1 Buṭrus 1:15 - Ṯarifiṯ 2020

¹⁵ Lla, itxeṣṣa aḏ tiȓim ṯeṣfam ḏi marra min teggem am mammec iṣfa Arebbi wenni iy ḏawem d iȓaɣan.

1 Buṭrus 1:15 ပူးပေါင်းရင်းမြစ်များ

Matta 5:48

Iȓiṯ nican qaƹ, amecnaw mamc iǧa Babaṯwem ḏeg ujenna.

2 Ayṯ-Kurinṯ 7:1

Iḏen ay imƹizzen inu, wami ḏaneɣ iƹaheḏ Arebbi x ṯmesȓayin-a labud a nessiṣfa ixef nneɣ zi marra min ḏaneɣ isexnizen ḏi ddat ḏ arruḥ ḥima a niȓi ḏ ṣṣaliḥin bȓa axeṭṭi s ṯiggwḏi n Arebbi.

Ayṯ-Filippas 1:27

Lmuhim, suyureṯ ixef nwem ḏeg yijjen n ubriḏ iticcen lqima i Lʼinjil n Lmasiḥ. Ṯumma waxxa nec usiɣ-d akenniw ẓreɣ niɣ ɣabeɣ xawem ataf axawem sȓeɣ ȓexbar belli ṯuggurem nican x yijjen n array, ṯxeddmem fus ḏeg ufus x ssabab n lʼiman iy iǧan ḏi Lʼinjil,

Ayṯ-Filippas 3:14

Tḥawaȓeɣ x manayenni iy xef rezzuɣ bac aḏ rebḥeɣ ljaʼiza nni iy zi ḏayi d iȓaɣa Arebbi ɣares ɣar ujenna s Ƹisa Lmasiḥ.

Ayṯ-Filippas 3:20

Neccin lla, ljinsiya nneɣ aqat ḏeg ujenna. Ssenni iy d ɣa yas wenni iy netraja iy ḏaneɣ ɣa isnejmen iƹni Siḏiṯneɣ Ƹisa Lmasiḥ.

1 Ayṯ-Salunik 2:12

bac aḏ tuyurem s yijjen n ṯicri iy ḏas iticcen lqima i Arebbi ig isḏaheǧ netta iƹni wenni iy ḏawem d itȓaɣan ɣar ȓmulk nnes ḏ lƹaḍama nnes.

1 Timutawus 4:12

War tejja ḥadd ac iseḥqar ƹlaḥsab ṯemẓi nnec. Lla, cek labud aḏasen tiȓiḏ i ȓmuminin ḏ lmiṯal ƹlaḥsab awaȓen nnec ḏ ṯicri nnec ḏ ȓemḥibbeṯ nnec ḏ lʼiman ḏ ȓeṣfiyeṯ.

2 Timutawus 1:9

Isenjem-aneɣ iȓaɣa-yaneɣ-d s yijjen n uȓaɣi muqeddes. War ḏaneɣ d iȓaɣi ca ƹlaḥsab lḥasanaṯ nneɣ; Lla, iȓaɣa-yaneɣ-d ƹlaḥsab lɣaraḍ nnes netta ḏ arḍa nnes iy ḏaneɣ d yuca ḏi Ƹisa Lmasiḥ qbeȓ ma aḏ tebḏa ȓweqṯ n ddunect-a qaƹ.

Titus 3:14

Iwḏan nneɣ itxeṣṣa war tƹicen ca bȓa nnfaƹ, itxeṣṣa aḏ ṭewwƹen ixef nsen s lḥasanaṯ ḥima aḏ debbaren i yina iteḥḏajan.

Titus 3:8

Awaȓ-a iy qqareɣ ḏayes ttiqeṯ. Nec xseɣ cek aḏ twekkḏeḏ x ṯmesȓayin-a i yinni iy yumnen zi Arebbi bac aḏ d arren ȓbaȓ nsen aḏ ṭewwƹen ixef nsen s lḥasanaṯ. Ṯimesȓayin-a ḏ ṯiṣebḥanin s waṭṭas neffƹent iwḏan.

Iƹibraniyen 12:14

Ggeṯ lmejhud bac aḏ tƹicem ḏi ȓehna ak marra iwḏan u bac aḏ tiȓim ṯeṣfam. Bȓa a niȓi neṣfa war ḏinni ḥadd iy ɣa iẓren Mawlana.

Iƹibraniyen 13:5

Aḏ tƹicem bȓa ma aḏ tḥibbem tmenyaṯ, aḏ tqenƹem s min ɣarwem. Arebbi s yixef nnes inna qa ƹemmarṣ ac jjeɣ, ƹemmarṣ aḏayek semḥeɣ.

Yaƹqub 3:13

Ma akiḏwem wenni iy ḏi ṯeǧa ȓefhameṯ ḏ ṯusna? Itxeṣṣa-yas aḏ d ismeḍhar manaya s mammec itƹic s lmaƹqul ḏ lḥasanaṯ nnes ig itegg ak yijjen n ttawaḍuƹ iy d itasen s ȓefhameṯ.

1 Buṭrus 2:12

Ƹiceṯ s lmaƹqul jar ȓegnus. Meȓa tahamen-kenniw x can ȓḥajeṯ ḏ ṯaƹeffant uca niṯni ẓerren lḥasanaṯ nwem ataf aḏ ḥemḏen Arebbi ḏi Nhar nni iy xasen d ɣa ixḍeȓ.

1 Buṭrus 2:9

Fa kenniw ḏ ijjen n ccaƹb itwaxḍaren ḏ ijjen n jmaƹeṯ n ȓfuqaha n Uzeǧiḏ ḏ ijjen n ȓgens ḏ amqeddes ḏ yiwḏan niṯni Bab nsen ḏ Arebbi bac aḏ tbeccarem s ṯmesȓayin ṯiṣebḥanin n wenni iy kenniw issufɣen zeg yijjen n ṯaǧest yarri-kenniw-d ɣar nnur nnes ƹajib.

1 Buṭrus 3:16

ḏ yijjen n ḍḍamir mertaḥ. Ammu yinni xawem iqqaren ȓbaṭeȓ ataf aḏ seḏḥan s ṯicri nwem ṯaṣebḥant iy xawem tƹeyyaben niṯni.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.

1 Yuḥanna 3:3

U marra wenni ɣar iǧa l'amal-a aḏ issiṣfa ixef nnes am mammec iǧa netta iṣfa.

Lwaḥi 3:7

Ari-yas i lmalaʼika n jmaƹṯ n ȓmuminin iy iǧan ḏi ṯendint n Filadalfya, ini-yas qa wenni imqeddsen ḏ ȓḥaqq, ɣares ȓmeftaḥ n Dawed; meȓa irzem ataf war ṯ itbelliƹ ḥadd; meȓa ibelleƹ ataf war ṯ irezzem ḥadd, iqqar-ac:

Lwaḥi 4:8

Kuȓ ijjen zi lmexluqaṯ-a ɣares setta n wafriwen, kuȓ afriw iccur s ṯiṭṭawin x jjihetayen. Qqaren ǧiȓeṯ ḏ nhar bȓa ma aḏ bedden: "Mecḥaȓ ƹaḍim, ƹaḍim, ƹaḍim, Siḏi Arebbi izemmaren i kuȓci. Netta ḏ wenni iy tuɣa iǧan, ḏ wenni iy iǧan, ḏ wenni ƹaḏ iy d ɣa yasen."

Lwaḥi 6:10

Snekkaren ṯɣuyyeṯ s jjheḏ nnan: "Ya Mawlana ya wenni ƹaḍim iǧan ḏ ȓḥaqq, mecḥaȓ ɣa ṯekkeḏ war tḥisibeḏ imezḏaɣ n ddunect-a, aṯen ṯƹaqbeḏ x iḏammen nneɣ?"