1 Buṭrus 1:7 - Ṯarifiṯ 2020

⁷ Ȓemḥayen-a usint-id bac aḏ d smeḍharent illa lʼiman nwem netta aqaṯ ḏ ṣṣaḥ; netta isewwa ktar zi ddheb ig ifennan waxxa itwassiṣfa ḏi ṯmessi. Ḥima lʼiman nwem aṯ cekkaren aḏayes yiȓi ccan ḏ lqima xmi d ɣa imeḍhar Ƹisa Lmasiḥ.

1 Buṭrus 1:7 ပူးပေါင်းရင်းမြစ်များ

Matta 19:28

Inna-asen Ƹisa: "Aqa tesȓam ȓḥaqq: Ḏi ṯuḏarṯ nneɣni xmi ɣa iqqim Mmis n bnaḏem x lƹarc nnes n lƹaḍama, uȓa ḏ kenniw ḏayi d iḏfaren aḏ teqqimem x ṯenƹac n lƹarcaṯ ḥima aḏ tḥekmem x ṯenƹac n ṯqebbaȓ n Ayṯ-Israʼil.

Matta 25:21

Inna-as siḏes: Ṯeggiḏ mliḥ ay axeddam aṣebḥan, cek ḏayek ȓaman. Ḏayek ȓaman x ḏrus, ȓexxu ac kellfeɣ x waṭṭas. Aḏef aḏ tfarḥeḏ ak siḏec.

Matta 25:23

Inna-as siḏes: Ṯeggiḏ mliḥ ay axeddam aṣebḥan, cek ḏayek ȓaman. Ḏayek ȓaman x ḏrus, ȓexxu ac kellfeɣ x waṭṭas. Aḏef aḏ tfarḥeḏ ak siḏec.

Luqa 12:33

Zenzeṯ agȓa nwem, ṣeddqem-ṯ. Ggeṯ ṯicemmusin n tmenyaṯ iy war ifennin ca niṯenti ḏ ijjen n ȓkenz ḏeg ujenna war iqeṭṭin ca. War itqarrib ca ḏinni uceffar, ṯikeccawin war ṯ tettent ca.

Luqa 17:30

Amenni iy ɣa iweqƹen ḏi Nhar nni iy ḏi d ɣa imeḍhar Mmis n bnaḏem.

Yuḥanna 12:26

Wenni ixsen aḏayi ixḏem, itxeṣṣa aḏayi iḏfar. Mani ɣa iȓiɣ nec, aḏ yiȓi ƹaweḏ ḏ axeddam inu. Wenni ḏayi ɣa ixeḏmen, aṯ ikarrem Baba.

Yuḥanna 5:44

Mammec ɣa ṯeggem aḏ tamnem? Iwa kenniw texsem lƹaḍama n wayawya, war ṯrezzum ca x lƹaḍama n Arebbi aweḥḏani.

Ȓexḏayem 8:20

Ikkar Buṭrus inna-as: "Lla, jmeƹ nnuqarṯ nnec qa aḏ tiȓi ḏ ṯimessi akiḏec ḏi ȓefna minzi ṯenwiḏ aḏ tesɣeḏ lhadiya n Arebbi s tmenyaṯ!

Ayṯ-Ruma 2:10

Walakin aḏ tiȓi lhimma ḏ uweqqar ḏ ȓehna i marra yinni iteggen lḥasanaṯ, Ayṯ-Israʼil ḏ imezwura ƹaḏ ḏ yinni war iǧin ca zi Ayṯ-Israʼil.

Ayṯ-Ruma 2:29

Walakin aʼisraʼili iǧan ḏ ṣṣaḥ itiȓi ɣares manaya ɣar ḏaxeȓ. U ḏ ṭṭahareṯ n ṣṣaḥ tiȓi ḏeg wuȓ s Arruḥ n Arebbi, war iǧi bu s ccariƹa. Bnaḏem-a war ṯ tcekkaren ca yiwḏan, itcekkar-iṯ Arebbi.

Ayṯ-Ruma 2:7

Aḏasen yuc ṯuḏarṯ war ifennin ca i yinni iṣebbaren teggen lḥasanaṯ, liʼanna rezzun x lhimma ḏ uweqqar ḏ ṯuḏarṯ nni itduman.

Ayṯ-Ruma 8:19

Aqa marra min d itwaxeȓqen ḏaysen mezȓi ḏ ameqqran trajan aḏ ẓren ṯsaƹƹat nni iy ḏi d ɣa banen ṯarwa n Arebbi.

1 Ayṯ-Kurinṯ 4:5

X manaya war qqarem walu x ȓḥukem qbeȓ ȓweqṯ, iƹni qbeȓ iy d ɣa yas Siḏiṯneɣ. Ḏ netta iy ɣa isbeyynen ṯimesȓayin nni ɣar nnur ȓexxu nuffarent ḏi ṯaǧest, aḏ d ismeḍhar kuȓ lɣaraḍ n yiwḏan iy ɣarsen ḏeg wuȓawen nsen. Ȓexddenni kuȓ ijjen aɣares yiȓi usemɣar nnes zi Arebbi.

Yaƹqub 1:12

Ssaƹḏ n wenni iṣbaren x ȓemḥayen ataf xmi ɣa injeḥ aḏ iysi ttaj n ṯudarṯ wenni iy zi iƹaheḏ Arebbi yinni iy ṯ itḥibban.

1 Buṭrus 1:13

Iḏen, swejḏem ȓaƹquȓaṯ nwem bac aḏ txeḏmem. Arrem-d ȓbaȓ nwem. Ggem lʼamal nwem ɣir ḏi arḍa n usenjem nni iy ḏawem d ɣa immucen xmi d ɣa imeḍhar Ƹisa Lmasiḥ.

1 Buṭrus 1:5

Ƹlaḥsab lʼiman nwem Arebbi iḥeṭṭa-kenniw s ṯzemmar nnes ɣar yijjen n usenjem ig isewjeḏ netta aṯiḏ ismeḍhar ḏi Nhar aneggaru.

1 Buṭrus 2:4

Xmi ɣares d ṯqarrabem ɣar netta iy iǧan ḏ azru nni iddaren ƹiffen-ṯ iryazen walakin Arebbi ixḍar-iṯ iƹizz xas,

1 Buṭrus 2:7

Fa azru-ya isewwa aṭṭas i kenniw iy yumnen, yinni war yuminen ca lla. Aqa yura ḏi Lkitab:

1 Buṭrus 4:12

Ay imƹizzen inu, war tƹejjibem ca ƹlaḥsab ȓmiḥneṯ-a iy xawem d iwḍan am ṯmessi bac akenniw ṯjarreb. War tfekkareṯ ca belli manaya ƹajib.

1 Buṭrus 4:13

Lla, itxeṣṣa kenniw aḏ tfarḥem wami ṯcarrcem ḏeg uƹeddeb n Lmasiḥ bac aḏ tfarḥem ƹaweḏ aṭṭas xmi d ɣa ṯmeḍhar lƹaḍama nnes.

1 Buṭrus 5:1

Fa nec tȓaɣiɣ-d x imeqqranen iǧan jar n ṯjumaƹ, nec iy iǧan ḏ ijjen n umeqqran am kenniw ḏ yijjen n ccaheḏ x min xef itwaƹeddeb Lmasiḥ, nec ḏ ijjen ƹaweḏ iy ɣa icarcen ḏi lƹaḍama iy d ɣa imeḍharen.

2 Buṭrus 1:1

Nec ḏ Simƹan Buṭrus ḏ ijjen n ȓƹabḏ n Ƹisa Lmasiḥ ḏ arrasul nnes. Tsekkiɣ-d ṯabrat-a i yinni iqebȓen nnefs n lʼiman am wenni iy neqbeȓ neccin s ṣṣulḥ nni n Arebbi ḏ Ƹisa Lmasiḥ wenni iy ḏaneɣ isenjamen.

2 Buṭrus 1:4

Ƹlaḥsab ṯimesȓayin-a netta yuca-aneɣ-d lwuƹud nnes imɣaren ig isewwan aṭṭas. Ḥima s lwuƹud-a aḏ tcarcem ḏi ṭṭabiƹa n wenni yuƹȓan wami ṯarewȓem zi min ifennan ḏi ddunect-a ƹlaḥsab ccehawaṯ ṯiƹeffanin.

2 Buṭrus 3:14

X manaya ay imƹizzen inu, xmi ɣa ṯrajam kenniw i ṯmesȓayin-a ggeṯ lmejhud nwem bac akenniw yaf akiḏes ḏi ȓehna bȓa ȓewsex bȓa ȓƹib.

Yahuḏa 1:24

Fa wenni izemmaren akenniw iḥḍa bac war tenḏȓifem ca, izemmar ƹaweḏ akenniw iqeddem ɣar zzaṯ nnes lƹaḍim aḏ tiȓim bȓa ȓƹib aɣarwem ṯiȓi ijjen n ȓefraḥeṯ ḏ ṯameqqrant,

Lwaḥi 1:7

Aqa yusa-d ak useynu, aṯ ẓrent marra ṯiṭṭawin ḏ yiwḏan nni iy ṯ icukken. Axas ḥeznen marra ȓqum n ṯmurṯ. Wah, amin.

Lwaḥi 2:10

War teggweḏ ca zi mammec iy ɣa twaƹeddbeḏ. Aqa Ibȓis aḏ isiḏef ȓebƹaḍ zzaywem ɣar ȓeḥbes ḥima aḏ twajarrbem. Aḏ tseƹḏum ȓemḥayen ḏi ƹecrayyam. Arni ḏi lʼiman nnec waxxa ac nɣen, nec aḏac uceɣ ttaj n ṯuḏarṯ.

Lwaḥi 3:10

Ṯeṣbareḏ x min c weṣṣiɣ, s manaya ataf nec ac ḥmiɣ zi ṯsaƹƹat nni n ȓemḥayen iy d ɣa ihwan x marra ddunect-a ḥima imezḏaɣ n ṯmurṯ azzayes twajarrben.

Lwaḥi 3:18

Qa nec neṣṣḥeɣ-cek axafi ṯesɣeḏ ddheb itwaṣfan s ṯmessi ḥima aḏ tdewȓeḏ ḏ ttajar. Seɣ ƹaweḏ arruḍ ḏ acemȓaȓ ḥima aḏ tesarḍeḏ ixef nnec zi ṯuƹaryant nnec ƹaweḏ ḏ can ddwa ḥima aḏ tesgenfiḏ ṯiṭṭawin nnec ataf twaȓiḏ.