1 Buṭrus 1:25 - Ṯarifiṯ 2020

²⁵ maca awaȓ n Arebbi itɣima i ȓebda.> Awaȓ-a netta ḏ Lʼinjil iy ḏawem d itwabeccaren.

1 Buṭrus 1:25 ပူးပေါင်းရင်းမြစ်များ

Matta 5:18

Aqa tesȓam ȓḥaqq: War itekkes ijjen n ȓḥarf niɣ ḏ ijjen n ṯneqqiṭ zi ccariƹa aȓ ɣa itwakkes ujenna ḏ ṯmurṯ aȓ ɣa itwakemmeȓ kuȓci.

Luqa 16:17

Innama, isheȓ aḏ itwakkes ujenna ḏ ṯmurṯ qbeȓ iy ɣa ttwakkes ijjen n ṯneqqiṭ zi ccariƹa.

Yuḥanna 1:1

Ḏeg umezwaru iǧa wawaȓ. Awaȓ nni iǧa ak Arebbi. Awaȓ nni ḏ netta ig iǧan ḏ Arebbi.

Yuḥanna 1:14

Awaȓ-a iḏweȓ ḏ bnaḏem, izḏeɣ jaraneɣ. Neccin neẓra lƹaḍama ɣares iǧan, lƹaḍama-ya ṯeǧa ɣar Mmis waḥḏes n Babas. Netta iccur s arḍa ḏ lḥaqiqa.

1 Ayṯ-Kurinṯ 2:2

Wami tuɣa ǧiɣ akiḏwem, ggiɣ aḏ scenƹeɣ ɣir Ƹisa Lmasiḥ u ḏ netta itwaṣellben ḏi ṣṣalib.

Ayṯ-Ufasus 2:17

Aqa yusa-d Ƹisa itbeccar netta s Lʼinjil yuwi-awem-d ȓehna i kenniw tuɣa iǧan ṯbeƹƹḏem x Arebbi u ḏ yinni iy d yuḏsen ɣar Arebbi.

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.

Titus 1:3

U ḏi lweqṯ nni ig ixḍar netta ismeḍhar-d lwaƹed-a s ttebcir nni iy zi ḏayi itwakellef s lʼamar n Arebbi wenni iy ḏaneɣ isnejmen.

Iƹibraniyen 6:5

ḏuwqen ƹaweḏ zi lbaraka n wawaȓ n Arebbi ḏ lquduraṯ n zman iy d ɣa yasen.

1 Buṭrus 1:12

Ismeḍhar-asen-d i lʼanbiya belli manaya war ṯ xeddmen ca i yixef nsen, xeddmen-ṯ i kenniw wami ssawaȓen s ṯmesȓayin-a. U ȓexxu nnan-awem ṯimesȓayin-a yinni iy kenniw itbeccaren s Lʼinjil s jjheḏ n Arruḥ iqeddsen iy ḏawem d itwassekken zeg ujenna. Waxxa ḏ lmalaʼikaṯ ḏaysent mezȓi aḏ xzarent ḏi ṯmesȓayin-a.

1 Buṭrus 1:23

Aqa twaxeȓqem-d ḏ jḏiḏ maci zeg yijjen n zzarriƹeṯ ifennan; Lla, ṯenni war ifennin ca ƹemmarṣ, s wawaȓ n Arebbi iddaren itdumman.

1 Buṭrus 2:2

Iȓiṯ am iḥḍiḍen, sɣuyiweṯ x uɣi nni iṣfan n Arruḥ iqeddsen bac azzayes ṯemɣarem ḏi lʼiman nwem ig isenjamen.

2 Buṭrus 1:19

Neccin ȓexxu ɣarneɣ awaȓen n lʼanbiya twaḍemmnen ktar zi min nefhem qbeȓ. Aḏ teggem mliḥ meȓa teggem ḏaysen array nwem am i yijjen n nnur itceƹciƹen ḏeg yijjen n ṯaǧest aȓ d ɣa iṣbeḥ Nhar nni aḏ d igaƹƹeḏ Yiṯri n ȓefjar ḏeg wuȓawen nwem.

1 Yuḥanna 1:1

Min tuɣa ḏinni zeg umezwaru, netsȓa-yas neẓẓer-iṯ s ṯiṭṭawin nneɣ, nxezzar ḏayes netḥaḏa-ṯ s ifassen nneɣ iƹni ḏ Awaȓ n ṯuḏarṯ.

1 Yuḥanna 1:3

Min neẓra ḏ min netsȓa netbeccar-ikenniw zzayes ḥima uȓa ḏ kenniw aḏ temƹacarem akiḏneɣ. Marra neccin ṯamƹacarṯ nneɣ aqat ak Babaṯneɣ ḏ Mmis Ƹisa Lmasiḥ.

Lwaḥi 14:6

Ẓriɣ ijjen n lmalaʼika nneɣni ṯeṭṭaw ḏi ȓwesṭ n ujenna. Ɣares Lʼinjil war ifennin aḏ tbeccar zzayes imezḏaɣ n ṯmurṯ zi mkuȓ ȓgens ḏ ȓqum ḏ lluɣa ḏ ccaƹb.