1 Timutawus 1:13 - Ṯarifiṯ 2020

¹³ Nec qbeȓ tuɣa qqareɣ awaȓen war iḥȓin x Arebbi tƹeddabeɣ ȓmuminin, nec ḏ ijjen bnaḏem iḍeǧmen. Waxxa tuɣa xeḏmeɣ manayenni iseḍhar-ayi-d Arebbi arraḥmeṯ nnes liʼanna xeḏmeɣ manayenni s ȓeqfaȓeṯ inu bȓa ma aḏ ssneɣ min iǧan nican, uȓ inu war ḏayes bu lʼiman.

1 Timutawus 1:13 ပူးပေါင်းရင်းမြစ်များ

Luqa 12:47

Aweqqaf nni netta issen min irezzu siḏes walakin war isewjiḏ ca i siḏes war itegg ca min irezzu siḏes, ataf aḏ itwaƹaqeb aṭṭas.

Luqa 23:34

Inna Ƹisa: "A Baba, ɣfar iwḏan-a qa war ssinen ca min teggen." Ȓƹaskar nni ggin lqurƹa x warruḍ nnes ḥima kuȓ ijjen min ɣa iysi.

Ȓexḏayem 22:4

Nec tuɣa tƹeddabeɣ yinni iḏfaren abriḏ-a ḥetta wami mmuṯen. Ṭṭfeɣ iryazen ḏ ṯemɣarin ggiɣ-ṯen ḏi ȓeḥbes.

Ȓexḏayem 3:17

Ȓexxu ssneɣ ay ayṯma belli ṯeggim manayenni i Ƹisa s ȓeqfaȓeṯ nwem kenniw ḏ arruyas nwem.

Ȓexḏayem 8:3

Cawul netta irezzu aḏ iqḍa x jmaƹeṯ n ȓmuminin, itaḏef zi ṯeddarṯ ɣar ṯeddarṯ isufuɣ-d iryazen ḏ ṯemɣarin itegg-iṯen ḏi ȓeḥbes.

Ȓexḏayem 9:1

Cawul ƹaḏ itheddaḏ s ȓmewṯ imeḥḍaren n Siḏiṯneɣ. Ikkar iruḥ ɣar arrayes n ȓfuqaha,

Ȓexḏayem 9:13

Yarra xas Anas inna-as: "A Siḏi, nec xebbaren-ayi aṭṭas n yiwḏan x bnaḏem-a Cawul, mecḥaȓ iƹeddeb netta ȓmuminin nnec ṣṣaliḥin ḏi Lquds.

Ȓexḏayem 9:5

Yarra xas Cawul inna-as: "Min ṯeƹniḏ cek a Siḏi?" Ṯenna-as ṯmijja nni: "Nec ḏ Ƹisa wenni iy tƹeddabeḏ."

1 Ayṯ-Kurinṯ 15:9

Aqa nec ḏ amezyan qaƹ ḏi arrusul. War sḏihiǧeɣ ca aḏayi ȓaɣan arrasul ȓaḥeqqac tuɣa nec tƹeddabeɣ jmaƹeṯ n ȓmuminin.

1 Ayṯ-Kurinṯ 7:25

Fa ȓexxu aḏ ssiwȓeɣ x ṯḥarmucin war imȓicen ca. War ɣari bu ȓuṣiyeṯ zi Siḏiṯneɣ; Lla qqareɣ manaya s array inu. Teyyqem ḏayi ƹlaḥsab arraḥmeṯ n Siḏiṯneɣ.

Ayṯ-Galaṭya 1:13

Aqa ṯesȓim xafi mammec tuɣa tƹiceɣ zi qbeȓ wami tuɣa tbaƹeɣ ddin n Ayṯ-Israʼil, iƹni mammec tuɣa tƹeddabeɣ jmaƹeṯ n ȓmuminin n Arebbi s umenɣi, rezzuɣ axasen qḍiɣ.

Ayṯ-Filippas 3:6

Ƹlaḥsab zƹameṯ inu nec tuɣa tƹeddabeɣ jmaƹeṯ n ȓmuminin n Lmasiḥ. Ƹlaḥsab lqawanin iy iǧan ḏi ccariƹa tuɣayi s bȓa ȓƹib.

1 Timutawus 1:16

Wami nec ḏ lƹaṣi ḏ ameqqran xasen marra iseḍhar-ayi-d Arebbi arraḥmeṯ nnes bac Ƹisa Lmasiḥ azzayi d ismeḍhar marra ṣṣbar nnes aḏ yiȓi manaya ḏ ijjen n lmiṯal i yinni iy zzayes ɣa yamnen aɣarsen ṯiȓi ṯuḏarṯ n ȓebda.

Iƹibraniyen 4:16

Falihaḏa a nqarreb s zƹameṯ ɣar ȓƹarc n Arebbi ḏayes arḍa bac a naf ḏinni arraḥmeṯ ḏ yijjen n arḍa iy ḏaneɣ ɣa iƹawnen ḏi ȓweqṯ n uḥḏaji nneɣ.

1 Buṭrus 2:10

Tuɣa kenniw ḏeg yijjen n ȓweqṯ maci ḏ ȓgens, ȓexxu kenniw ṯḏewȓem ḏ ccaƹb n Arebbi. Tuɣa ḏeg yijjen n ȓweqṯ war ṯessinem ca arraḥmeṯ n Arebbi, ȓexxu ṯessnem arraḥmeṯ nnes.