ȓmuƹṣiyaṯ. U ȓmuƹṣiyeṯ netta war ḏayes ṯeǧi ca.

1 Yuḥanna 3:8

Wenni ig iqqimen isxeddam ȓmuƹṣiyaṯ netta zeg Ibȓis ȓaḥeqqac Ibȓis iqqim iƹeṣṣa zeg umezwaru. Mayemmi d imeḍhar Mmis n Arebbi? Imeḍhar-d bac aḏ irez ȓefƹayeȓ n Ibȓis.

Lwaḥi 17:5

X ṯenyarṯ nnes yura ḏinni ijjen n yisem: Babil Ṯameqqrant, ḏ yemmaṯsent n lfasdaṯ ḏ ṯuƹuffna n ṯmurṯ. Walakin ȓmaƹna nnes war ṯ ifehhem ḥadd.

Lwaḥi 17:7

Inna-ayi lmalak nni: "Mayemmi ṯḏehhaceḏ ammu? Aḏac cerrḥeɣ ȓmaƹna inuffaren n ṯemɣarṯ nni ḏ ȓmaƹna inuffaren n ȓwaḥc nni wenni ɣar iǧa sebƹa n iqeyyuƹen ḏ ƹecra n waccawen iy xef ṯenya.

Lwaḥi 7:9

Menbaƹd i manaya xzareɣ, twaȓiɣ aṭṭas n ȓɣaci bȓa ȓeḥsab zi mkuȓ ȓgens ḏ ȓqum ḏ ccaƹb ḏ lluɣa, bedden zzaṯ i lƹarc ḏ zzaṯ i Yizmar ggin čammir ḏ acemȓaȓ, ḏeg ifassen nsen ṯaseṭṭa n tmar.