1 Buṭrus 3:14 - Ṯarifiṯ 2020

¹⁴ Walakin waxxa ṯetwaƹeddbem meȓa ṯeggim ȓḥaqq, aḏ yiȓi ḏ ssaƹḏ nwem. War teggwḏem ca zeg yiwḏan, war ṯen tejjam ca akenniw sḏehcen.

1 Buṭrus 3:14 ပူးပေါင်းရင်းမြစ်များ

Matta 10:28

War teggwḏeṯ ca zeg yinni ineqqen ddat war zemmaren aḏ nɣen uȓa ḏ ȓaƹmar; Lla, ggwḏeṯ zi Arebbi iƹni wenni izemmaren aḏ idemmar ddat ḏ ȓaƹmar ḏi jahennama.

Matta 10:31

War teggwḏem ca. Kenniw ṯseggwam ktar s waṭṭas x izawjiwen.

Matta 10:39

Wenni ɣa irebḥen ṯuḏarṯ nnes, ataf at ixsar. Wenni ɣa ixsaren ṯuḏarṯ nnes x ssabab inu, ataf at irbeḥ.

Matta 16:25

Ȓaḥeqqac wenni ixsen aḏ isenjem ṯuḏarṯ nnes ataf at ixsar. Wenni ɣa ixsaren ṯuḏarṯ nnes x ssabab inu ataf at yaf.

Matta 19:29

U marra yinni isemmḥen ḏi ṯuḏrin nsen niɣ ḏi ayṯmas niɣ ḏi suyṯmas niɣ ḏi babas ḏ yemmas niɣ ḏi ṯarwa nsen niɣ ḏeg imarjeƹiwen nsen x ssabab inu nec, ataf aɣarsen ṯiȓi miyya n ṯseqqar ktar, aḏ warṯen ṯuḏarṯ n ȓebda.

Marqus 10:29

Inna-asen Ƹisa: "Aqa tesȓam ȓḥaqq: Marra wenni isemḥen ḏi ṯeddarṯ nnes niɣ ḏi ayṯmas niɣ ḏi suyṯmas niɣ ḏi yemmas niɣ ḏi babas niɣ ḏi ṯarwa nnes niɣ ḏeg imarjeƹiwen nnes x ssabab inu nec u ƹlaḥsab Lʼinjil,

Marqus 8:35

Ȓaḥeqqac wenni ixsen aḏ isenjem ṯuḏarṯ nnes ataf at ixsar. Wenni iy ɣa ixsaren ṯuḏarṯ nnes x ssabab inu ḏ ssabab n Lʼinjil ataf at isenjem.

Yuḥanna 14:1

"Itxeṣṣa kenniw war txeyyiqen ca wuȓawen nwem. Amneṯ zi Arebbi, amneṯ ƹaweḏ zzayi.

Yuḥanna 14:27

Tijjeɣ-awem ȓehna, ticceɣ-awem ȓehna inu. War ḏawem ṯ ticceɣ ca am ṯ ticc ddunect. Itxeṣṣa uȓawen nwem war txeyyiqen war teggwḏen ca.

Ȓexḏayem 9:16

Nec aḏas d seḍhareɣ mecḥaȓ iy ɣa itwaƹeddeb u labud x ssabab n yisem inu nec."

2 Ayṯ-Kurinṯ 12:10

S manaya ƹlaḥsab Lmasiḥ nec farrḥeɣ s ḍḍuƹef inu ḏ ṯukkwra ḏ tamara ḏ uƹeddeb ḏ uziyyar. Mayemmi? Meȓa ḍeƹfeɣ ȓexddenni nec aḏ iȓiɣ jehḏeɣ.

Ayṯ-Filippas 1:29

Maci ƹlaḥsab Lmasiḥ azzayes ṯamnem waha; Lla, labud ƹaweḏ aḏ twaƹeddbem ƹlaḥsab ssabab nnes.

Yaƹqub 1:12

Ssaƹḏ n wenni iṣbaren x ȓemḥayen ataf xmi ɣa injeḥ aḏ iysi ttaj n ṯudarṯ wenni iy zi iƹaheḏ Arebbi yinni iy ṯ itḥibban.

Yaƹqub 5:11

Aqa ṯessnem yinni iṣbaren nteḥsab-iṯen ɣarsen ssaƹḏ. Kenniw ṯesȓim x ṣṣbar nni n nnabi Ayub, ṯessnem mammec ṯ ibarek Siḏi Arebbi ḏeg uneggaru minzi Siḏi Arebbi netta ḏ aḥnin ḏ araḥim.

1 Buṭrus 3:6

am Sara tuɣa iteggen array i uryaz nnes Brahim traɣa-yas Kennint aḏ tiȓint am yissis iƹni meȓa teggent ȓxir war teggwḏent ca zi min isaggwaḏen.