1 Buṭrus 1:17 - Ṯarifiṯ 2020

¹⁷ Meȓa ṯeqqarem-as "A Baba" i wenni iteḥsaben ȓexḏayem n kuȓ bnaḏem bȓa uḏemawen ataf itxeṣṣa aḏ tƹicem s yijjen n ṯiggwḏi axmi ɣa ṯƹezzbem ḏi ṯmurṯ-a.

1 Buṭrus 1:17 ပူးပေါင်းရင်းမြစ်များ

Matta 16:27

Aqa Mmis n bnaḏem aḏ d yas s lƹaḍama n Babas ak lmalaʼikaṯ nnes, uca aḏ ijaza mkuȓ ijjen ƹlaḥsab ȓxeḏmeṯ nnes.

Matta 22:16

Ssekken ɣares can imeḥḍaren nsen ak can yiwḏan zi ȓḥizeb n uzeǧiḏ Hirudus aḏas inin: "A Lmuƹallim qa nessen belli cek nican iy ṯeǧiḏ. War teggwḏeḏ ca zeg yiwḏan ȓaḥeqqac war teggeḏ bu s wuḏemawen. Ṯseȓmaḏeḏ s ȓḥaqq mammec ixes Arebbi a nƹic.

Matta 6:9

Ha mammec iy ɣa ṯeẓẓaǧem: A Babaṯneɣ iǧan ḏeg ujenna, ḏ ameqqran ig iǧa yisem nnec.

Ayṯ-Ruma 11:20

Wah, niṯenti twaqessent ssenni wami war uminent ca; cek ṯeqqimeḏ ḏinni wami ṯumneḏ. Walakin war tsemɣar ca ixef nnec; Lla, ggweḏ!

2 Ayṯ-Kurinṯ 1:2

Akiḏwem yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ Siḏiṯneɣ.

2 Ayṯ-Kurinṯ 5:6

Iḏen ƹemmarṣ a nefceȓ neccin. Nessen meȓa ƹaḏ aqaneɣ ḏi ddat-a n ddunect-a ntaggwaj zi Siḏiṯneɣ.

2 Ayṯ-Kurinṯ 7:1

Iḏen ay imƹizzen inu, wami ḏaneɣ iƹaheḏ Arebbi x ṯmesȓayin-a labud a nessiṣfa ixef nneɣ zi marra min ḏaneɣ isexnizen ḏi ddat ḏ arruḥ ḥima a niȓi ḏ ṣṣaliḥin bȓa axeṭṭi s ṯiggwḏi n Arebbi.

2 Ayṯ-Kurinṯ 7:11

Fekkareṯ kenniw ḏi min ḏaywem d itarew uxiyyeq-a zi Arebbi. Iƹni mecḥaȓ tḥawaȓem s wuȓ ṯrezzum aḏ tḥellem manaya ḏeɣya. Iƹni mecḥaȓ ṯnedmem mecḥaȓ ṯenxeȓƹem, ḏaywem ijjen n mezȓi ḏ ṯiggwḏi. Iƹni mecḥaȓ ṯeswejḏem aḏ tḥekmem nican. Min ma iǧan ḏi ṯmesȓayṯ-a kenniw war ḏaywem bu ȓƹib.

Ayṯ-Galaṭya 2:6

Amma yinni tɣir-awem ḏ imeqqranen xawem, niṯni war arnin uȓa ḏ ijjen n wawaȓ zi min beccareɣ nec. Qqareɣ manaya, min ma ƹnan yina ɣari kif-kif, iƹni Arebbi war itegg bu s wuḏemawen jaraneɣ.

Ayṯ-Ufasus 1:17

Ḥima Arebbi Babaṯneɣ ƹaḍim n Siḏiṯneɣ Ƹisa Lmasiḥ aḏawem d yuc ijjen n arruḥ n ȓefhameṯ, kenniw aḏ tƹeȓmem x min inuffaren bac aḏ tessnem Siḏi Arebbi mliḥ.

Ayṯ-Ufasus 3:14

Nniɣ-awem x manaya nec terkaƹeɣ x ifadden inu zzaṯ i Babaṯneɣ.

Ayṯ-Ufasus 6:9

U kenniw ay ayṯbab n isemɣan aḏasen ṯeggem kif-kif, maci aṯen tsiggwḏem. Aqa ṯessnem belli Bab nwem ḏ Bab nsen netta ḏ ijjen aqaṯ ḏeg ujenna, war itegg bu s wuḏemawen.

Ayṯ-Filippas 2:12

Iḏen ay imƹizzen inu, mamc tuɣa ṯetṭaƹam ȓebda zi qbeȓ wami tuɣayi akiḏwem, amenni ƹaweḏ iy ɣa ḏayi ṯṭaƹem wami xawem ɣabeɣ. Iƹni aḏ teqqimem teggem lmejhud bac aḏ tkemmȓem mliḥ ḏeg usenjem nwem s yijjen n ṯiggwḏi ḏ yijjen n tarjiji.

Ayṯ-Kulus 3:25

Cuf, wenni iḍeǧmen ataf aḏ icc aƹmuḏ x min iḍeǧem. Arebbi war itegg bu s wuḏemawen jar yiwḏan.

Iƹibraniyen 12:28

X manaya a ncekkar Arebbi ȓaḥeqqac neqbeȓ ijjen n ȓmulk war itenhezzin ca. Ammu aḏas nqeddem i Arebbi ijjen n lƹibada s ȓuweqqar ḏ ṯiggwḏi axas yarḍa netta,

Iƹibraniyen 4:1

Iḏen fa ƹaḏ nzemmar a naḏef ḏi arraḥeṯ n Siḏi Arebbi minzi ḏaneɣ iwƹeḏ. Wa labud a neggweḏ bac war itɣimi uȓa ḏ ijjen zzaywem war ḏinni d ixeṭṭeȓ.

1 Buṭrus 2:11

Ay imƹizzen inu, nec qqareɣ-awem i kenniw iy iǧan ḏ iƹezzaben ḏ ibarraniyen ḏi dduncet-a, beƹƹḏeṯ zi ccehawaṯ nni ṯiƹeffanin iy kenniw itḥaraben ḍed n ȓaƹmar nwem.

1 Buṭrus 3:15

Lla, semɣareṯ Lmasiḥ ḏeg wuȓawen nwem arrem-ṯ ḏ Siḏiṯwem. Iȓiṯ ȓebda ṯwejḏem bac aḏ tdafƹem x yixef nwem aḏ tjawbem wenni irezzun x ssabab n lʼamal iy ḏaywem. Walakin jawbem-ṯ s yijjen n ttawaḍuƹ ḏ lʼiḥtiram