1 Buṭrus 1:22 - Ṯarifiṯ 2020

²² Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.

1 Buṭrus 1:22 ပူးပေါင်းရင်းမြစ်များ

Yuḥanna 15:17

Ḏ ṯa ḏ ȓuṣiyeṯ inu, iƹni aḏ tḥibbem ayawya.

Yuḥanna 15:3

Kenniw ḏ imenqawiyen ḏeg useȓmeḏ iy ḏawem nniɣ.

Yuḥanna 17:17

Ṣeffa-ṯen s lḥaqiqa, awaȓ nnec netta iy iǧan ḏ lḥaqiqa.

Yuḥanna 17:19

Nec ṣeffiɣ ixef inu x ssabab nsen ḥima aḏ twaṣeffan uȓa ḏ niṯni ƹaweḏ s lḥaqiqa.

Ȓexḏayem 15:9

War iggi bu s wuḏemawen jaraneɣ, isireḏ-asen uȓawen nsen wami umnen.

Ȓexḏayem 6:7

Intacar wawaȓ n Arebbi, marnin-d aṭṭas n imeḥḍaren ḏi Lquds, umnen aṭṭas n ȓfuqaha n Ayṯ-Israʼil zi Lʼinjil.

Ayṯ-Ruma 1:5

Aqa zi Ƹisa u x ssabab n yisem nnes igga ḏayi Arebbi lbaraka ḥima aḏ iȓiɣ ḏ arrasul, aḏ beccareɣ iwḏan zi marra ȓegnus azzayes amnen aḏas ṭaƹen.

Ayṯ-Ruma 2:8

Walakin aɣarsen yiȓi lḥisab ḏ lƹiqab ɣar yinni iy irezzun i yixef nsen waha ḏ yinni war itṭiƹin ca i lḥaqiqa ḏeffaren min war iǧin ca nican.

Ayṯ-Ruma 8:13

Liʼanna kenniw meȓa teggem array i ṭṭabiƹa ṯaƹeffant nwem, aḏ temmṯem. Meȓa ṯneqqem ȓefƹayer n ddat nwem s Arruḥ n Arebbi, aḏ teddarem.

2 Ayṯ-Kurinṯ 6:6

Netqeddam-awem ixef nneɣ s ṣṣfa iy ɣarneɣ ḏ ȓefhameṯ ḏ ttasiƹ n ȓxaḍar ḏ ȓxir ḏ Arruḥ iqeddsen ḏ ijjen n ȓemḥibbeṯ bȓa nnifaq;

Ayṯ-Galaṭya 3:1

A Ayṯ-Galaṭya, ma ṯbuhȓiyem niɣ? Wi ḏawem iggin ssḥur? Ncerreḥ-awem mliḥ zzaṯ i ṯittawin nwem mammec immuṯ Lmasiḥ x ṣṣalib.

Ayṯ-Galaṭya 5:5

Qa neccin lla, netraja Arebbi aḏaneɣ isemṣȓaḥ akiḏes s lʼiman, u lʼamal-a nneɣ netta s jjheḏ n Arruḥ iqeddsen.

Ayṯ-Galaṭya 5:7

Tuɣa kenniw ṯeǧam ḏeg yijjen n ubriḏ ɣar zzaṯ mliḥ. Wi kenniw isbedden bac war teggem ca array i lḥaqiqa?

Ayṯ-Ufasus 4:3

Ggeṯ marra lmejhud nwem bac aḏ tiȓim ḏ ijjen ḏi Arruḥ iqeddsen wami ṯeṭṭfem fus ḏeg ufus s ȓehna.

Ayṯ-Filippas 1:9

Ḏ ṯanita ḏ ṯẓaǧiṯ inu ataf aḏ tarni ȓemḥibbeṯ nwem ktar u ktar bac aḏ tessnem marra aḏ tmeyyzem marra.

1 Ayṯ-Salunik 3:12

Aḏ yarni Siḏiṯneɣ ȓemḥibbeṯ nwem ak wayawya at isfeyyeḍ s waṭṭas ak marra iwḏan am neccin nexs-ikenniw.

2 Ayṯ-Salunik 1:3

Ay ayṯma, itxeṣṣa u labud a ncekkar Arebbi xawem ȓebda. Qa manaya nican minzi lʼiman nwem itemɣur s waṭṭas, minzi ƹaweḏ ȓemḥibbeṯ nwem ṯarenni ak wayawya.

2 Ayṯ-Salunik 2:13

Fa ay ayṯma iy xef iƹizz Siḏiṯneɣ, labud a ncekkar Arebbi xawem minzi ixḍar-ikenniw ḏ imezwura nni iƹni ḏ yinni iy twasnejmen s ȓxeḏmeṯ nni issiṣfan n Arruḥ iqeddsen ḏ yijjen ttiqeṯ nwem ḏi lḥaqiqa.

1 Timutawus 1:3

Nec wami ruḥeɣ ɣar lʼiqlim n Masidunya weṣṣiɣ-cek aḏ teqqimeḏ ḏi ṯendint n Ufasus bac aḏ tenhiḏ can iryazen aḏasen ṯiniḏ war seȓmaḏem ca ṯimesȓayin ig itxalafen ḏi lʼiman.

1 Timutawus 1:5

Min iƹna lɣaraḍ n ȓuṣiyeṯ-a? Lɣaraḍ nnes ḏ ijjen n ȓemḥibbeṯ iy d itasen zeg wuȓawen iṣfan ḏ yijjen n ḍḍamir ḏ aṣebḥan ḏ yijjen n lʼiman bȓa nnifaq.

1 Timutawus 4:12

War tejja ḥadd ac iseḥqar ƹlaḥsab ṯemẓi nnec. Lla, cek labud aḏasen tiȓiḏ i ȓmuminin ḏ lmiṯal ƹlaḥsab awaȓen nnec ḏ ṯicri nnec ḏ ȓemḥibbeṯ nnec ḏ lʼiman ḏ ȓeṣfiyeṯ.

1 Timutawus 5:2

Ṯiwessura egg-iṯent am yemmaṯac. Ṯiḥenjirin egg-iṯent am suyṯmac s yijjen n wuȓ iṣfa.

2 Timutawus 1:14

Ḥḍa ṯamesȓayṯ nni iy ḏac ijja ḏ lʼamana, ḥḍa-t s Arruḥ iqeddsen iy ḏayneɣ izeddɣen.

Iƹibraniyen 11:8

S lʼiman ikkar nnabi Brahim iṭaƹ-as i Arebbi wami ḏas d iȓaɣa aḏ iraḥ ɣar yijjen n umcan iy ɣa iqbeȓ ḏ lwareṯ. Iffeɣ netta tuɣa war issin ca mani ɣa iraḥ.

Iƹibraniyen 13:1

Qqimeṯ tḥibbaṯ ayawya am wawmaṯen.

Iƹibraniyen 5:9

Wami iƹḏu aƹeddeb nni bȓa ȓmuƹṣiyeṯ, iḏweȓ netta ḏ ȓƹunṣar n usenjem iƹni izemmar aḏ isenjem marra yinni iy ṯ itṭaƹan.

Iƹibraniyen 6:10

Iwa Arebbi, ma iticc ȓḥaqq ma lla? Wah, Arebbi war itettu ca ȓxeḏmeṯ nwem ḏ ȓemḥibbeṯ nni ḏas d ṯseḍharem wami ṯƹawnem ṣṣaliḥin. U ƹaḏ teggem manaya.

Iƹibraniyen 9:14

Meȓa amenni, mecḥaȓ iy ḏaneɣ ɣa ssiṣfan iḏammen n Lmasiḥ ktar! Netta iruḥ s Arruḥ nni itduman i ȓebda iqeddem ixef nnes bȓa ȓƹib i Arebbi, iḏammen nnes aḏaneɣ ssiṣfan ḍḍamir nneɣ zi ssayiʼaṯ bac a neƹbeḏ Arebbi iddaren.

Yaƹqub 1:21

Beƹƹḏeṯ x marra min iǧan ḏ aƹeffan ḏ min iǧan ḏ ccarr. Bȓa ttakebbur qebbȓeṯ awaȓ nni n Arebbi itwaẓẓun ḏaywem izemmar aḏ isenjem ȓaƹmar nwem.

Yaƹqub 4:8

Aḏseṯ ɣar Arebbi, netta aɣarwem d yaḏes. A yinni ixḍan, sirḏeṯ ifassen nwem. A yinni kuȓ ȓaƹqeȓ min ḏawem iqqar, seṣfaṯ uȓawen nwem.

1 Buṭrus 1:2

Arebbi Babaṯneɣ ixḍar-ikenniw ƹlaḥsab mammec tuɣa issen netta zi qbeȓ, issiṣfa-kenniw s yijjen n ȓxeḏmeṯ n Arruḥ iqeddsen ḥima aḏ tṭaƹem i Ƹisa Lmasiḥ aḏ twaruccem s iḏammen nnes iy yuzzȓen. Aḏaywem imarni arḍa ḏ ȓehna s waṭṭas.

1 Buṭrus 2:17

Weqqareṯ marra iwḏan. Sƹizzeṯ ayṯmaṯwem. Ggwḏeṯ zi Arebbi. Weqqareṯ azeǧiḏ.

1 Buṭrus 3:1

A ṯimɣarin, amenni ƹaweḏ itxeṣṣa aḏ ṭaƹent i iryazen nkent. Ḥima yinni war iteggen ca array i wawaȓ n Arebbi ataf ṯimɣarin nsen aṯen d arrent ɣar ȓmuminin bȓa ma akiḏsen ssiwȓent s wawaȓ ɣir s ṯicri nsent u ṣafi.

1 Buṭrus 3:20

Mayemmi? Liʼanna mecḥaȓ zeg wami ḏi zman n Nuḥ ugin yiwḏan-a aḏ ggen array i Arebbi wami ṯen tuɣa itraja s ṣṣbar itṣennaƹ aɣarrabu n Nuḥ. Ḏeg uɣarrabu-ya ḏrust n yiwḏan ṯmenya waha kkin x waman nni nejmen.

1 Buṭrus 3:8

Lmuhim, itxeṣṣa-kenniw marra iḏwem ȓaƹquȓaṯ nwem aḏ iȓin ḏ ijjen, aḏ tesḥissem ak wayawya, aɣarwem ṯiȓi yijjen n ȓemḥibbeṯ n wawmaṯen, aḏ tḥinnem ḏeg wayawya, war ḏaywem itiȓi bu ttakebbur.

1 Buṭrus 4:17

Aqa ṯuweḍ-d ȓweqṯ bac aḏ ibḏa lḥisab jar ayṯbab n ṯeddarṯ n Arebbi. Meȓa aḏ ibḏa lḥisab-a jaraneɣ min ɣa iweqƹen i yinni war itṭiƹin ca i Lʼinjil n Arebbi?

1 Buṭrus 4:8

Min iǧan muhim qaƹ? Itxeṣṣa aḏ tḥibbem ayawya zeg wuȓ minzi ȓemḥibbeṯ ṯqeṭṭa x waṭṭas n ddunub.

2 Buṭrus 1:7

u ƹaweḏ arnim ȓxir jar wawmaṯen ak ṭṭaƹa-ya nwem i Arebbi; u ƹaweḏ arnim ȓemḥibbeṯ ak ȓxir-a nwem jar wawmaṯen.

1 Yuḥanna 3:11

Ḏ wa ḏ awaȓ iy tesȓam zeg umezwaru iƹni itxeṣṣa wa labud a ntexs ayawya.

1 Yuḥanna 3:23

Aqa ṯanita ḏ ȓuṣiyeṯ nnes a namen zeg yisem n Mmis Ƹisa Lmasiḥ, a ntexs ayawya am mammec iy ḏaneɣ d iweṣṣa netta.

1 Yuḥanna 4:12

War ḏinni ḥadd ƹemmarṣ iẓra Arebbi. Walakin neccin meȓa ntexs ayawya ataf Arebbi izeddeɣ ḏayneɣ, ȓemḥibbeṯ nnes ṯejjiwen zzayneɣ.

1 Yuḥanna 4:20

Wenni iqqaren qa nec texseɣ Arebbi netta itƹiffa umas, ataf netta ḏ bu-ixarriqen waha ig iǧa. Mayemmi? Wenni war itexsen ca umas ig iẓerr, ataf war izemmar ca aḏ ixes Arebbi iy war iẓerr ca.

1 Yuḥanna 4:7

Ay imƹizzen inu, u labud a ntexs ayawya ȓaḥeqqac ȓemḥibbeṯ tekka-d zi Arebbi. Wenni itexsen netta ixȓeq-d zi Arebbi issen Arebbi.

Lwaḥi 2:4

Walakin ƹeyybeɣ xac wami ṯsemḥeḏ ḏi ȓemḥibbeṯ nnec ṯamezwarut.