1 Buṭrus 2:12 - Ṯarifiṯ 2020

¹² Ƹiceṯ s lmaƹqul jar ȓegnus. Meȓa tahamen-kenniw x can ȓḥajeṯ ḏ ṯaƹeffant uca niṯni ẓerren lḥasanaṯ nwem ataf aḏ ḥemḏen Arebbi ḏi Nhar nni iy xasen d ɣa ixḍeȓ.

1 Buṭrus 2:12 ပူးပေါင်းရင်းမြစ်များ

Matta 10:25

Baraka ɣir aḏ yiȓi umeḥḍar am lmuƹallim nnes, aḏ yiȓi uxeddam am uweqqaf nnes. Meȓa ȓaɣan i bab n ṯeddarṯ , iwa mammec ɣa ȓaɣan i ȓeḥbab n ṯeddarṯ nnes?

Matta 5:11

Ssaƹḏ nwem meȓa tzawaren-kenniw, ƹeddben-kenniw, niɣ nnan ḏaywem ȓƹib s ixarriqen x ssabab inu.

Matta 5:16

Ammu, jjeṯ ȓqendiȓ nwem iceƹƹeȓ i yiwḏan ḥima aḏ ẓren ȓexḏayem nwem ṯiṣebḥanin aḏ ḥemḏen Babaṯwem iǧan ḏeg ujenna.

Matta 9:8

Wami ẓrin yiwḏan manayenni, ggwḏen ḥemḏen Arebbi x ssulṭa iy ḏasen iticc i yiwḏan.

Luqa 1:68

"Lḥamdu lillah i Siḏi Arebbi n Ayṯ-Israʼil, ȓaḥeqqac ifqeḏ ccaƹb nnes ifekk-iṯ.

Luqa 19:44

Acem sheḏmen cem ḏ ṯarwa nnem iy iǧan ɣar ḏaxeȓ nnem. War ḏayem tejjin bu uzru x unneɣni minzi ifqeḏ-icem Arebbi, cem war xas ṯeƹqireḏ."

Luqa 6:22

Ssaƹḏ nwem meȓa tƹiffan-kenniw yiwḏan, war kenniw qebȓen ssawaȓen ḏaywem s ȓƹib, tzawaren-kenniw ƹlaḥsab Mmis n bnaḏem.

Yuḥanna 13:31

Wami iffeɣ Yahuḏa inna Ƹisa: "Ȓexxu itwasemɣar Mmis n bnaḏem, itwasemɣar s Mmis uȓa ḏ Arebbi.

Ȓexḏayem 15:14

Iƹaweḏ-aneɣ Simƹan x mammec ḏeg umezwaru ifqeḏ Arebbi yinni war iǧin ca zi Ayṯ-Israʼil ixḍar ca zzaysen aḏ iȓin ḏ ccaƹb nnes.

Ȓexḏayem 24:13

War ɣarsen bu ddalil x ttuhmaṯ-a iy xafi tqeddamen ȓexxu.

Ȓexḏayem 25:7

Wami d iḥḍar ḏinni, munen-d xas israʼiliyen nni iy d yusin zi Lquds. Tahamen-ṯ s waṭṭas n ṯmesȓayin iy wƹarent walakin war ɣarsen bu ddalil.

Ȓexḏayem 28:22

Walakin nexs aḏac nṣennet lʼafkar nnec minzi nessen aṭṭas n yiwḏan ḏi mkuȓ amcan tƹarraḍen i ȓḥizeb-a wanita."

Ayṯ-Ruma 12:17

War tarram ca ccarr s ccarr. Arrem-d ȓbaȓ nwem bac aḏ teḥtarmem marra iwḏan ḏi min teggem.

Ayṯ-Ruma 13:13

Itxeṣṣa labud a nuyur s lʼiḥtiram am wenni igguren ḏi ṯfawṯ n nhar. War ntegg ca lmadella n ssekra ḏ waṭṭas n ccreb ḏ lfasad ḏ ȓeqbaḥeṯ ḏ umenɣi ḏ ȓeḥseḏ.

Ayṯ-Ruma 14:18

Wenni iy ɣa ixeḏmen i Lmasiḥ amenni, aqa Arebbi ireṭṭa xas iwḏan tcekkaren-ṯ.

Ayṯ-Ruma 15:9

Ƹaweḏ bac yinni war iǧin ca zi Ayṯ-Israʼil aḏ ḥemḏen Arebbi x arraḥmeṯ nnes. Mammec iqqar Lkitab:

2 Ayṯ-Kurinṯ 1:12

Aqa neccin nteftaxar zi ḍḍamir nneɣ iƹni icehheḏ belli nuyur mliḥ ḏi ddunect-a xaṣṣatan akiḏwem s yijjen n nniyyeṯ ḏ wuȓ iṣfan zi Arebbi. War iǧi bu s yijjen n ȓefhameṯ n ddunect-a; Lla, s yijjen n arḍa n Arebbi.

2 Ayṯ-Kurinṯ 13:7

Ntettar-as i Arebbi bac war ṯƹeṣṣim ca, maci bac aḏaneɣ afen yiwḏan war nesqiṭ ca ḏi ttuhma-ya iy xawem nqeddem; Lla, neccin nrezzu aḏ teggem min iǧan nican. Meȓa zɣiȓ-asen i ȓebƹaḍ qa nesqeṭ zaƹma ḏi ttuhma-ya iy xawem nqeddem, iwa maƹlic.

2 Ayṯ-Kurinṯ 8:21

Ntegg ṯizemmar bac a negg min iǧan ḏ aṣebḥan maci ƹlaḥsab Siḏi Arebbi waha, ntegg ƹaweḏ ƹlaḥsab min twaȓan yiwḏan.

Ayṯ-Ufasus 2:3

Neccin marra tuɣa netƹic am niṯni ḏeg yijjen n ȓweqṯ wami tuɣa netseƹƹaf ccehawaṯ n array aƹeffan n nnefs nneɣ nḏeffar min irezzu ḏ min itfekkar. Tuɣaneɣ am marra iwḏan iƹni neccin zeg yinni iy ɣa iƹaqeb Siḏi Arebbi.

Ayṯ-Ufasus 4:22

Iwa tuɣa ṯȓemḏem aḏ tsemḥem ḏi ṭṭabiƹa nni nwem tuɣa ɣarwem qbeȓ. Liʼanna ṭṭabiƹa nni nwem ṯarecca ƹlaḥsab ccehweṯ nnes istwaɣarren.

Ayṯ-Filippas 1:27

Lmuhim, suyureṯ ixef nwem ḏeg yijjen n ubriḏ iticcen lqima i Lʼinjil n Lmasiḥ. Ṯumma waxxa nec usiɣ-d akenniw ẓreɣ niɣ ɣabeɣ xawem ataf axawem sȓeɣ ȓexbar belli ṯuggurem nican x yijjen n array, ṯxeddmem fus ḏeg ufus x ssabab n lʼiman iy iǧan ḏi Lʼinjil,

Ayṯ-Filippas 4:8

Ɣar uneggaru ay ayṯma, min iǧan ḏ lḥaqiqa ḏ mindi iǧa ȓewqqar ḏ min iǧan iseggḏen ḏ min iǧan iṣfan ḏ min iǧan ḏ aṣebḥan ḏ min xaneɣ iƹizzen ḏ ayyi ṯamesȓayṯ ḏ ṯaṣebḥant aṭṭas aḏas nuc lqima itxeṣṣa kenniw aḏ tfekkarem ḏi ṯmesȓayin-a.

1 Ayṯ-Salunik 4:12

Ḥima aḏ tuyurem s lmaƹqul ak yinni ɣar barra nwem war yuminen ca, war teḥḏijim walu zi ḥadd.

1 Timutawus 2:2

ḏ izeǧiḏen ḏ marra yinni iḥekkmen bac a nƹiceṯ ḏeg yijjen n ȓehna bȓa ssdaƹ ḏeg yijjen n ṭṭaƹa n Arebbi ḏ yijjen n lmaƹqul.

1 Timutawus 4:12

War tejja ḥadd ac iseḥqar ƹlaḥsab ṯemẓi nnec. Lla, cek labud aḏasen tiȓiḏ i ȓmuminin ḏ lmiṯal ƹlaḥsab awaȓen nnec ḏ ṯicri nnec ḏ ȓemḥibbeṯ nnec ḏ lʼiman ḏ ȓeṣfiyeṯ.

1 Timutawus 5:10

Labud aḏ tiȓi maƹrufa s lḥasanaṯ nnes iƹni meȓa ṯrebba ṯarwa nnes, treḥḥab s inewjiwen, ṯsiȓiḏ iḍaren n ṣṣaliḥin, tƹawan yinni itzeyyaren, ṯḏeffar marra ṯimesȓayin ṯiṣebḥanin.

Iƹibraniyen 13:18

Ttareṯ i Arebbi xaneɣ. Aqa neccin metʼakeddin ḍḍamir nneɣ mertaḥ, nrezzu a nexḏem s ȓeḥya marra ṯimesȓayin.

Iƹibraniyen 13:5

Aḏ tƹicem bȓa ma aḏ tḥibbem tmenyaṯ, aḏ tqenƹem s min ɣarwem. Arebbi s yixef nnes inna qa ƹemmarṣ ac jjeɣ, ƹemmarṣ aḏayek semḥeɣ.

Yaƹqub 3:13

Ma akiḏwem wenni iy ḏi ṯeǧa ȓefhameṯ ḏ ṯusna? Itxeṣṣa-yas aḏ d ismeḍhar manaya s mammec itƹic s lmaƹqul ḏ lḥasanaṯ nnes ig itegg ak yijjen n ttawaḍuƹ iy d itasen s ȓefhameṯ.

1 Buṭrus 2:15

Liʼanna manaya ḏ ȓxaḍar n Arebbi iƹni meȓa ṯeggim min iǧan ḏ aṣebḥan ataf aḏ teqḍam x wawaȓen ijahȓen n iryazen nni iy ḏi ṯeǧa ṯubbuhȓiya u ṣafi.

1 Buṭrus 3:16

ḏ yijjen n ḍḍamir mertaḥ. Ammu yinni xawem iqqaren ȓbaṭeȓ ataf aḏ seḏḥan s ṯicri nwem ṯaṣebḥant iy xawem tƹeyyaben niṯni.

1 Buṭrus 4:11

Wenni umi immuc aḏ issiweȓ itxeṣṣa-yas aḏ issiweȓ am wenni issawaȓen awaȓen n Arebbi. Wenni umi immuc aḏ ixḏem itxeṣṣa-yas aḏ ixḏem am wenni ixeddmen s jjheḏ ig iticc Arebbi. Ḥima s marra ṯimesȓayin-a aḏ itwaḥmeḏ Arebbi s ufus n Ƹisa Lmasiḥ. Aɣares ṯiȓi lƹaḍama ḏ ȓeḥkam i ȓebda n ȓebdaṯ. Amin.

2 Buṭrus 3:11

Meȓa amenni iy ɣa twamḥant marra ṯimesȓayin-a, mammec iy ɣa ṯiȓi ṯuḏarṯ nwem? Iwa u labud aḏ tƹicem s yijjen n ṯuḏarṯ ṯeṣfa aḏ ṭaƹem i Arebbi