11 Ṯamɣarṯ u labud aḏ teȓmeḏ s ṭṭaƹa ḏ ȓhudneṯ.
Walakin xseɣ akenniw sfehmeɣ mliḥ qa azeǧif n mkuȓ aryaz netta ḏ Lmasiḥ u ḏ netta ig itrayan. Azeǧif n mkuȓ ṯamɣarṯ netta ḏ aryaz u ḏ netta ig itrayan. Azeǧif n Lmasiḥ netta ḏ Arebbi u ḏ netta ig itrayan.
A ṯimɣarin, ṭaƹent i iryazen nkent minzi manaya ig iǧan ḏ lmaƹqul zi Arebbi.
Lla, aḏ ṣarent ixef nsent s lḥasanaṯ ig iǧan labud ḏi ṯemɣarin nni iqqaren qa neccin nƹebbeḏ Arebbi.
aḏ ḥekment x ṯnefsiyṯ nsent aḏ iȓint ṣfant, aḏ ggent ccɣeȓ ḏi ṯeddarṯ nsent, aɣarsent yiȓi wuȓ ḏ acemȓaȓ, aḏ ṭaƹent i iryazen nsent ḥima awaȓ n Arebbi war itwaƹeyyib ca.
A ṯimɣarin, amenni ƹaweḏ itxeṣṣa aḏ ṭaƹent i iryazen nkent. Ḥima yinni war iteggen ca array i wawaȓ n Arebbi ataf ṯimɣarin nsen aṯen d arrent ɣar ȓmuminin bȓa ma akiḏsen ssiwȓent s wawaȓ ɣir s ṯicri nsent u ṣafi.
