1 Buṭrus 5:14 - Ṯarifiṯ 2020

¹⁴ Tseǧameṯ x wayawya s yijjen n sȓam n ṯemƹacarṯ. Aɣarwem yiȓi ȓehna i marra kenniw iy iǧan ḏi Lmasiḥ.

1 Buṭrus 5:14 ပူးပေါင်းရင်းမြစ်များ

Matta 5:47

Meȓa tseǧamem ɣir x imeddukaȓ nwem, iwa min teggem ḏ zzyada? Aqa uȓa ḏ ȓkuffar teggen manaya!

Yuḥanna 14:27

Tijjeɣ-awem ȓehna, ticceɣ-awem ȓehna inu. War ḏawem ṯ ticceɣ ca am ṯ ticc ddunect. Itxeṣṣa uȓawen nwem war txeyyiqen war teggwḏen ca.

Yuḥanna 16:33

Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."

Yuḥanna 20:19

Nhar n ȓḥad munen imeḥḍaren ɣar ṯmeddiṯ, ṯiwwura qqnent ggwḏen zeg israʼiliyen. Yusa-d Ƹisa ibedd ḏi ȓwesṭ inna-asen: "Sȓam xawem."

Yuḥanna 20:26

Menbaƹd i ṯmeniyyam, munen imeḥḍaren ƹaweḏ ɣar ḏaxeȓ, ṯiwwura qqnent akiḏsen Tuma. Yusa-d Ƹisa ibedd ḏi ȓwesṭ nsen inna-asen: "Sȓam xawem!"

Ayṯ-Ruma 1:7

Tariɣ i marra imƹizzen n Arebbi iy iǧan ḏi ṯendint n Ruma ixḍar-ikenniw aḏ tiȓim ḏ ȓmuminin ṣṣaliḥin. Akiḏwem yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ Siḏiṯneɣ.

Ayṯ-Ruma 16:16

Seǧmeṯ x wayawya s yijjen n sȓam iṣfa. Qa marra ṯijumaƹ n Lmasiḥ tseǧament xawem.

Ayṯ-Ruma 8:1

Iḏen fa ȓexxu, war iǧi bu lḥisab ḏ lƹiqab x yinni iǧan ḏ ijjen ak Ƹisa Lmasiḥ.

1 Ayṯ-Kurinṯ 1:30

U netta ḏ ssabab iy zi ṯeǧam kenniw ḏi Ƹisa Lmasiḥ. Iggi-ṯ Arebbi netta ḏ ȓefhameṯ nneɣ, iƹni netta ḏayes ṣṣulḥ nneɣ ḏ uṣeffi nneɣ ḏ ufekki nneɣ.

1 Ayṯ-Kurinṯ 16:20

Tseǧamen-d xawem marra aymaṯneɣ. Seǧamem x wayawya s yijjen n sȓam iṣfa.

2 Ayṯ-Kurinṯ 13:12

Tseǧameṯ x wayawya s yijjen n sȓam iṣfa. Tseǧamen-d xawem marra ȓmuminin ṣṣaliḥin.

2 Ayṯ-Kurinṯ 5:17

S manaya, wenni iǧan ḏi Lmasiḥ aqa itwaxȓeq-d ḏ jḏiḏ; min iǧan ḏ aqḏim iƹḏu yusa-d min iǧan ḏ jḏiḏ.

Ayṯ-Ufasus 6:23

Aḏ yiȓi ȓehna i ayṯmaṯneɣ ḏ ȓemḥibbeṯ ak lʼiman zi Arebbi Babaṯneɣ ḏ Siḏiṯneɣ Ƹisa Lmasiḥ.

1 Ayṯ-Salunik 5:26

Seǧmeṯ x marra awmaṯen s yijjen n sȓam iṣfa.

1 Buṭrus 1:2

Arebbi Babaṯneɣ ixḍar-ikenniw ƹlaḥsab mammec tuɣa issen netta zi qbeȓ, issiṣfa-kenniw s yijjen n ȓxeḏmeṯ n Arruḥ iqeddsen ḥima aḏ tṭaƹem i Ƹisa Lmasiḥ aḏ twaruccem s iḏammen nnes iy yuzzȓen. Aḏaywem imarni arḍa ḏ ȓehna s waṭṭas.

3 Yuḥanna 1:14

Lla, tmenniɣ ac ẓreɣ ḏeɣya ȓexddenni a nessiweȓ aɣembub ḏeg uɣembub.