1 Ayṯ-Kurinṯ 9:3 - Ṯarifiṯ 2020

³ Ḏ wa ḏ ddifaƹ inu ɣar yinni ḏayi iteggen lʼistijwab.

1 Ayṯ-Kurinṯ 9:3 ပူးပေါင်းရင်းမြစ်များ

Luqa 12:11

Axmi kenniw ɣa awin ɣar ṯemziḏawin n Ayṯ-Israʼil niɣ ḏ ȓḥukkam ḏ imxazniyen, bȓa ma aḏ teysim amnus ḏi ȓaƹquȓaṯ nwem minzi ɣa ṯdafƹem x yixef nwem niɣ ḏ min ɣa ṯinim.

Ȓexḏayem 22:1

"Ay ayṯma ay imɣaren, ṣennṭeṯ-ayi mliḥ ȓexxu bac aḏ ḏafƹeɣ x yixef inu!"

Ȓexḏayem 25:16

Nniɣ-asen: Ƹlaḥsab lƹada n arrumanus war tsellimen ḥadd ḥetta aḏ imqabaȓ ak yinni iy xas iggin ttuhma, aɣares ṯiȓi lfurṣa aḏ iḏafeƹ x yixef nnes.

1 Ayṯ-Kurinṯ 14:37

Meȓa ijjen iḥesseb ixef nnes nican ḏ nnabi niɣ ḏ ijjen n bnaḏem ruḥiya ataf u labud aḏ iqbeȓ min ḏawem d tariɣ ḏi ṯebrat-a nettaṯ ḏ ȓuṣiyeṯ n Siḏiṯneɣ.

1 Ayṯ-Kurinṯ 9:2

Meȓa war ǧiɣ ḏ arrasul i can yiwḏan nneɣni, ataf i kenniw iy ɣa ǧiɣ ḏ arrasul. Liʼanna kenniw ḏ ddalil igga-ayi nec Siḏiṯneɣ ḏ arrasul.

1 Ayṯ-Kurinṯ 9:4

Iƹni, neccin ma war ɣarneɣ bu ȓḥaqq a necc a nsew?

2 Ayṯ-Kurinṯ 13:10

S manaya iy tariɣ nec ṯimesȓayin-a ḏi ṯebrat-a nec ɣabeɣ xawem. Ammu xmi iy d ɣa ƹeqbeɣ ɣarwem war xseɣ ca aḏ iȓiɣ qesḥeɣ akiḏwem ƹlaḥsab ssulṭa nni iy ḏayi yuca Siḏiṯneɣ. Yuca-ayi-t bac akenniw sjehḏeɣ maci akenniw rzeɣ.

2 Ayṯ-Kurinṯ 13:3

Mayemmi? Liʼanna ṯrezzum ddalil Lmasiḥ issawaȓ zzayi. Ma iḍƹef netta ḏi ȓwesṭ nwem? Lla, ijheḏ jarawem.

2 Ayṯ-Kurinṯ 13:5

Jarrbeṯ ixef nwem ma aqa kenniw ḏi lʼiman. Rajƹeṯ ixef nwem. Yac ṯessnem qa Ƹisa Lmasiḥ aqaṯ ḏaywem? Iƹni meȓa war ṯesqiṭem ca.

Ayṯ-Filippas 1:17

Yinni nneɣni lla, tbeccaren s Lmasiḥ s lʼananiya maci s wuȓ nsen iṣfa, rezzun aḏayi ggen lmacakil wami ǧiɣ ḏi ȓeḥbes.

Ayṯ-Filippas 1:7

Ɣari ȓḥaqq aḏaywem fekkareɣ amenni ȓaḥeqqac aqa kenniw ɣari ḏeg wuȓ inu. Aqa marra ṯcarrcem akiḏi ḏi arḍa n ȓxeḏmeṯ-a waxxa aqayi ḏi ȓeḥbes niɣ tḏafaƹeɣ x Lʼinjil ḏ ȓḥaqq iy ḏayes.

2 Timutawus 4:16

Wami ḏafƹeɣ x yixef inu ṯwaȓa ṯamezwarut ḏi lmaḥkama marra semḥen ḏayi uȓa ḏ ijjen ma ibedd akiḏi. War xasen t itḥisib ca Siḏi Arebbi.