1 Buṭrus 2:24 - Ṯarifiṯ 2020

²⁴ Netta s yixef nnes iysi ȓmuƹṣiyaṯ nneɣ ḏi ddat nnes x ṯeḥnact nni ḥima a nemmeṯ neccin s wuȓawen nneɣ i ȓmuƹṣiyaṯ, a neddar i min iǧan nican. Aqa s ujarriḥ nnes iy zi ṯgenfam kenniw.

1 Buṭrus 2:24 ပူးပေါင်းရင်းမြစ်များ

Matta 27:26

Ssenni iḍȓeq-asen-d i Barabas. Ƹisa uwṯin-ṯ s usɣun, uca isellem-asen-ṯ Bilaṭus ḥima aṯ ṣellben x ṣṣalib.

Matta 5:20

Aqa qqareɣ-awem: Meȓa war ṯṭiƹim ca i min iqqar Arebbi ktar zi min teggen imseȓmaḏen n ccariƹa ḏ ȓḥizeb n ifarrisiyen, ataf ƹemmarṣ aḏ taḏfem ȓmulk ujenna.

Matta 8:17

Manayenni ḥima aḏ ikemmeȓ wawaȓ iy inna Siḏi Arebbi i nnabi Icaƹya ḏeg yijjen n zman: "Iysi xaneɣ ȓeḥriqaṯ nneɣ, yarbu ȓehȓacaṯ nneɣ."

Marqus 15:15

Bilaṭus wami irezzu aḏ iseƹƹef ȓɣaci nni, iḍȓeq-asen-d i Barabas. Ssenni uwṯin Ƹisa s usɣun isellem-asen-ṯ ḥima aṯ ṣellben x ṣṣalib.

Luqa 4:18

Yuḥanna 1:29

Ṯiwecca nnes Yaḥya itwaȓa Ƹisa iggur-d ɣares, inna: "Xzarzeṯ, ḏ win ḏ Izmar n Arebbi iy ɣa ikksen ȓmuƹṣiyeṯ x yiwḏan marra.

Yuḥanna 19:1

Yuwi Bilaṭus Ƹisa ḥima aṯ uwṯen ȓƹaskar s usɣun.

Ȓexḏayem 10:35

Arebbi iqebbeȓ iwḏan zi mkuȓ ȓgens yinni iy ṯ iteggwḏen teggen min iǧan nican.

Ȓexḏayem 10:39

Neccin ḏ ȓechuḏ x marra min itegg Ƹisa ḏi ṯmurṯ n Ayṯ-Israʼil ḏ ṯendint n Lquds. Nɣin-ṯ wami ṯ refƹen x ṯeḥnact.

Ȓexḏayem 13:29

Wami ggin marra min tuɣa xas urin lʼanbiya, sehwan-ṯ-iḏ zi ṯeḥnact sersen-ṯ ḏeg unḍeȓ.

Ȓexḏayem 5:30

Arebbi n ȓejḏuḏ nneɣ isekkar-d Ƹisa wenni iy ṯenɣim kenniw ṯrefƹem-ṯ x ṯeḥnact.

Ayṯ-Ruma 6:11

Ammu labud aḏ tḥessbem kenniw ixef nwem ṯemmuṯem-as i ȓmuƹṣiyeṯ, ṯeddarem-as i Arebbi s Ƹisa Lmasiḥ.

Ayṯ-Ruma 6:13

War tqeddameṯ uȓa ḏ ijjen n ṭṭarf zi ddat nwem i ȓmuƹṣiyeṯ aḏ tegg ccarr s ddat nwem. Qeddmeṯ ixef nwem i Arebbi am yiwḏan zaƹma iy d ikkaren zeg imettinen ɣar ṯuḏarṯ. Qeddmeṯ kuȓ ṭṭarf zi ddat nwem ḥima azzayes itwagg min iǧan nican.

Ayṯ-Ruma 6:16

Ma war ṯessinem ca? Meȓa ṯsellmem ixef nwem i can yijjen ṯḏewȓem ḏ isemɣan ṯṭaƹam-as, ataf aḏ tḏewȓem ḏ isemɣan i wenni umi ṯṭaƹam. Imma aḏ tṭaƹem i ȓmuƹṣiyeṯ itawin ɣar ȓmewṯ, imma aḏ tṭaƹem i wenni iy kenniw ɣa yawin ɣar ṣṣulḥ akiḏes.

Ayṯ-Ruma 6:2

Lla, ƹemmarṣ! Neccin nemmuṯ-as i ȓmuƹṣiyeṯ, ixeṣṣa-yaneɣ ȓexxu war netsiɣi ca a nƹic ḏayes.

Ayṯ-Ruma 6:22

Ȓexxu ṯehnam zi ȓmuƹṣiyeṯ, ṯṭaƹam i Arebbi. Man nnfaƹ iy zzayes ɣa ṯawim? Iƹni aḏ tiȓim ṯeṣfam u manayenni itawi ɣar tuḏarṯ n ȓebda.

Ayṯ-Ruma 6:7

Aqa wenni immuṯen ihna zi ȓmuƹṣiyeṯ.

Ayṯ-Ruma 7:6

Walakin ȓexxu neccin netwafekk zi ccariƹa-ya iy ḏaneɣ iqqnen, nemmuṯ-as i manayenni. Neccin nƹebbeḏ s yijjen n ubriḏ ḏ jḏiḏ n Arruḥ n Arebbi, maci s nniḍam nni aqḏim iy yurin ḏi Lkitab.

1 Ayṯ-Kurinṯ 15:3

Cuf, ssiwḍeɣ-awem-d manayenni iǧan muhim tuɣa qebȓeɣ-ṯ nec s yixef inu, iƹni Lmasiḥ immuṯ ƹlaḥsab ȓmuƹṣiyaṯ nneɣ mammec iqqar Lkitab.

2 Ayṯ-Kurinṯ 6:17

X manaya iqqar Siḏi Arebbi: Ffɣem-d zi ȓwesṭ nsen ƹezȓeṯ ixef nwem, war tḥaḏaṯ ca min iǧan ḥaram. Uca nec akenniw qebȓeɣ,

Ayṯ-Galaṭya 3:13

Lmasiḥ ifekk-aneɣ zi nnaƹȓeṯ nni iǧan ḏi ccariƹa wami yarra ixef nnes ḏ ijjen n nnaƹȓeṯ ƹlaḥsab neccin. Ȓaḥeqqac Lkitab iqqar:

Ayṯ-Ufasus 5:9

Aqa nnur itarew-d min iǧan ḏ aṣebḥan ḏ min iǧan nican ḏ min iǧan ḏ lḥaqiqa.

Ayṯ-Filippas 1:11

Zzayes zi Ƹisa Lmasiḥ aḏ tiȓim ṯƹemmarem s min d itarwen ȓḥaqq. Marra manaya i lƹaḍama n Arebbi ḏ lḥamd nnes.

Ayṯ-Kulus 2:14

Imḥa amarwas nni ig izemmmen xaneɣ aqaṯ ḍed nneɣ s Lqanun. Manayenni iysi-ṯ iṣemmar-iṯ x ṣṣalib.

Ayṯ-Kulus 2:20

Kenniw meȓa ṯemmuṯem ak Lmasiḥ i lqawanin nni iqḏimen n ddunect-a, mayemmi ḏas teggem array i lqanun nni axmi ƹaḏ tƹicem zzayes ḏi ddunect-a?

Ayṯ-Kulus 3:3

Minzi zaƹma kenniw ṯemmuṯem, ṯuḏarṯ nwem aqa ṯnuffar ak Lmasiḥ ḏi Arebbi.

Iƹibraniyen 10:10

U s ȓxaḍar nni neccin netwassiṣfa s dbiḥeṯ n ddat n Ƹisa Lmasiḥ, ijjen n ṯwaȓa i ȓebda.

Iƹibraniyen 10:5

X manaya, wami d yusa Lmasiḥ ɣar ddunect-a inna-as i Arebbi: <Ṯeswejḏeḏ-ayi ijjen n ddat, war ṯerzuḏ ca dbiḥaṯ ḏ ṣṣeḏqeṯ lla.

Iƹibraniyen 12:13

Seggḏeṯ ibriḏen nwem nican bac iḍaren nwem izeḥḥafen war tɣimin ca ḏ ineƹḏam aḏ genfan.

Iƹibraniyen 7:26

Cuf, ijjen n ȓefqi ameqqran am wanita ḏ netta iy neḥḏaj. Netta ƹaḍim, bȓa ȓƹib, iṣfa, ineƹzeȓ zeg yiwḏan iy ggin ȓmuƹṣiyeṯ, itwasemɣar yuƹȓa x ijennaṯen.

Iƹibraniyen 9:28

Ammu Lmasiḥ, itwaqeddem ḏ dbiḥeṯ ijjen n ṯwaȓa bac aḏ yarbu ȓmuƹṣiyaṯ n waṭṭas n yiwḏan. Ṯumma aḏ d ihwa wis marrṯayen. Mayemmi? Maci ƹlaḥsab ȓmuƹṣiyeṯ n yiwḏan ƹaweḏ; Lla, aḏ d ihwa bac aḏ isenjem yinni iy ṯ itrajan.

Yaƹqub 5:16

Ƹtarfeṯ s ȓmuƹṣiyaṯ nwem kenniw i wayawya, ẓẓaǧeṯ x wayawya ḥima aḏ tgenfam. Ṯẓaǧiṯ n bnaḏem ig iǧan nican nettaṯ ḏayes jjheḏ aṭṭas nettaṯ ṯefsus.

1 Yuḥanna 2:29

Xmi ɣa ṯessnem belli netta nican ig iǧa, ataf aḏaywem ṯiȓi ttiqeṯ belli bnaḏem ig isxeddamen min iǧan nican netta ixȓeq-d zzayes.

1 Yuḥanna 3:7

A iḥenjiren, war tejjam ḥadd akenniw ixḏeƹ. Wenni ig iqqimen isxeddam min iǧan nican qa netta aqaṯ nican mammec ig iǧa Siḏiṯneɣ.

Lwaḥi 22:2

itazzeȓ ḏi ȓwesṭ n ccariƹ n ṯendint. X ṯnayen n iɣezḏisen n yiɣzar-a ḏinni ṯacejjarṯ n ṯuḏarṯ. Tarew ṯenƹac n ṯwaȓaṯin kuȓ char ijjen n ṯwaȓa, afar nnes isgenfa ȓegnus.