1 Buṭrus 3:5 - Ṯarifiṯ 2020

⁵ Ammu iy tuɣa iǧa zzin n lallaṯ n zman srusant lʼamal nsent ḏi Arebbi. Tṭaƹant i iryazen nsent,

1 Buṭrus 3:5 ပူးပေါင်းရင်းမြစ်များ

Luqa 2:37

Ȓexddenni immuṯ netta, ṯeqqim nettaṯ ḏ ṯajjaȓṯ ḥetta wami ṯemmuṯ x arbeƹa u ṯmanin iseggwusa. Tɣima ȓebda ḏi ṯemziḏa ṯameqqrant, ṯƹebbeḏ Arebbi tẓumma tẓaǧa ǧiȓeṯ ḏ wass.

Ȓexḏayem 1:14

Yina kuȓ nhar tmunen marra s yijjen n lfikra tẓaǧan, akiḏsen can n ṯemɣarin ḏ Maryam yemmas n Ƹisa ḏ ayṯmas.

Ȓexḏayem 9:36

Ḏi ṯendint n Yafa ḏinni ijjen n ṯmeḥḍarṯ qqaren-as Ṭabita (ȓmaƹna n yisem-a, <ṯiɣit n uzɣar>). Tegg ȓxir aṭṭas tƹawan imesƹan.

Ayṯ-Ufasus 5:33

Innama, labud kuȓ ijjen zzaywem aḏ iḥibb ṯamɣarṯ nnes am mammec itḥibba ixef nnes. Ṯamɣarṯ u labud aḏ tweqqar aryaz nnes.

1 Timutawus 2:10

Lla, aḏ ṣarent ixef nsent s lḥasanaṯ ig iǧan labud ḏi ṯemɣarin nni iqqaren qa neccin nƹebbeḏ Arebbi.

1 Timutawus 2:15

Ṯamɣarṯ aḏ twasenjem ƹlaḥsab ṯarwa walakin itxeṣṣa wa labud aḏ qqiment niṯenti ḏi lʼiman ḏ ȓemḥibbeṯ ḏ ȓeṣfiyeṯ ƹlaḥsab lmaƹqul.

1 Timutawus 5:10

Labud aḏ tiȓi maƹrufa s lḥasanaṯ nnes iƹni meȓa ṯrebba ṯarwa nnes, treḥḥab s inewjiwen, ṯsiȓiḏ iḍaren n ṣṣaliḥin, tƹawan yinni itzeyyaren, ṯḏeffar marra ṯimesȓayin ṯiṣebḥanin.

1 Timutawus 5:5

Qa ṯajjaȓṯ n ṣṣaḥ ṯenni war ɣar iǧi ḥadd aqa ḏ nettaṯ iteggen lʼamal nnes ḏi Arebbi tɣima tedƹa Arebbi tettar-as ǧiȓeṯ ḏ nhar.

Iƹibraniyen 11:11

S lʼiman Sara s yixef nnes immuc-as jjheḏ aḏ teysi aƹeddis waxxa nettaṯ ṯnumɣar, minzi ṯekkar nettaṯ ṯḥesseb wenni iy t iweƹḏen ḏayes ttiqeṯ.

1 Buṭrus 1:3

Aḏ itwabarek Arebbi, Babas n Siḏiṯneɣ Ƹisa Lmasiḥ iy ḏaneɣ yucin s arraḥmeṯ nnes ṯameqqrant ad nexȓeq ḏ jḏiḏ ɣar yijjen n lʼamal iddaren wami d isekkar Ƹisa Lmasiḥ zeg imettinen.