1 Buṭrus 2:9 - Ṯarifiṯ 2020

⁹ Fa kenniw ḏ ijjen n ccaƹb itwaxḍaren ḏ ijjen n jmaƹeṯ n ȓfuqaha n Uzeǧiḏ ḏ ijjen n ȓgens ḏ amqeddes ḏ yiwḏan niṯni Bab nsen ḏ Arebbi bac aḏ tbeccarem s ṯmesȓayin ṯiṣebḥanin n wenni iy kenniw issufɣen zeg yijjen n ṯaǧest yarri-kenniw-d ɣar nnur nnes ƹajib.

1 Buṭrus 2:9 ပူးပေါင်းရင်းမြစ်များ

Matta 4:16

Ccaƹb-a iy izeddɣen ḏi ṯaǧest, aḏ iẓer ṯfawṯ ḏ ṯameqqrant. Yina izeddɣen ḏi ṯaǧest n ȓmewṯ aḏasen d imeḍhar nnur.>

Matta 5:16

Ammu, jjeṯ ȓqendiȓ nwem iceƹƹeȓ i yiwḏan ḥima aḏ ẓren ȓexḏayem nwem ṯiṣebḥanin aḏ ḥemḏen Babaṯwem iǧan ḏeg ujenna.

Luqa 1:79

Ḥima aḏ yuc ṯfawṯ i yinni itƹicen ḏi ṯaǧesṯ ḏi ṯiȓi n ȓmewṯ, ḥima aḏaneɣ isuyur iḍaren nneɣ ɣar ubriḏ n ȓehna."

Yuḥanna 17:19

Nec ṣeffiɣ ixef inu x ssabab nsen ḥima aḏ twaṣeffan uȓa ḏ niṯni ƹaweḏ s lḥaqiqa.

Ȓexḏayem 20:28

Ḥḍaṯ ixef nwem. Ḥḍaṯ ṯḥimerṯ nwem, ṯenni iy zi kenniw ikellef Arruḥ iqeddsen. Arewseṯ jmaƹeṯ n ȓmuminin n Arebbi qa netta iseɣ-it s iḏammen nnes.

Ȓexḏayem 26:18

bac aḏasen ṯrezmeḏ ṯiṭṭawin nsen, aṯen ṯesbeƹƹḏeḏ zi ṯaǧest ɣar nnur, aṯen ṯesbeƹƹḏeḏ zi ssulṭa n Cciṭan ɣar Arebbi. Ammu aḏasen twaɣfarent ȓmuƹṣiyaṯ nsen aɣarsen yiȓi umcan ak ṣṣaliḥin iƹni s lʼiman iy ḏayi iy ggin.

Ȓexḏayem 26:28

Inna-as uzeǧiḏ Aɣribas: "Ma s cwayt n ȓweqṯ ṯa cek ṯenwiḏ aḏayi ṯarreḏ ḏ amasiḥi?"

1 Ayṯ-Kurinṯ 3:17

Wenni ɣa iheḏmen ṯamziḏa-ya n Arebbi, aṯ ihḏem Arebbi. Liʼanna ṯamziḏa-ya n Arebbi nettaṯ muqeddes u ḏ kenniw ig iǧan ḏ ṯamziḏa nni.

Ayṯ-Ufasus 1:14

Arruḥ-a netta ḏ ijjen n ȓƹarbun iḍemmen lwareṯ nneɣ aȓ ɣa ṯ neṭṭef ṯumma a neḥmeḏ Arebbi x lƹaḍama nnes.

Ayṯ-Ufasus 1:6

Aḏ itwabarek arḍa nnes imɣaren, ifareɣ-iṯ-iḏ xaneɣ Arebbi s Mmis iƹizzen.

Ayṯ-Ufasus 3:21

Aɣares ṯiȓi lƹaḍama ḏi jmaƹeṯ n ȓmuminin u ƹaweḏ ḏi Ƹisa Lmasiḥ zi ljil ɣar ljil i ȓebda n ȓebdaṯ. Amin!

Ayṯ-Filippas 3:14

Tḥawaȓeɣ x manayenni iy xef rezzuɣ bac aḏ rebḥeɣ ljaʼiza nni iy zi ḏayi d iȓaɣa Arebbi ɣares ɣar ujenna s Ƹisa Lmasiḥ.

Ayṯ-Kulus 1:13

Isefȓeṯ-aneɣ zi ȓeḥkam n ṯaǧest issiweḍ-aneɣ ɣar ȓmulk n Mmis iƹizzen.

2 Timutawus 1:9

Isenjem-aneɣ iȓaɣa-yaneɣ-d s yijjen n uȓaɣi muqeddes. War ḏaneɣ d iȓaɣi ca ƹlaḥsab lḥasanaṯ nneɣ; Lla, iȓaɣa-yaneɣ-d ƹlaḥsab lɣaraḍ nnes netta ḏ arḍa nnes iy ḏaneɣ d yuca ḏi Ƹisa Lmasiḥ qbeȓ ma aḏ tebḏa ȓweqṯ n ddunect-a qaƹ.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

1 Buṭrus 1:2

Arebbi Babaṯneɣ ixḍar-ikenniw ƹlaḥsab mammec tuɣa issen netta zi qbeȓ, issiṣfa-kenniw s yijjen n ȓxeḏmeṯ n Arruḥ iqeddsen ḥima aḏ tṭaƹem i Ƹisa Lmasiḥ aḏ twaruccem s iḏammen nnes iy yuzzȓen. Aḏaywem imarni arḍa ḏ ȓehna s waṭṭas.

1 Buṭrus 2:5

uȓa ḏ kenniw ƹaweḏ am ca n yizra iddaren zzaywem iy ṯbenna ijjen n ṯeddarṯ n Arruḥ iqeddsen. Ḥima aḏ tiȓim kenniw ḏ ijjen n jmaƹeṯ n ȓfuqaha ṣṣaliḥin, tqeddamem dbiḥaṯ rruḥiyaṯ yarḍa xasent Arebbi s ufus n Ƹisa Lmasiḥ.

1 Buṭrus 4:11

Wenni umi immuc aḏ issiweȓ itxeṣṣa-yas aḏ issiweȓ am wenni issawaȓen awaȓen n Arebbi. Wenni umi immuc aḏ ixḏem itxeṣṣa-yas aḏ ixḏem am wenni ixeddmen s jjheḏ ig iticc Arebbi. Ḥima s marra ṯimesȓayin-a aḏ itwaḥmeḏ Arebbi s ufus n Ƹisa Lmasiḥ. Aɣares ṯiȓi lƹaḍama ḏ ȓeḥkam i ȓebda n ȓebdaṯ. Amin.

Lwaḥi 1:6

Igga zzayneɣ ijjen n lmemlaka ḏ ȓfuqaha i Arebbi Babas. Aɣares ṯiȓi lƹaḍama ḏ ȓeḥkam i netta i ȓebda, amin.

Lwaḥi 20:6

Yinni d ɣa ikkaren ḏi lqiyama ṯamezwarut ssaƹḏ nsen, aqaṯen ṣfan. Ȓmewṯ wis ṯnayen war ɣares tiȓi ca ssulṭa xasen. Aḏ iȓin ḏ ȓfuqaha n Arebbi ḏ Lmasiḥ, akiḏes ḥekmen aȓaf n iseggwusa.

Lwaḥi 5:10

Ṯeggiḏ zzaysen ijjen n lmemlaka n ȓfuqaha i Arebbi nneɣ, aḏ ḥekkmen ḏi ṯmurṯ."