1 Timutawus 2:3 - Ṯarifiṯ 2020

³ Manaya ḏ aṣebḥan yarḍa xas Arebbi iy ḏaneɣ d isnejmen,

1 Timutawus 2:3 ပူးပေါင်းရင်းမြစ်များ

Luqa 1:47

arruḥ inu ifareḥ zi Arebbi iy ḏayi isnejmen.

Ayṯ-Ruma 14:18

Wenni iy ɣa ixeḏmen i Lmasiḥ amenni, aqa Arebbi ireṭṭa xas iwḏan tcekkaren-ṯ.

Ayṯ-Filippas 1:11

Zzayes zi Ƹisa Lmasiḥ aḏ tiȓim ṯƹemmarem s min d itarwen ȓḥaqq. Marra manaya i lƹaḍama n Arebbi ḏ lḥamd nnes.

Ayṯ-Filippas 4:18

Ṭṭfeɣ ȓmuneṯ ṯekmaȓ zzaywem u ktar ƹaḏ. Ṯḏebbarem-ayi-d mliḥ wami qebȓeɣ zeg wumaṯneɣ Parfulitus lhadiyaṯ nni iy ḏayi d ṯessekkem. Niṯenti am yijjen ṣṣeḏqeṯ ṯetfuḥ ḏ yijjen n dbiḥeṯ iy ɣa iqbeȓ Arebbi iy ḏas ɣa iƹejben.

Ayṯ-Kulus 1:10

Ḥima aḏ tuyurem x yijjen n ubriḏ iy ḏas iticcen i Siḏiṯneɣ lqima iy ḏas iteƹjiben marra. X ubriḏ-a aḏ tarwem marra ȓexḏayem ṯiṣebḥanin aḏ tmarnim ḏi ṯusna nwem x Arebbi.

1 Ayṯ-Salunik 4:1

Fa ay ayṯma ƹlaḥsab ṯimesȓayin nneɣni, kenniw qa ṯqebȓem zzayneɣ mamc iy ɣa ṯƹicem bac axawem yarḍa Arebbi; amenni ƹaweḏ iy tƹicem. Ȓexxu ḏi Ƹisa Lmasiḥ netḥeccam-ikenniw netweṣṣa-kenniw bac aḏ teggem ƹaḏ ktar.

1 Timutawus 1:1

Nec ḏ Bulus ḏ arrasul n Ƹisa Lmasiḥ s lʼamar n Arebbi wenni iy ḏaneɣ isenajmen ḏ Ƹisa Lmasiḥ netta ḏ lʼamal nneɣ.

1 Timutawus 4:10

X manaya neccin nxeddem nrebbeȓ liʼanna negga lʼamal nneɣ ḏi Arebbi iddaren wenni isenjamen marra iwḏan xaṣṣatan ḏ yinni itamnen.

1 Timutawus 5:4

Cuf, ṯajjaȓṯ nni meȓa ɣares iḥenjiren niɣ ḏ ayyawen ataf ḏ niṯni iy t ɣa iƹawnen aḏ ȓemḏen ḏ amezwaru aḏ sxeddmen lʼiman nsen ak lƹaʼila nsen aḏ arren ȓxir i lwalidin nsen. Aqa manaya yarḍa xas Arebbi.

2 Timutawus 1:9

Isenjem-aneɣ iȓaɣa-yaneɣ-d s yijjen n uȓaɣi muqeddes. War ḏaneɣ d iȓaɣi ca ƹlaḥsab lḥasanaṯ nneɣ; Lla, iȓaɣa-yaneɣ-d ƹlaḥsab lɣaraḍ nnes netta ḏ arḍa nnes iy ḏaneɣ d yuca ḏi Ƹisa Lmasiḥ qbeȓ ma aḏ tebḏa ȓweqṯ n ddunect-a qaƹ.

Iƹibraniyen 13:16

U war tettuṯ ca aḏ teggem ȓxir aḏ tcarcem ak inneɣni minzi s dbiḥaṯ-a am ṯina iy ḏas iteƹjiben i Arebbi.

1 Buṭrus 2:20

Walakin meȓa ṯeƹṣam ṯeccim xas aƹmuḏ ṯeṣbarem x manayenni, ma ḏayes can n ccuker? Lla, walu. Meȓa ṯeggim ȓxir ṯetwaƹeddbem xas ṯeṣbarem xas, ataf manaya wah ḏayes ijjen n ccuker ḏ ameqqran zzaṯ i Arebbi.

1 Buṭrus 2:5

uȓa ḏ kenniw ƹaweḏ am ca n yizra iddaren zzaywem iy ṯbenna ijjen n ṯeddarṯ n Arruḥ iqeddsen. Ḥima aḏ tiȓim kenniw ḏ ijjen n jmaƹeṯ n ȓfuqaha ṣṣaliḥin, tqeddamem dbiḥaṯ rruḥiyaṯ yarḍa xasent Arebbi s ufus n Ƹisa Lmasiḥ.