1 Buṭrus 4:1 - Ṯarifiṯ 2020

¹ Fa Ƹisa Lmasiḥ itwaƹeddeb ḏi ddat nnes. X manaya ƹaweḏ kenniw aḏ tesjehḏem ixef nwem s array nni nnes. Mayemmi? Meȓa ṯetwaƹeddbem ḏi ddat nwem, ṣafi ṯbeƹƹḏem ƹaweḏ x ȓmuƹṣiyeṯ.

1 Buṭrus 4:1 ပူးပေါင်းရင်းမြစ်များ

Marqus 3:3

Inna-as Ƹisa i uryaz nni iy ɣar iǧa fus immuṯ: "Bedd ḏi ȓwesṭ."

Ayṯ-Ruma 6:11

Ammu labud aḏ tḥessbem kenniw ixef nwem ṯemmuṯem-as i ȓmuƹṣiyeṯ, ṯeddarem-as i Arebbi s Ƹisa Lmasiḥ.

Ayṯ-Ruma 6:2

Lla, ƹemmarṣ! Neccin nemmuṯ-as i ȓmuƹṣiyeṯ, ixeṣṣa-yaneɣ ȓexxu war netsiɣi ca a nƹic ḏayes.

Ayṯ-Ruma 6:7

Aqa wenni immuṯen ihna zi ȓmuƹṣiyeṯ.

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

Ayṯ-Galaṭya 5:24

U yinni iǧan n Ƹisa Lmasiḥ ṣafi ṣellben ṭṭabiƹa nni ṯaƹeffant nsen ak ccehweṯ ḏ ȓxaḍar n ṭṭabiƹa-ya.

Ayṯ-Ufasus 6:13

S manaya ysiṯ ɣarwem marra ȓesnaḥ n Arebbi bac war trekkwiȓem ca ḏi nhar n ccarr. U meȓa ṯeggim manaya marra, ataf aḏ tbeddem.

Ayṯ-Filippas 2:5

Array nwem itxeṣṣa aḏ yiȓi am array n Ƹisa Lmasiḥ.

Iƹibraniyen 12:3

Fekkareṯ mliḥ ḏi Ƹisa netta mecḥaȓ iṣbar x ccmayeṯ iy ḏas iƹarrḍen bac kenniw war tiḥȓem ca war tefciȓem ca.

Iƹibraniyen 4:10

Liʼanna wenni yuḏfen ḏi arraḥeṯ n Arebbi aqa itreyyaḥ zi ȓxeḏmeṯ nnes mammec ireyyeḥ Arebbi zi ȓxeḏmeṯ nni nnes.

1 Buṭrus 2:21

Iȓaɣa-yawem-d Arebbi ɣar manaya minzi Lmasiḥ itwaƹeddeb ƹlaḥsab kenniw; Ijja-awem-d ijjen n lmiṯal aṯ tḏeffarem ḏeg isurifen nnes.

1 Buṭrus 3:18

Amenni ig igga Lmasiḥ wami itwaƹeddeb ijjen n ṯwaȓa i ȓebda ƹlaḥsab ȓmuƹṣiyaṯ. Iƹni wenni iǧan nican itwaƹeddeb ḏeg umcan n yinni iƹeṣṣan ḥima akenniw issiweḍ ɣar Arebbi. Ddat nnes nɣin-teṯ, iseddar-it-id Arruḥ iqeddsen.