1 Timutawus 2:7 - Ṯarifiṯ 2020

⁷ X manayenni iy twaxḍareɣ nec bac aḏ ḥeddṯeɣ aḏ iȓiɣ ḏ arrasul aḏ iȓiɣ ḏ amseȓmaḏ ƹlaḥsab lʼiman ḏ ȓḥaqq jar yinni war iǧin ca zi Ayṯ-Israʼil. Qqareɣ lmaƹqul maci ḏ ixarriqen.

1 Timutawus 2:7 ပူးပေါင်းရင်းမြစ်များ

Yuḥanna 7:35

Mseqsan israʼiliyen jarasen nnan: "Mani ɣa iraḥ wanita war ṯ ntif ca? Ma aḏ iraḥ ɣar israʼiliyen iy itemzeǧaƹen ḏi ṯmura n iyunaniyen bac aḏ iseȓmeḏ iyunaniyen?

Ȓexḏayem 14:27

Wami uwḍen ḏinni, smunen jmaƹeṯ n ȓmuminin ƹawḏen-asen marra min igga Arebbi x ufus nsen ḏ mammec irzem-asen ṯawwarṯ n lʼiman i yinni war iǧin ca zi Ayṯ-Israʼil.

Ȓexḏayem 22:21

Inna-ayi Siḏi: Ruḥ, cek ac ssekkeɣ ɣar imucan ggwjen aṭṭas, ɣar yinni war iǧin ca zi Ayṯ-Israʼil."

Ȓexḏayem 26:20

Lla, tbeccareɣ ḏ amezwaru imezḏaɣ n tendint n Dimaceq, ƹaḏ ḏ imezḏaɣ n ṯendint n Lquds ḏ marra jwayeh n ṯmurṯ n Yahuḏiya, ḏ aneggaru marra yinni war iǧin ca zi Ayṯ-Israʼil. Tbeccareɣ-ṯen aḏ tuben aḏ ḏewȓen ɣar Arebbi, aḏ xeḏmen ȓexḏayem n ttuba iy iǧan n ṣṣaḥ.

Ȓexḏayem 9:15

Inna-as Siḏiṯneɣ: "Lla ruḥ, qa aryaz-a ḏ nec iy ṯ ixḍaren aṯ ssekkeɣ ḥima aḏ issiweḍ isem inu i yinni war iǧin ca zi Ayṯ-Israʼil, ḏ izeǧiḏen nsen, ḏ israʼiliyen.

Ayṯ-Ruma 1:9

Liʼanna Arebbi iy ƹebbḏeɣ s marra uȓ inu tbeccareɣ s Lʼinjil n Mmis, netta qa issen tfekkareɣ ḏaywem ȓebda ḏi ṯẓaǧiṯ inu. Tettareɣ meȓa ixes Arebbi aȓ uneggaru aḏ afeɣ abriḏ aɣarwem d aseɣ.

Ayṯ-Ruma 10:14

Iḏen, mammec ɣa ggen aḏ ȓaɣan x wenni iy zi war yuminen ca? Mammec ɣa ggen aḏ amnen zeg wenni umi war xas sȓin ca? Mammec ɣa ggen axas sȓen meȓa war ḏasen itḥeddiṯ ḥadd?

Ayṯ-Ruma 11:13

Fa nec qqareɣ-awem manaya i kenniw war iǧin ca zi Ayṯ-Israʼil. Nec ḏ arrasul ɣar yinni war iǧin ca zi Ayṯ-Israʼil, nec ȓxeḏmeṯ inu ḥessbeɣ-t ɣares ijjen n ccan imɣar.

Ayṯ-Ruma 9:1

Ssawaȓeɣ ȓḥaqq ḏi Lmasiḥ war iǧi bu ḏ ixarriqen. Ȓaƹqeȓ inu u ḏ Arruḥ iqeddsen aḏayi ṣaḥḥen min ɣa iniɣ.

1 Ayṯ-Kurinṯ 9:1

Ɣari lḥurriya iƹni nec maci ḏ ismeɣ. Nec ḏ arrasul, ẓriɣ Siḏiṯneɣ Ƹisa. Yac ḏ kenniw iy iǧan ḏ nnatija n ȓxeḏmeṯ inu ḏi Siḏiṯneɣ, niɣ lla?

2 Ayṯ-Kurinṯ 11:31

Wenni itwabarken i ȓebda iƹni Arebbi Babas n Siḏiṯneɣ Ƹisa, issen illa nec qqareɣ lḥaqiqa.

Ayṯ-Galaṭya 1:20

Min ḏawem d tariɣ, tariɣ-ṯ-iḏ u Arebbi ixezzar ḏayi war iǧi bu ḏ ixarriqen.

Ayṯ-Galaṭya 2:16

Innama, nessen belli bnaḏem war itwasemṣȓaḥ ca ak Arebbi iƹni meȓa iṭaƹ i Ccariƹa n Musa; Lla, manaya illa s lʼiman zi Ƹisa Lmasiḥ. X manaya uȓa ḏ neccin numen zi Ƹisa Lmasiḥ bac a nemṣȓaḥ ak Arebbi s lʼiman nni iy zi numen, maci s ṭṭaƹa n Ccariƹa n Musa. Liʼanna uȓa ḏ ijjen n bnaḏem war itwamsemṣȓaḥ ca ak Arebbi s ṭṭaƹa n ccariƹa nni.

Ayṯ-Galaṭya 2:9

Yaƹqub ḏ Buṭrus ḏ Yuḥanna itwaḥsabben ḏ imeqqranen ḏi jmaƹeṯ nni, fehmen arḍa iy ḏayi yuca Arebbi seǧmen xaneɣ nec ḏ Barnaba s ufus afusi nsen amƹacar. Qebȓen-aneɣ neccin a nraḥ a nbeccar i yinni iǧan ḏ iyunaniyen, niṯni aḏ beccaren i yinni iǧan zi Ayṯ-Israʼil.

Ayṯ-Galaṭya 3:9

X manayenni yinni yumnen aḏ twabarken ak Brahim iƹni wenni umi qqaren aryaz n lʼiman.

2 Timutawus 1:11

Ƹlaḥsab Lʼinjil-a twaxḍareɣ nec aḏ beccareɣ aḏ iȓiɣ ḏ arrasul ḏ ijjen n umseȓmaḏ.

2 Buṭrus 2:5

War iḥinn ca ƹaweḏ x ddunect-a n zman aqḏim wami xasen d isehwa ijjen n ṭṭufan n waman x yinni war ḏas itṭiƹin ca. Tuɣa iḥḍa ɣir Nuḥ wenni itbeccaren s ȓḥaqq ḏ yijjen n sebƹa akiḏes.