1 Buṭrus 2:23 - Ṯarifiṯ 2020

²³ Wami tuɣa xas tbuṣaren, netta war xasen d yarri ca abuṣar nsen. Wami tuɣa ṯ tƹeddaben, netta war ṯen iheddeḏ ca; Lla, netta isellem ixef nnes ḏeg ifassen n wenni iteḥkamen nican.

1 Buṭrus 2:23 ပူးပေါင်းရင်းမြစ်များ

Luqa 23:41

Neccin ḥekkmen xaneɣ nican, nesḏaheǧ lḥukem-a ƹlaḥsab min negga. Walakin aryaz-a war iggi ca minxef."

Luqa 23:46

Iȓaɣa Ƹisa s yijjen n ṯmijja ṯejheḏ inna: "A Baba, nec buḥbeȓ inu sellmeɣ-ac-ṯ ḏeg ifassen nnec." Wami inna manaya yarra nnefs ṣafi immuṯ.

Luqa 23:9

Isseqsa-ṯ aṭṭas walakin Ƹisa war xas d yarri ca qaƹ.

Ȓexḏayem 17:31

Mayemmi? Arebbi izemmem ijjen n nhar iy ḏi ɣa iḥaseb marra iwḏan s ȓḥaqq x ufus n bnaḏem nni ig ixḍar. Yuca-asen ddalil i marra iwḏan x manaya wami ṯiḏ isekkar zi ȓmewṯ."

Ȓexḏayem 4:29

A Siḏi, ȓexxu xzar mammec ḏaneɣ theddaḏen, uc-aneɣ i neccin lƹibad nnec a nessiweȓ s wawaȓ nnec s zƹameṯ.

Ȓexḏayem 7:59

Qqimen rejjmen Stifan s uzru netta inna: "A Siḏiṯneɣ Ƹisa, qbeȓ buḥbeȓ inu!"

Ȓexḏayem 9:1

Cawul ƹaḏ itheddaḏ s ȓmewṯ imeḥḍaren n Siḏiṯneɣ. Ikkar iruḥ ɣar arrayes n ȓfuqaha,

Ayṯ-Ruma 2:5

Walakin cek s ṯɣennant-a iy ḏayek ḏ wuȓ nnec war ituben ca tesmuniḏ aɣḍab i yixef nnec aȓ Yum Lḥisab ḏ Lƹiqab, nhar iy ḏi d ɣa imeḍhar ȓḥukem n Arebbi s ȓḥaqq.

Ayṯ-Ufasus 6:9

U kenniw ay ayṯbab n isemɣan aḏasen ṯeggem kif-kif, maci aṯen tsiggwḏem. Aqa ṯessnem belli Bab nwem ḏ Bab nsen netta ḏ ijjen aqaṯ ḏeg ujenna, war itegg bu s wuḏemawen.

2 Ayṯ-Salunik 1:5

Manaya ḏ ijjen n ddalil belli lḥukem n Arebbi iǧa nican, u s ddalil-a akenniw iḥseb ṯesḏaheǧem ȓmulk nnes iy xef ṯƹeddbem.

2 Timutawus 1:12

X ssabab-a nec qa tƹeddabeɣ x marra ṯimesȓayin-a ṯina walakin war tseḏḥiɣ ca, nec ssneɣ wenni iy zi umneɣ. Teyyqeɣ netta izemmar aḏ iḥḍa lʼamana nni iy kiḏes jjiɣ ḥetta aȓ Nhar nni aneggaru.

2 Timutawus 4:8

Ssa aȓ ṯsawent itraja-ayi ijjen n ttaj n ṣṣulḥ ag Arebbi wenni iy ḏayi ɣa yuc Siḏiṯneɣ iy iǧan ḏ lqaḍi nican; Aḏayi-ṯ yuc ḏi Nhar nni n Lḥisab. Maci aḏayi-ṯ yuc i nec waha; Lla, aṯ yuc i marra yinni itexsen Nhar nni iy ḏi d ɣa imeḍhar.

Iƹibraniyen 12:3

Fekkareṯ mliḥ ḏi Ƹisa netta mecḥaȓ iṣbar x ccmayeṯ iy ḏas iƹarrḍen bac kenniw war tiḥȓem ca war tefciȓem ca.

1 Buṭrus 3:9

War tarraṯ ca ccarr s ccarr nneɣni niɣ ȓƹib s ȓƹib nneɣni. Lla, barkeṯ inneɣni, mayemmi? Minzi iȓaɣa-d xawem i manaya bac aḏ txaȓsem s yijjen n lbaraka.

1 Buṭrus 4:19

Falihaḏa yinni itwaƹeddaben s array n Arebbi, itxeṣṣa-yasen aḏ sellmen ȓaƹmar nsen ḏeg ifassen n Lxaliq nsen netta iy ḏi ṯeǧa ttiqeṯ, aḏ qqimen teggen min iǧan ḏ aṣebḥan.

Lwaḥi 19:11

Ẓriɣ ajenna inurzem ḏinni ijjen n uyis ḏ acemȓaȓ, wenni xas inyin qqaren-as Ȓaman ḏ ȓḥaqq. Itḥasab itḥarab s ȓḥaqq.