1 Ayṯ-Kurinṯ 9:18 - Ṯarifiṯ 2020

¹⁸ Iḏen, min iƹna ccarḍ inu? Ccarḍ inu ḏ wa: Xmi tbeccareɣ s Lʼinjil tqeddameɣ-ṯ baṭeȓ iƹni maci ƹlaḥsab ȓḥaqq n ccarḍ-a iy ɣari ḏi Lʼinjil.

1 Ayṯ-Kurinṯ 9:18 ပူးပေါင်းရင်းမြစ်များ

Yuḥanna 4:36

Wenni imejjaren aḏ iysi texȓiseṯ nnes ijemmeƹ ṯafeǧaḥṯ i ṯuḏarṯ n ȓebda, ḥima aḏ munen ḏi ȓefraḥeṯ nsen yinni izerrƹen ḏ yinni imejjaren.

Ayṯ-Ruma 14:15

Liʼanna meȓa itxeyyaq wumac s macca nni iy tetteḏ, ataf cek war ṯuggureḏ ca nican s ȓemḥibbeṯ. War tegg ca macca nnec ḏ ssabab iy zi ɣa inehḏem wumac wenni mix immuṯ Lmasiḥ.

1 Ayṯ-Kurinṯ 10:33

Nec rezzuɣ aḏ sarḍiɣ marra iwḏan ḏi marra min teggeɣ. War rezzuɣ ca ȓxir i yixef inu, rezzuɣ-ṯ i marra iwḏan bac aḏ nejmen.

1 Ayṯ-Kurinṯ 3:8

Fa wenni iteẓẓun ḏ wenni isessawen ȓxeḏmeṯ nsen ḏ ijjen, kuȓ ijjen aṯ ijaza ƹlaḥsab ȓxeḏmeṯ nnes.

1 Ayṯ-Kurinṯ 7:31

ḏ yinni ineffƹen zi ddunect-a axmi manayenni war zzayes neffƹen ca. Mayemmi? Minzi ṭṭabiƹa n ddunect-a war tdumi ca.

1 Ayṯ-Kurinṯ 8:9

Walakin ḥḍam ixef nwem ḏi lḥurriya-ya nwem ṯanita bac war ṯɣeṭṭȓem ca yinni iḍeƹfen ḏi lʼiman nsen aḏ wḍan.

1 Ayṯ-Kurinṯ 9:12

Meȓa iwḏan nneɣni ɣarsen ȓḥaqq nni n ccarḍ aḏasen ṯucem, yak neccin ɣarneɣ ȓḥaqq-a ktar niɣ lla? Walakin neccin nugi a nkessi ȓḥaqq-a wanita. Nṣebbar aṭṭas i ṯmesȓayin bac war netbellaƹ ca ṯawwarṯ i Lʼinjil.

1 Ayṯ-Kurinṯ 9:15

Walakin nec war ksiɣ ca uȓa ḏ ijjen zi ȓḥuquq nni. Ƹaweḏ nec war tariɣ ca ṯabrat-a ȓexxu ḥima ataf kenniw aḏayi ṯucem ȓḥuquq nni; Lla, nec ḥsen meȓa mmuṯeɣ qbeȓ ma aḏayi ikkes ḥadd manaya minzi ɣa ftaxreɣ.

1 Ayṯ-Kurinṯ 9:17

Meȓa tbeccareɣ s ȓxaḍar inu, ataf aḏayi ijaza Arebbi. Meȓa war iǧi bu s ȓxaḍar inu, iƹni ataf teggeɣ ijjen n lmesʼuliya bezzez xafi waha.

2 Ayṯ-Kurinṯ 4:5

War netbeccir ca s yixef nneɣ, netbeccar s Ƹisa Lmasiḥ iƹni netta ḏ Siḏiṯneɣ. U neccin ḏ ixeddamen nwem ƹlaḥsab Ƹisa.

1 Ayṯ-Salunik 2:6

War nexs ca iryazen aḏaneɣ cehharen: lla kenniw, lla can iryazen nneɣni. Neccin tuɣa nzemmar axawem nzeyyar s ssulṭa nneɣ am arrusul.