1 Ayṯ-Kurinṯ 9:26 - Ṯarifiṯ 2020

²⁶ X manaya war tizzȓeɣ ca bȓa lʼitijah, war cciṯeɣ ca s ȓbuks am wenni iccaṯen ḏi lhawa waha.

1 Ayṯ-Kurinṯ 9:26 ပူးပေါင်းရင်းမြစ်များ

Matta 11:12

Zi ȓweqṯ n Yaḥya aȓ ȓexxu iwḏan temḏeḥḥasen aḏ aḏfen ḏi ȓmulk ujenna, iryazen tmenɣan bac aɣarsen yiȓi.

Luqa 13:24

"Ggeṯ mamc ɣa ṯaḏfem zi ṯewwarṯ iḥṣaren. Aḏawem iniɣ: Aṭṭas n yiwḏan ataf aḏ rzun aḏ aḏfen walakin war zemmaren.

1 Ayṯ-Kurinṯ 14:9

Ammu ƹaweḏ uȓa ḏ kenniw, meȓa twejwijem waha s wawaȓ nwem, wi ḏawem ɣa ifehmen min ṯeqqarem? Ataf awaȓ nwem kenniw am wenni issawaȓen ḏi ȓehwa!

2 Ayṯ-Kurinṯ 5:1

Cuf, neccin nessen meȓa irez uqiḍun-a iƹni ddat nneɣ n ddunect-a, ataf ɣarneɣ ijjen n ṯzeddiɣṯ nneɣni zi Arebbi. Ṯaddarṯ nni war ibnin ca s ifassen tduma i ȓebda.

2 Ayṯ-Kurinṯ 5:8

War ntefciȓ ca, lla! Maƹlic neccin meȓa ntaggwaj zi ddat-a n ddunect-a ataf neccin netƹic ak Siḏiṯneɣ.

Ayṯ-Galaṭya 2:2

Ƹlaḥsab min zi ḏayi iweṣṣa Arebbi ḏeg yijjen n lwaḥi iy gaƹƹḏeɣ ḏinni sexbareɣ-ṯen x Lʼinjil iy zi tbeccareɣ jar ȓegnus. Walakin ggiɣ manayenni ɣir i yinni iǧan ḏ imeqqranen n jmaƹeṯ ḥima aḏ ssneɣ min xeḏmeɣ ḏ min tuɣa xeddmeɣ war iǧi ca ḏ ȓbaṭeȓ.

Ayṯ-Ufasus 6:12

Liʼanna neccin war netmenɣi ca ḍed i yiwḏan n uysum ḏ iḏammen. Lla, netmenɣa ḍed n ṯzemmar n ṯaǧest-a ṯanita n zman-a ḏ yinni ig iḥekkmen ḏ yinni ig ijehḏen ḏi ṯaǧest-a. Neccin netmenɣa ḍed n ccayaṭin iƹeffanen ig iǧan ḏeg imucan n ijennaṯen.

Ayṯ-Filippas 1:21

Minzi ɣari Lmasiḥ netta ḏ ṯuḏarṯ inu, ɣari ȓmewṯ nettaṯ ḏ ljaʼiza inu.

Ayṯ-Kulus 1:29

X manaya nec xeddmeɣ, taḥȓeɣ ḏi ȓxeḏmeṯ-a s marra jjheḏ nni n Lmasiḥ netta isxeddam-ayi s ṯzemmar nnes.

2 Timutawus 1:12

X ssabab-a nec qa tƹeddabeɣ x marra ṯimesȓayin-a ṯina walakin war tseḏḥiɣ ca, nec ssneɣ wenni iy zi umneɣ. Teyyqeɣ netta izemmar aḏ iḥḍa lʼamana nni iy kiḏes jjiɣ ḥetta aȓ Nhar nni aneggaru.

2 Timutawus 2:5

Amenni ƹaweḏ wenni itemƹanaḏen ḏi lmelƹab; Meȓa war itemƹanaḏ ca ƹlaḥsab lqanun war irebbeḥ ca ljaʼiza.

2 Timutawus 4:7

Amenɣi-ya aṣebḥan menɣeɣ-ṯ, ṯazzȓa-ya kemmȓeɣ-t, lʼiman ḥḍiɣ-ṯ.

Iƹibraniyen 12:1

Iḏen ƹlaḥsab niṯni, iƹni ȓechuḏ nni n lʼiman iy xaneɣ itennḍen am yijjen n umuni ḏ ameqqran, labud a nekkar a nekkes kuȓ dqeȓ ḏ kuȓ ȓmuƹṣiyeṯ iy ḏaneɣ iseḥṣaren. A nazzȓeṯ s ṣṣbar ṯazzȓa nni iy ḏaneɣ itrajan ɣar zzaṯ.

Iƹibraniyen 4:1

Iḏen fa ƹaḏ nzemmar a naḏef ḏi arraḥeṯ n Siḏi Arebbi minzi ḏaneɣ iwƹeḏ. Wa labud a neggweḏ bac war itɣimi uȓa ḏ ijjen zzaywem war ḏinni d ixeṭṭeȓ.

1 Buṭrus 5:1

Fa nec tȓaɣiɣ-d x imeqqranen iǧan jar n ṯjumaƹ, nec iy iǧan ḏ ijjen n umeqqran am kenniw ḏ yijjen n ccaheḏ x min xef itwaƹeddeb Lmasiḥ, nec ḏ ijjen ƹaweḏ iy ɣa icarcen ḏi lƹaḍama iy d ɣa imeḍharen.

2 Buṭrus 1:10

Iḏen ay ayṯma, ggeṯ lmejhud nwem ktar ƹaḏ bac aḏ tḍemnem aȓaɣi nnes ɣarwem belli netta ixḍar-ikenniw. Meȓa ṯeggim ṯimesȓayin-a, ataf ƹemmarṣ aḏ d tewḍam.