1 Buṭrus 5:8 - Ṯarifiṯ 2020

⁸ Arrem-d ȓbaȓ nwem, iȓiṯ ƹlabal. Ȓaƹḏu nwem Ibȓis qa itqeyyaḏ-kenniw am ssbaƹ ithirriw irezzu x wenni iy ɣa iseɣȓi.

1 Buṭrus 5:8 ပူးပေါင်းရင်းမြစ်များ

Matta 13:39

Ȓaƹḏu ig izerrƹen isennanen netta ḏ Ibȓis. Ȓweqṯ n umjar nettaṯ ḏ ȓefna n zman. Ixeddamen niṯni ḏ lmalaʼikaṯ.

Matta 24:42

X manaya faqem baƹda, qa war ṯessinem ca meȓmi d ɣa iḏweȓ Siḏiṯwem.

Matta 25:41

Ȓexddenni yinni iǧan x uẓeȓmaḍ aḏasen yini uzeǧiḏ: A yinni inƹeȓ Arebbi beƹƹḏem xafi! Ruḥem ɣar ṯmessi iy war ixessin ƹemmarṣ isewjḏen i Cciṭan ḏ ccayaṭin nnes!

Matta 4:1

Ssenni Arruḥ nni n Arebbi yuwi Ƹisa ɣar ȓexȓa ḥima aṯ ijarreb Ibȓis.

Matta 4:11

Ssenni ibeƹƹeḏ xas Ibȓis. Usint-id lmalaʼikaṯ bḏant tsexxarent x Ƹisa.

Marqus 4:15

Zzarriƹeṯ nni ig iwḍan x ubriḏ nettaṯ am yiwḏan iy tesȓan i wawaȓ n Arebbi. Itraḥ Cciṭan ḏeɣya itekkes awaȓ nni itwazerƹen ḏaysen ḏeg wuȓ.

Luqa 21:34

Ma ṯexsem aḏ teccem uȓ nwem? Ḥḍaṯ ixef nwem zi lmaddla n ssekra ḏ waṭṭas n ccreb ḏ ȓehmum n ddunect-a. Qa aḏ d yas Nhar nni aneggaru ƹlaɣafla am yijjen n ṯexcefṯ.

Luqa 21:36

Ḥḍaṯ, ẓaǧem ḏi mkuȓ ȓweqṯ ḥima ataf ṯzemmarem aḏ tnejmem zi marra min ɣa iweqƹen aḏ tbeddem zzaṯ i Mmis n bnaḏem."

Luqa 22:31

Inna-as Ƹisa: "Xzar a Simƹan: Cciṭan irezzu akenniw iɣarbeȓ am mammec tɣarbaȓen irḏan.

Yuḥanna 8:44

Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.

2 Ayṯ-Kurinṯ 2:11

Manaya ḥima Cciṭan war ḏaneɣ ixeddeƹ ca, aqa war nɣeffeȓ ca x min itciṭin netta.

Ayṯ-Ufasus 4:27

Iƹni war tejjaṯ ca abriḏ i Cciṭan aḏ yaḏef ḏeg wuȓawen nwem.

Ayṯ-Ufasus 6:11

Ggem xawem marra ȓesnaḥ n Arebbi bac aḏ tesbeddem min xawem itciṭṭin Ibȓis.

1 Timutawus 2:15

Ṯamɣarṯ aḏ twasenjem ƹlaḥsab ṯarwa walakin itxeṣṣa wa labud aḏ qqiment niṯenti ḏi lʼiman ḏ ȓemḥibbeṯ ḏ ȓeṣfiyeṯ ƹlaḥsab lmaƹqul.

1 Timutawus 2:9

Amenni ƹaweḏ xseɣ ṯimɣarin aḏaysent yiȓi lʼiḥtiram aḏaysent yiȓi ȓeḥya ḏ lmaƹqul, maci aḏ qqiment s ucewwaf iḍȓeq aṭṭas niɣ s ddheb ḏ jjuwhar ḏ warruḍ iy iɣȓan.

1 Timutawus 3:11

Amenni ƹaweḏ ṯimɣarin itxeṣṣa aḏ iȓint mweqqerint war ḏaysent tiȓi ca nnamima aḏ ḥekkment x yixef nsent aḏaysent ṯiȓi ttiqeṯ ḏi marra ṯimesȓayin.

1 Timutawus 3:2

Fa arrayes n jmaƹeṯ maci am yijjen n bnaḏem iy tƹeyyaben yiwḏan. U labud aɣares ṯiȓi ijjen n ṯemɣarṯ waha. U labud aḏ iḥkem x yixef nnes aḏayes yiȓi lmaƹqul ḏ lʼiḥtiram aḏ itreḥḥab zeg inewjiwen aɣares ṯiȓi ṯzemmar aḏ iseȓmeḏ iwḏan.

2 Timutawus 4:17

Ḏ Siḏiṯneɣ iy kiḏi ibedden ɣar uɣezḏis inu yuca-ayi jjheḏ ḥima zzayi nec aḏ itwabeccar Lʼinjil ikmaȓ aṯ sȓen marra yinni war iǧin ca zi Ayṯ-Israʼil, ssenni nec feȓṯeɣ zeg uqemmum n ssbaƹ.

Titus 1:8

Wah, itxeṣṣa aḏ itreḥḥab zeg inewjiwen, aḏas iteƹjib min iǧan ḏ aṣebḥan, aḏ iḥkem x ṯnefsiyṯ nnes, aḏayes yiȓi lmaƹqul, aḏ yiȓi iṣfa, aḏ irebba ixef nnes.

Titus 2:12

Arḍa-ya itrebba-yaneɣ a nenkar ccarr ḏ ccehawaṯ n ddunect-a, a nƹic ḏi zman-a a neḥkam x ṯnefsiyṯ nneɣ aḏayneɣ yiȓi lmaƹqul ḏ lʼiman

Titus 2:2

Yinni imɣaren aḏaysen yiȓi lmaƹqul, aḏ iȓin mweqqrin, aḏ ḥekmen x ṯnefsiyṯ nsen, aḏ iȓin nican ḏi lʼiman ḏ ȓemḥibbeṯ ḏ ṣṣbar.

Titus 2:4

Amenni aḏ rebbant ṯimɣarin ṯimezyanin ḥima aḏ texsent iryazen nsent ḏ ṯarwa nsent,

Titus 2:6

Ammu ƹaweḏ in-asen i iḥenjiren aɣarsen yiȓi ȓaƹqeȓ nsen.

Yaƹqub 4:7

S manaya ṭaƹeṯ i Arebbi. Ƹarrḍeṯ i Ibȓis, azzaywem yarweȓ.

1 Buṭrus 1:13

Iḏen, swejḏem ȓaƹquȓaṯ nwem bac aḏ txeḏmem. Arrem-d ȓbaȓ nwem. Ggem lʼamal nwem ɣir ḏi arḍa n usenjem nni iy ḏawem d ɣa immucen xmi d ɣa imeḍhar Ƹisa Lmasiḥ.

1 Buṭrus 4:7

Aqa yusa-d uneggaru n marra ṯimesȓayin. Iḏen itxeṣṣa aḏ d tarrem ȓbaȓ nwem aɣarwem yiȓi ȓaƹqeȓ nwem bac ataf aḏ tzemmarem aḏ tẓaǧem.

Lwaḥi 12:10

Sȓiɣ i yijjen n ṯmijja ḏeg ujenna ṯeqqar s jjheḏ: "Ȓexxu Arebbi nneɣ isenjam, imeḍhar-d jjheḏ ḏ ȓmulk nnes, ḏ ssulṭa n Lmasiḥ nnes. Ȓaḥeqqac wenni iceṯcan zeg ayṯmaṯneɣ imenḍar-d ɣar ṯmurṯ, ḏ netta ig iceṯcan zzaysen ǧiȓeṯ ḏ nhar ɣar Arebbi nneɣ.

Lwaḥi 12:12

X manaya, fareḥ ay Ajenna, ḏ yinni ḏayes izeddɣen! Walakin ya tamara x imezḏaɣ n ȓbarr ḏ ȓebḥar! Ibȓis ihwa-d ɣarwem iɣḍeb aṭṭas, minzi issen ṯeqqim-as ḏrus n ȓweqṯ."

Lwaḥi 12:9

Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.

Lwaḥi 20:10

Ibȓis nni iy ṯen ixeḏƹen imenḍar-d ḏi ȓebḥar nni n ṯmessi ḏ ȓekbriyeṯ mani iǧa ȓwaḥc nni ḏ wenni itarran ixef nnes ḏ nnabi. Aḏ twaƹeddben ḏinni nhar ḏ ǧiȓeṯ i ȓebda n ȓebdaṯ.

Lwaḥi 20:2

Iṭṭef wenni iggin am ddaynaṣur netta ḏ fiɣer nni n zman iƹni Ibȓis niɣ ḏ Cciṭan, iqqen-iṯ iḥbes-iṯ aȓaf n iseggwusa.