1 Buṭrus 1:12 - Ṯarifiṯ 2020

¹² Ismeḍhar-asen-d i lʼanbiya belli manaya war ṯ xeddmen ca i yixef nsen, xeddmen-ṯ i kenniw wami ssawaȓen s ṯmesȓayin-a. U ȓexxu nnan-awem ṯimesȓayin-a yinni iy kenniw itbeccaren s Lʼinjil s jjheḏ n Arruḥ iqeddsen iy ḏawem d itwassekken zeg ujenna. Waxxa ḏ lmalaʼikaṯ ḏaysent mezȓi aḏ xzarent ḏi ṯmesȓayin-a.

1 Buṭrus 1:12 ပူးပေါင်းရင်းမြစ်များ

Matta 11:25

Ȓexddenni issiweȓ Ƹisa inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen.

Matta 11:27

Immuc-ayi kuȓci zi Baba. War issin ḥadd min iƹna Mmis menɣir Babas. War issin ḥadd min iƹna Babas menɣir Mmis. Babas, aṯ ssnen ɣir yinni umi ixes Mmis aḏasen ṯiḏ ismeḍhar.

Matta 16:17

Ȓexddenni inna-as Ƹisa: "Ssaƹḏ nnec a Simƹan a mmis n Yuna! War iǧi bu ḏ ca n bnaḏem iy ḏac d ismeḍharen manaya menɣir Baba iǧan ḏeg ujenna.

Marqus 16:15

Inna-asen: "Ruḥem ɣar marra ddunect, beccarem marra ȓegnus s Lʼinjil.

Luqa 15:10

Aḏawem iniɣ: Amenni ijjen meȓa iƹṣa menbaƹd itub, ataf akiḏes farḥent lmalaʼikaṯ n Arebbi."

Luqa 2:26

Tuɣa netta ixbar-iṯ Arruḥ iqeddsen war itmetti ca aȓ ɣa iẓer Lmasiḥ n Siḏ Arebbi.

Luqa 9:6

Ṣafi ruḥen arrusul ƹḏun ḏi ȓedcuraṯ, tbeccaren sgenfan iwḏan ḏi mkuȓ amcan.

Yuḥanna 15:26

Aḏ d yas Lmuƹawin iƹni Arruḥ n lḥaqiqa. Aḏawem ṯiḏ ssekkeɣ nec zi Baba u netta iffeɣ-d zi Baba. Xmi d ɣa yas, axafi icheḏ.

Ȓexḏayem 10:44

Wami ƹaḏ issawaȓ Buṭrus ḏi manaya, yusa-d Arruḥ iqeddsen ihwa-d x marra yinni itesȓan i wawaȓ nnes.

Ȓexḏayem 16:10

Wami ṣafi iẓra lwaḥi nni Bulus, nekkar neccin nsewjeḏ ḥima a nsafer ȓexddenni ɣar lʼiqlim n Masidunya. Nefhem belli Arebbi itȓaɣa-d xaneɣ aṯen nbeccar s Lʼinjil ḏinni.

Ȓexḏayem 2:33

Wami itwarfeƹ ɣar ufusi n Arebbi, iysi zi Babas Arruḥ iqeddsen iy zi ṯ iwƹeḏ, isfareɣ-d Ƹisa manaya iy twaȓam ȓexxu ḏ manaya iy ṯesȓam.

Ȓexḏayem 4:31

Wami kemmȓen ṯẓaǧiṯ nni inhezz umcan nni mani munen, ccuren niṯni marra s Arruḥ iqeddsen ssawaȓen s wawaȓ n Arebbi s yijjen n zƹameṯ.

Ȓexḏayem 4:8

Buṭrus iccur-d s Arruḥ iqeddsen ȓexddenni inna-asen: "A lḥukkam ay imeqqranen n ccaƹb!

Ȓexḏayem 8:25

Wami Buṭrus ḏ Yuḥanna cehḏen x Ƹisa beccaren niṯni s wawaȓ n Siḏi Arebbi, kkaren ḏewȓen ɣar Lquds beccaren s Lʼinjil ḏeg waṭṭas n ȓedcuraṯ ḏi Samarya.

Ayṯ-Ruma 1:15

S manaya nec rezzuɣ aṭṭas akenniw beccareɣ s Lʼinjil uȓa ḏ kenniw iy iǧan ḏi ṯendint n Ruma.

Ayṯ-Ruma 1:17

Arebbi isbeyyen-aneɣ-d ḏi Lʼinjil mammec ɣa nemṣȓaḥ akiḏes, manaya s lʼiman waḥḏes. Mammec iqqar Lkitab:

Ayṯ-Ruma 10:15

U mammec ɣa ggen aḏ ḥeddṯen meȓa war ḏasen d issekk ḥadd? Aqa iqqar Lkitab:

Ayṯ-Ruma 15:19

iƹni s jjheḏ n lmuƹjizaṯ ḏ lburhanaṯ iy d yusin s jjheḏ n Arruḥ n Arebbi. Ammu iy beccareɣ s Lʼinjil n Lmasiḥ ḏi mkuȓ amcan iƹni zi ṯendint n Lquds aȓ jwayeh n Ilirya.

1 Ayṯ-Kurinṯ 2:10

Ṯimesȓayin nni ismeḍhar-aneɣ-ṯent-id Arebbi s Arruḥ nnes. Liʼanna Arruḥ n Arebbi ixezzar ḏi ṯmesȓayin marra, waxxa ḏ min yuǧɣen n Arebbi.

2 Ayṯ-Kurinṯ 6:6

Netqeddam-awem ixef nneɣ s ṣṣfa iy ɣarneɣ ḏ ȓefhameṯ ḏ ttasiƹ n ȓxaḍar ḏ ȓxir ḏ Arruḥ iqeddsen ḏ ijjen n ȓemḥibbeṯ bȓa nnifaq;

Ayṯ-Galaṭya 1:12

War ḏayi d yusi zi ḥadd, war ḏayi ṯ sȓemḏen ca yiwḏan; Lla, netta ihwa-d xafi ḏ lwaḥi zi Ƹisa Lmasiḥ.

Ayṯ-Ufasus 3:10

Min ixeṭṭeṭ netta? Yinni ig iḥekkmen ḏ yinni ig ijehḏen ḏeg ijennaṯen ȓexxu aḏ ssnen x ufus n jmaƹeṯ n ȓmuminin min ṯeƹna ȓefhameṯ n Arebbi x marra ṯimesȓayin.

1 Ayṯ-Salunik 2:9

Ay ayṯma, aqa ṯƹeqȓem x ȓxeḏmeṯ nneɣ qa neccin nuwṯa xas tamara. Wami kenniw netbeccar s Lʼinjil n Arebbi, qa nxeddem ǧiȓeṯ ḏ nhar bac war netbessiȓ ca x can ḥadd zzaywem.

1 Timutawus 3:16

U bȓa ccekk mecḥaȓ ṯeǧa ḏ ṯameqqrant ȓmaƹna inuffaren n lʼiman: Netta, ḏ bnaḏem iy d imeḍharen, ḏ Arruḥ iy xas icehḏen. Netta, ḏ lmalaʼikaṯ iy ḏayes ixzaren, ḏ ȓegnus iy zzayes itwabeccaren. Netta, ḏi ddunect-a yinni iy zzayes yumnen, ḏ lƹaḍama n ujenna iy ṯ iqebȓen.

Iƹibraniyen 11:13

Yina marra mmuṯen ḏi lʼiman nni nsen qbeȓ ma ḏasen d awḍent ṯmesȓayin nni iy zi ṯen iwƹeḏ. Walakin ẓrin-ṯent reḥḥben zzaysent zi ȓeggwaj, ƹtarfen belli niṯni ḏ ibarraniyen ḏ iƹezzaben ḏi ṯmurṯ-a.

Iƹibraniyen 2:4

Icehheḏ xas uȓa ḏ Arebbi s lƹalamaṯ ḏ lburhanaṯ ḏ waṭṭas n lʼanwaƹ n lmuƹjizaṯ. S lʼiden nnes ƹaweḏ ifreq lqudraṯ ruḥiyaṯ n Arruḥ iqeddsen.

Iƹibraniyen 4:2

Liʼanna ȓexbar-a n ȓxir iy ḏaneɣ d itwabeccaren i neccin, uȓa ḏ ȓejḏuḏ nneɣ twabeccaren zzayes. Walakin war stenfiƹen ca zzayes wami ugin azzayes amnen.

1 Buṭrus 1:25

maca awaȓ n Arebbi itɣima i ȓebda.> Awaȓ-a netta ḏ Lʼinjil iy ḏawem d itwabeccaren.

1 Buṭrus 4:6

X ssabab-a twabeccaren s Lʼinjil uȓa ḏ imettinen. Mmuṯen mammec tmettan yiwḏan marra, walakin niṯni aḏ ddaren s arruḥ nsen ƹlaḥsab lɣaraḍ n Arebbi.

Lwaḥi 5:11

Ṯumma xzareɣ, sȓiɣ i ṯmijja n waȓaf n uȓufaṯ ḏ milyun n milyunaṯ n lmalaʼikaṯ tennḍent-as-d i lƹarc ḏ lmexluqaṯ ḏ imɣaren.