1 Buṭrus 2:11 - Ṯarifiṯ 2020

¹¹ Ay imƹizzen inu, nec qqareɣ-awem i kenniw iy iǧan ḏ iƹezzaben ḏ ibarraniyen ḏi dduncet-a, beƹƹḏeṯ zi ccehawaṯ nni ṯiƹeffanin iy kenniw itḥaraben ḍed n ȓaƹmar nwem.

1 Buṭrus 2:11 ပူးပေါင်းရင်းမြစ်များ

Luqa 21:34

Ma ṯexsem aḏ teccem uȓ nwem? Ḥḍaṯ ixef nwem zi lmaddla n ssekra ḏ waṭṭas n ccreb ḏ ȓehmum n ddunect-a. Qa aḏ d yas Nhar nni aneggaru ƹlaɣafla am yijjen n ṯexcefṯ.

Ȓexḏayem 15:20

Walakin aḏasen nari ṯabrat-a ḥima aḏ beƹƹḏen x lmakla itwaqeddmen i lʼaṣnam ḏ lfasad ḏ min itwajeyyfen ḏ iḏammen.

Ȓexḏayem 15:29

Iƹni aḏ tbeƹƹḏem x lmakla itwaqeddmen i lʼaṣnam, ḏ iḏammen, ḏ min itwajeyyfen, ḏ lfasad. Meȓa ṯbeƹƹḏem x ṯmesȓayin-a wa ataf ṯeggim mliḥ. Akenniw iƹawen Arebbi."

Ayṯ-Ruma 12:1

Iḏen fa ay ayṯma, s arraḥmeṯ n Arebbi tcejjaƹeɣ-kenniw aḏ tqeddmem ixef nwem i Arebbi amecnaw ijjen n dbiḥeṯ ṯeddar, ḏ ṯamqeddest, axas yarḍa netta. Manaya ḏ lwajib n lƹibada xawem.

Ayṯ-Ruma 7:23

walakin tafeɣ ijjen n ṭṭabiƹa nneɣni ḏeg yixef inu ig itmenɣan ak min ɣari ḏi ȓaƹqeȓ inu. S ṭṭabiƹa-ya teqqen-ayi ȓmuƹṣiyeṯ nni iy ḏayi izeddɣen ḏeg yixef inu.

Ayṯ-Ruma 8:13

Liʼanna kenniw meȓa teggem array i ṭṭabiƹa ṯaƹeffant nwem, aḏ temmṯem. Meȓa ṯneqqem ȓefƹayer n ddat nwem s Arruḥ n Arebbi, aḏ teddarem.

2 Ayṯ-Kurinṯ 5:20

Falihaḏa neccin ḏ lmubcirin n Lmasiḥ, Arebbi issekk ṭṭalab nnes x ufus nneɣ. Nṭalab-ikenniw ƹlaḥsab Lmasiḥ aḏ temṣȓaḥem ak Arebbi.

2 Ayṯ-Kurinṯ 6:1

Fa neccin ig ixeddmen ak Arebbi ntettar i kenniw neqqar-awem: Maci aḏ tqebbȓem arḍa n Arebbi war zzayes ṯxeddmem ca.

2 Ayṯ-Kurinṯ 7:1

Iḏen ay imƹizzen inu, wami ḏaneɣ iƹaheḏ Arebbi x ṯmesȓayin-a labud a nessiṣfa ixef nneɣ zi marra min ḏaneɣ isexnizen ḏi ddat ḏ arruḥ ḥima a niȓi ḏ ṣṣaliḥin bȓa axeṭṭi s ṯiggwḏi n Arebbi.

Ayṯ-Galaṭya 5:24

U yinni iǧan n Ƹisa Lmasiḥ ṣafi ṣellben ṭṭabiƹa nni ṯaƹeffant nsen ak ccehweṯ ḏ ȓxaḍar n ṭṭabiƹa-ya.

Ayṯ-Ufasus 2:19

Iḏen, ȓexxu kenniw war ṯeqqimem ca ḏ ibarraniyen niɣ ḏ imezḏaɣ. Lla, ȓexxu kenniw ḏ imƹacaren ak ṣṣaliḥin iƹni yuca-awem Arebbi ljinsiya akiḏsen ṯḏewȓem ḏ ȓeḥbab n ṯeddarṯ n Arebbi.

Ayṯ-Ufasus 4:1

Iḏen fa nec ig iǧan ḏ ameḥbus x ssabab n Siḏiṯneɣ akenniw nhiɣ bac aḏ tuyurem nican ƹlaḥsab awaȓ nni iy ḏawem d iȓaɣan zeg ujenna.

2 Timutawus 2:22

Fa arweȓ zi ccahawaṯ nni ṯiƹeffanin n ṯemẓi, ḏeffar ṣṣulḥ ḏ lʼiman ḏ ȓemḥibbeṯ ḏ ȓehna ak yinni iy d iȓaɣan x Siḏiṯneɣ s yijjen n wuȓ iṣfa.

Iƹibraniyen 11:13

Yina marra mmuṯen ḏi lʼiman nni nsen qbeȓ ma ḏasen d awḍent ṯmesȓayin nni iy zi ṯen iwƹeḏ. Walakin ẓrin-ṯent reḥḥben zzaysent zi ȓeggwaj, ƹtarfen belli niṯni ḏ ibarraniyen ḏ iƹezzaben ḏi ṯmurṯ-a.

Iƹibraniyen 6:9

Ay imƹizzen inu, waxxa nessawaȓ ammu neccin metʼakeddin zzaywem iƹni x ṯmesȓayin ṯiṣebḥanin iy zi ɣa ṯnejmem.

Yaƹqub 4:1

Iwa ixarwiḍen ḏ imenɣiwen itiȓin jarawem, manis d tekken? Tekken-d zi ccehawaṯ nwem ṯiƹeffanin iy itmenɣan ɣar ḏaxeȓ nwem.

1 Buṭrus 1:1

Nec ḏ Buṭrus ḏ arrasul n Ƹisa Lmasiḥ. Tsekkiɣ-d ṯabrat-a i yinni ig ixḍar Arebbi iy iǧan ḏ iƹezzaben itemzeǧaƹen ḏi lʼiqlim n Punṭus ḏ lʼiqlim n Galaṭya ḏ lʼiqlim n Kafadusya ḏ lʼiqlim n Asya ḏ lʼiqlim n Biṯanya.

1 Buṭrus 1:17

Meȓa ṯeqqarem-as "A Baba" i wenni iteḥsaben ȓexḏayem n kuȓ bnaḏem bȓa uḏemawen ataf itxeṣṣa aḏ tƹicem s yijjen n ṯiggwḏi axmi ɣa ṯƹezzbem ḏi ṯmurṯ-a.

1 Buṭrus 4:12

Ay imƹizzen inu, war tƹejjibem ca ƹlaḥsab ȓmiḥneṯ-a iy xawem d iwḍan am ṯmessi bac akenniw ṯjarreb. War tfekkareṯ ca belli manaya ƹajib.

1 Buṭrus 4:2

X manaya nhuraṯ nni iy ḏawem itɣiman ḏi ddat nwem maci aṯen ṯseƹḏum ƹlaḥsab ccehawaṯ n bnaḏem; Lla, seƹḏum-ṯen ƹlaḥsab ȓxaḍar n Arebbi.

2 Buṭrus 3:1

Ay imƹizzen inu, ṯabrat-a ḏ wis ṯnayen ȓexxu iy ḏawem d uriɣ. S ṯnayen iḏsent sfekkareɣ-kenniw tcejjaƹeɣ-kenniw s ȓaƹquȓaṯ nwem aḏ tiȓim ṯeṣfam.