1 Buṭrus 3:22 - Ṯarifiṯ 2020

²² Ḏ netta igaƹƹḏen ɣar ujenna aqaṯ x ufusi n Arebbi, yarra lmalaʼikaṯ swadday n lḥukem nnes ḏ yinni iḥekkmen ḏ yinni ijehḏen.

1 Buṭrus 3:22 ပူးပေါင်းရင်းမြစ်များ

Matta 22:44

Siḏi Arebbi inna-as i Siḏi: Qqim-d x ufusi inu, aȓ d ɣa ggeɣ ȓƹaḏyan nnec swadday i iḍaren nnec.

Matta 28:18

Iqarreb-d ɣarsen Ƹisa, issiweȓ akiḏsen inna-asen: "Ṯemmuc-ayi marra ssulṭa ḏeg ujenna ḏ ṯmurṯ.

Marqus 12:36

Inna-asen: "Qa Dawed inna netta s yixef nnes s Arruḥ iqeddsen:

Marqus 16:19

Issiweȓ akiḏsen Siḏiṯneɣ Ƹisa ssenni itwarfeƹ ɣar ujenna iqqim x ufusi n Arebbi.

Luqa 20:42

Qa Dawed inna netta s yixef nnes ḏi Lkitab n Zzabur:

Yuḥanna 13:32

Meȓa Arebbi itwasemɣar s Mmis, ataf aṯ isemɣar ƹaweḏ Arebbi ḏeg yixef nnes, u ḏeɣya aṯ isemɣar.

Ȓexḏayem 1:11

Nnan-asen: "Ay iryazen n ṯmurṯ n Ljalil, mayemmi ƹaḏ ṯbeddem ḏanita txezzarem ḏeg ujenna? Qa Ƹisa-ya wanita iy ḏawem itwarfƹen ɣar ujenna, mammec ṯ ṯeẓrim igaƹƹeḏ ɣar ujenna amenni iy d ɣa iḏweȓ."

Ȓexḏayem 3:21

Itxeṣṣa netta aḏ iqqim ḏeg ujenna aȓ ȓweqṯ iy ḏi ɣa itwaƹḏeȓ kuȓci ƹlaḥsab awaȓen n lʼanbiya ṣṣaliḥin iy ḏasen inna Arebbi ḏeg yijjen n zman.

Ayṯ-Ruma 8:34

Wi izemmaren axasen iḥkem? Uȓa ḏ ijjen! Liʼanna netta Ƹisa Lmasiḥ ig immuṯen. U ktar, ikkar-d zi ȓmewṯ u ḏ netta iy iǧan x ufusi n Arebbi, itcafaƹ ḏayneɣ.

Ayṯ-Ruma 8:38

Aqa nec metʼakked belli uȓa ḏ ijjen n ṯmesȓayṯ zi min d itwaxeȓqen war ṯzemmar aḏaneɣ ṯeƹzeȓ zi ȓemḥibbeṯ n Arebbi iy d imeḍharen ḏi Siḏiṯneɣ Ƹisa Lmasiḥ: ȓa ḏ ȓmewṯ, ȓa ḏ ṯuḏarṯ, ȓa ḏ lmalaʼikaṯ, ȓa ḏ ccayaṭin, ȓa ḏ jnun, ȓa ḏ min iǧan ȓexxu, ȓa ḏ min d ɣa yasen, ȓa ḏ min yuƹȓan, ȓa ḏ min yuǧɣen, uȓa ḏ ca n ȓḥajeṯ nneɣni.

1 Ayṯ-Kurinṯ 15:24

Ṯumma aḏ yiȓi ȓefna n ddunect-a. Lmasiḥ aḏ iqḍa x marra ȓeḥkam ḏ ȓmexzen ḏ jjheḏ ig iǧan, ṯumma aḏ ijj ȓeḥkam nni nnes i Arebbi Babas.

Ayṯ-Kulus 3:1

Iḏen fa wami twasnekkarem kenniw ak Lmasiḥ u labud aḏ terzum s wuȓawen nwem ṯimesȓayin nni iǧan ḏeg ujenna mani iqqim Lmasiḥ ɣar ufusi n Arebbi.

Iƹibraniyen 1:13

Iwa ƹemmarṣ Arebbi war yinni i can n lmalak zi lmalaʼikaṯ:

Iƹibraniyen 1:3

Netta ḏ nnur n lƹaḍama n Arebbi ḏ ṣṣifeṯ n ṭṭabiƹa nnes bȓa axeṭṭi. S jjheḏ n wawaȓ nnes iy zi irebbu marra ṯimesȓayin. Wami iḥell ȓmuƹṣiyaṯ n bnaḏem issiṣfa-ṯent, ssenni iqqim x ufusi n Arebbi Subḥana wa Tƹala.

Iƹibraniyen 1:6

U ƹaweḏ Arebbi wami d itawi Mmis amenzu ɣar ddunect-a iqqar: Aḏas sejjḏent marra lmalaʼikaṯ.

Iƹibraniyen 10:12

Lmasiḥ lla, netta iqeddem ijjen n dbiḥeṯ waḥḏes x ȓmuƹṣiyeṯ ijjen n ṯwaȓa i ȓebda, uca iqqim netta x ufusi n Arebbi.

Iƹibraniyen 12:2

U labud a nxezzar mliḥ ɣar Ƹisa zzaƹim nneɣ ḏ netta iy ḏaneɣ ɣa issiwḍen nican ɣar uneggaru. Ƹisa s ȓefraḥeṯ nni iy tuɣa ṯ itrajan ɣar zzaṯ, iṣbar x ṣṣalib iƹeyyeb aḥeggar n ṣṣalib nni ssenni iqqim x ufusi n ȓƹarc n Arebbi.

Iƹibraniyen 4:14

Iḏen neccin a neṭṭef mliḥ ḏi lʼiman nneɣ iy xef ncehheḏ minzi ɣarneɣ ijjen n ȓefqi ameqqran imɣar yuḏef ḏeg ijennaṯen iƹḏu-ṯen, netta ḏ Ƹisa Mmis n Arebbi.

Iƹibraniyen 6:20

Ḏeg umcan nni yuḏef Ƹisa ḏinni ḏ amezwaru ƹlaḥsab neccin, iḏweȓ ḏ ȓefqi ameqqran i ȓebda amecnaw lfirqa nni n ȓefqi umi qqaren Malikiṣadiq.

Iƹibraniyen 8:1

Iwa, min iǧan muhim ḏi min neqqar? Iƹni ijjen n ȓefqi ameqqran am wenni iy xef nessiweȓ aqaṯ ɣarneɣ neccin. Iqqim netta x ufusi n lƹarc n Arebbi Subḥana wa Tƹala ḏeg ujenna.

Iƹibraniyen 9:24

Cuf, Lmasiḥ war yuḏif ca Axxam nni Amqeddes Aṭṭas iy ibnan s ifassen n bnaḏem itcabbahen waha ḏeg wenni n ṣṣaḥ; Lla, netta yuḏef ḏeg ujenna nniṯ aḏ iḥḍar zzaṯ i Arebbi ƹlaḥsab neccin.