1 Buṭrus 3:21 - Ṯarifiṯ 2020

²¹ Aman-a niṯni ḏ ijjen n lmiṯal x ṭṭahareṯ nneɣ n waman iy kenniw isenjamen ȓexxu. Maci aḏ itwakkes ȓewsex zi ddat nneɣ; Lla, ṭṭahareṯ-a nettaṯ ḏ ijjen n uȓaɣi nwem i Arebbi bac aḏawem d yuc ijjen n ḍḍamir mertaḥ. Manaya x ssabab n Ƹisa Lmasiḥ wami d ikkar zi ȓmewṯ.

1 Buṭrus 3:21 ပူးပေါင်းရင်းမြစ်များ

Matta 28:19

Iwa ruḥeṯ ɣar yiwḏan n marra ȓegnus, arrem-ṯen ḏ imeḥḍaren inu. Ṭehharem-ṯen s waman s yisem n Baba ḏ Mmis ḏ Arruḥ iqeddsen.

Marqus 16:16

Wenni yumnen aḏ itwaṭehhar s waman ataf aḏ injem. Wenni war yuminen ca ataf aḏ itwaḥkem.

Yuḥanna 13:9

Inna-as Simƹan Buṭrus: "A Siḏi, war iǧi ca aḏayi ṯsiȓḏeḏ iḍaren inu waha, aḏayi tsiȓḏeḏ uȓa ḏ ifassen inu ḏ uzeǧif inu."

Ȓexḏayem 16:33

Ḏi ṯsaƹƹat nni s ǧiȓeṯ, yuwi-ṯen lḥaris n ȓeḥbes imseḥ-asen ijarriḥen. Ȓexddenni itwaṭehhar s waman netta ḏ marra ȓeḥbab nnes.

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Ȓexḏayem 22:16

Y ȓexxu min trajiḏ? Kkar aḏ twaṭehhareḏ s waman, sireḏ zi ȓmuƹṣiyaṯ nnec xmi ɣa ṯȓaɣiḏ x yisem nnes.

Ȓexḏayem 8:36

Gguren ḏeg ubriḏ uwḍen ɣar can waman. Inna-as uḥabaci nni: "Aqac aman mujud, min ḏayi yuɣen nec war twaṭehhareɣ ca s waman-a?"

Ȓexḏayem 8:37

{Inna-as Filippas: "Cek, meȓa ṯumneḏ s marra uȓ nnec qa ṯzemmareḏ aḏ twaṭehhareḏ s waman-a." Yarra xas inna-as: "Wah, nec tamneɣ belli Ƹisa Lmasiḥ netta ḏ Mmis n Arebbi."}

Ayṯ-Ruma 5:14

Innama, zi zman n Adam aȓ zman n Musa ṯḥekkem ȓmewṯ x yiwḏan uȓa x yinni war iƹṣin ca amecnaw ȓmuƹṣiyeṯ n Adam, u netta ḏ ȓmiṯal n bnaḏem iy d ɣa yasen.

1 Ayṯ-Kurinṯ 12:13

Liʼanna neccin marra netwaṭehhar s waman s yijjen n Arruḥ bac a niȓi ḏ ijjen n jmaƹeṯ, iƹni Ayṯ-Israʼil niɣ ḏ iyunaniyen, ḏ yinni ɣar iǧa bab nsen niɣ ḏ yinni ɣar ṯeǧa lḥurriya nsen. Neccin marra iḏneɣ yuca-aneɣ a nsew iƹni a ncarec ḏeg yijjen n Arruḥ.

1 Ayṯ-Kurinṯ 4:6

Ay ayṯma qqareɣ manaya x Apullus ḏ nec, meṯṯleɣ manaya ḥima azzayes ṯawim nnfaƹ. Kenniw aḏ tȓemḏem zzayneɣ min iƹna lmiṯal nni iqqaren "War tbeƹƹaḏeṯ ca zi min yurin ḏi Lkitab." Amenni war ḏinni ḥadd aḏ isecneƹ can uryaz x unneɣni.

2 Ayṯ-Kurinṯ 1:12

Aqa neccin nteftaxar zi ḍḍamir nneɣ iƹni icehheḏ belli nuyur mliḥ ḏi ddunect-a xaṣṣatan akiḏwem s yijjen n nniyyeṯ ḏ wuȓ iṣfan zi Arebbi. War iǧi bu s yijjen n ȓefhameṯ n ddunect-a; Lla, s yijjen n arḍa n Arebbi.

2 Ayṯ-Kurinṯ 7:1

Iḏen ay imƹizzen inu, wami ḏaneɣ iƹaheḏ Arebbi x ṯmesȓayin-a labud a nessiṣfa ixef nneɣ zi marra min ḏaneɣ isexnizen ḏi ddat ḏ arruḥ ḥima a niȓi ḏ ṣṣaliḥin bȓa axeṭṭi s ṯiggwḏi n Arebbi.

Ayṯ-Galaṭya 3:27

Liʼanna kenniw ig itwaṭehharen s waman bac aḏ tiȓim ḏi Lmasiḥ, aqa ṯmunem kenniw ḏ ijjen akiḏes.

Ayṯ-Kulus 2:12

Iƹni ṯenḍȓem akiḏes s ṭṭahareṯ nwem ḏeg waman, u ƹaweḏ s ṭṭahareṯ nwem ḏeg waman ṯekkarem-d akiḏes zi ȓmewṯ s lʼiman nwem ḏi ṯzemmar n Arebbi wenni d isekkaren Ƹisa zi ȓmewṯ.

1 Timutawus 1:5

Min iƹna lɣaraḍ n ȓuṣiyeṯ-a? Lɣaraḍ nnes ḏ ijjen n ȓemḥibbeṯ iy d itasen zeg wuȓawen iṣfan ḏ yijjen n ḍḍamir ḏ aṣebḥan ḏ yijjen n lʼiman bȓa nnifaq.

1 Timutawus 6:12

Mneɣ amenɣi nni aṣebḥan n lʼiman, ṭṭef ḏi ṯuḏarṯ nni war ifennin ca aȓ ḏac d iȓaɣa Arebbi wami ṯcehḏeḏ chaḏeṯ nni ṯaṣebḥant zzaṯ i waṭṭas n ȓechuḏ.

Iƹibraniyen 11:19

Iḥesseb Brahim belli izemmar Arebbi aḏ d isekkar mmis zeg imettinen. Manayenni ḏayes ȓemƹani minzi wah, memmis iḏweȓ-d i Brahim am yijjen zi ȓmewṯ.

Iƹibraniyen 13:18

Ttareṯ i Arebbi xaneɣ. Aqa neccin metʼakeddin ḍḍamir nneɣ mertaḥ, nrezzu a nexḏem s ȓeḥya marra ṯimesȓayin.

Iƹibraniyen 9:14

Meȓa amenni, mecḥaȓ iy ḏaneɣ ɣa ssiṣfan iḏammen n Lmasiḥ ktar! Netta iruḥ s Arruḥ nni itduman i ȓebda iqeddem ixef nnes bȓa ȓƹib i Arebbi, iḏammen nnes aḏaneɣ ssiṣfan ḍḍamir nneɣ zi ssayiʼaṯ bac a neƹbeḏ Arebbi iddaren.

Iƹibraniyen 9:24

Cuf, Lmasiḥ war yuḏif ca Axxam nni Amqeddes Aṭṭas iy ibnan s ifassen n bnaḏem itcabbahen waha ḏeg wenni n ṣṣaḥ; Lla, netta yuḏef ḏeg ujenna nniṯ aḏ iḥḍar zzaṯ i Arebbi ƹlaḥsab neccin.

1 Buṭrus 1:3

Aḏ itwabarek Arebbi, Babas n Siḏiṯneɣ Ƹisa Lmasiḥ iy ḏaneɣ yucin s arraḥmeṯ nnes ṯameqqrant ad nexȓeq ḏ jḏiḏ ɣar yijjen n lʼamal iddaren wami d isekkar Ƹisa Lmasiḥ zeg imettinen.

1 Buṭrus 3:16

ḏ yijjen n ḍḍamir mertaḥ. Ammu yinni xawem iqqaren ȓbaṭeȓ ataf aḏ seḏḥan s ṯicri nwem ṯaṣebḥant iy xawem tƹeyyaben niṯni.