1 Timutawus 1:10 - Ṯarifiṯ 2020

¹⁰ ḏ yinni iteggen lfasad ḏ iryazen ifessḏen ak wayawya ḏ yinni itacaren iwḏan ḥima aṯen arren ḏ isemɣan ḏ yinni iqqaren ixarriqen ḏ yinni icehhḏen ẓẓur niɣ ḏ yinni iteggen can n ṯmesȓayin nneɣni iǧan ḍed i ttaƹlim n lʼiman iǧan nican.

1 Timutawus 1:10 ပူးပေါင်းရင်းမြစ်များ

Yuḥanna 8:44

Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.

Ayṯ-Ruma 1:26

Ṯumma isellem-iṯen Arebbi i ccehawaṯ nsen iy ṯen ifeḍḥen. Kkarent ṯemɣarin beddȓent iryazen s ṯemɣarin.

1 Timutawus 4:6

Ṯimesȓayin-a meȓa ṯesbeyyaneḏ-ṯent-id i ayṯmaṯneɣ aḏ tiȓiḏ cek ḏ ijjen n uxeddam ḏ aṣebḥan n Ƹisa Lmasiḥ, aḏ tiȓiḏ twarebbiḏ s wawaȓen n lʼiman ḏ ttaƹlim nni aṣebḥan iy ṯḏeffareḏ cek.

1 Timutawus 6:3

Meȓa can uryaz iseȓmeḏ can ȓḥajeṯ nneɣni war itifiq ca ak wawaȓen nican n Siḏiṯneɣ Ƹisa Lmasiḥ ḏ ttaƹlim x lʼiman,

2 Timutawus 1:13

Meṯṯel ttaƹlim nni nican iy ṯesȓiḏ zzayi, akiḏes iy ɣa yiȓi ijjen n lʼiman ḏ yijjen n ȓemḥibbeṯ iy iǧan ḏi Ƹisa Lmasiḥ.

2 Timutawus 4:3

Aqa aḏ d tas ȓweqṯ nni niṯni war tṣenniṭen ca ɣar ttaƹlim nican; aɣarsen d smunen ijjen n lƹadad n imseȓmaḏen ssawaȓen ɣir min ḏasen iƹejben i imejjan nsen waha.

Titus 1:13

Aqa chaḏeṯ nni iy inna nican iy ṯeǧa. Iḏen, nha-ṯen s ȓeqsaḥeṯ ḥima aḏ iȓin nican ḏi lʼiman.

Titus 1:9

Itxeṣṣa u labud aḏ iṭṭef mliḥ ḏeg wawaȓ nni iy ḏi ṯeǧa ttiqeṯ iy ḏas itwasȓemḏen ḥima aḏ icejjeƹ iwḏan s yijjen n ttaƹlim nican aḏ inha yinni itƹarraḍen i ttaƹlim-a.

Iƹibraniyen 13:4

Weqqareṯ ȓemȓac marra. Qama n ȓemȓac aḏ tiȓi s nniyyeṯ bȓa ȓɣedȓan. Aqa Arebbi aḏ iƹaqeb yinni ifessḏen ḏ yinni izennan.

Yahuḏa 1:7

Ammu ƹaweḏ iy ggin imezḏaɣ ḏi ṯendint nni n Sadum ḏ ṯendint nni n Ƹamura ḏ ibilajen nni iy ḏasent-id innḍen. Sellmen ixef nsen i lfasad ḏ ccehweṯ nni maci ṭṭabiƹi. Iƹni niṯni iggi-ṯen Arebbi ḏ lƹibra, twaƹaqben s yijjen n lƹiqab n ṯmessi war ifennin ca ƹemmarṣ.

Lwaḥi 18:13

ḏ ȓqarfa, ḏ lƹiṭar, ḏ tbaxur, ḏ murr, ḏ tbaxur lluban, ḏ waman n uḍiȓ, ḏ zzect, ḏ waren lfurs, ḏ yirḏan, ḏ ifunasen, ḏ iḥuȓiyen, ḏ yiysan, ḏ ikarruṯen, ḏ isemɣan iƹni yiwḏan.

Lwaḥi 21:27

War ḏinni taḏef uȓa ḏ ijjen n ṯmesȓayṯ ṯwessex niɣ ḏ ikrucaren niɣ ḏ yinni iqqaren ixerriqen. Aḏ aḏfen ḏinni ɣir yinni ɣar ǧan isemawen nsen zemmmen ḏi Lkitab n Ṯuḏarṯ n Yizmar.

Lwaḥi 21:8

Walakin ccmayeṯ ḏ yinni war yuminen ca ḏ yinni iǧan ḏ iƹeffanen ḏ yinni ineqqen iwḏan ḏ yinni ifessḏen ḏ iseḥḥaren ḏ yinni iƹebbḏen lʼaṣnam ḏ marra yinni isxerriqen aqa amcan nsen aḏ yiȓi ḏi ȓebḥar ireqqen s ṯmessi ḏ ȓekbriyeṯ. Qa ṯenni ḏ ȓmewṯ wis ṯnayen."

Lwaḥi 22:15

Ɣar barra n ṯendint ǧan ḏinni iqzinen ḏ iseḥḥaren ḏ yinni ifessḏen ḏ yinni ineqqen iwḏan ḏ yinni iƹebbḏen lʼaṣnam ḏ marra yinni isxerriqen iy tḥibban ixarriqen.