1 Ayṯ-Kurinṯ 9:17 - Ṯarifiṯ 2020

¹⁷ Meȓa tbeccareɣ s ȓxaḍar inu, ataf aḏayi ijaza Arebbi. Meȓa war iǧi bu s ȓxaḍar inu, iƹni ataf teggeɣ ijjen n lmesʼuliya bezzez xafi waha.

1 Ayṯ-Kurinṯ 9:17 ပူးပေါင်းရင်းမြစ်များ

Matta 10:41

Wenni iqebbȓen can n nnabi ȓaḥeqqac issekk-iṯ-iḏ Arebbi, ataf aɣares yiȓi lʼajar amecnaw can n nnabi. Wenni iqebbȓen can n ȓmumen ȓaḥeqqac ḏ ȓmumen, ataf aɣares yiȓi lʼajar amecnaw can n ȓmumen.

Matta 24:25

Xzarem! Aqa nec ƹeȓmeɣ-awem x manaya qbeȓ ma aḏ iwqeƹ.

Luqa 12:42

Yarra xas Siḏiṯneɣ inna-as: "Iwa min iƹna uweqqaf nni iǧan ḏ amiɣis ḏayes ȓaman? Netta ḏ wenni ig itkellaf siḏes aḏasen yuc lmakla i ixeddamen nnes ḏi ȓweqṯ nican.

Yuḥanna 4:36

Wenni imejjaren aḏ iysi texȓiseṯ nnes ijemmeƹ ṯafeǧaḥṯ i ṯuḏarṯ n ȓebda, ḥima aḏ munen ḏi ȓefraḥeṯ nsen yinni izerrƹen ḏ yinni imejjaren.

1 Ayṯ-Kurinṯ 3:14

Wenni ibnan x dsas-a ȓxeḏmeṯ nnes nican war t tett ca ṯmessi, ataf aṯ ijaza.

1 Ayṯ-Kurinṯ 3:8

Fa wenni iteẓẓun ḏ wenni isessawen ȓxeḏmeṯ nsen ḏ ijjen, kuȓ ijjen aṯ ijaza ƹlaḥsab ȓxeḏmeṯ nnes.

1 Ayṯ-Kurinṯ 4:1

Cuf, ammu itxeṣṣa aḏaneɣ ẓren yiwḏan iƹni neccin ḏ ixeddamen n Lmasiḥ, neccin netkellaf x ṯmesȓayin inuffaren n Arebbi.

1 Ayṯ-Kurinṯ 9:16

Walakin meȓa tbeccareɣ, war zemmareɣ aḏ ftaxreɣ liʼanna itxeṣṣa-ayi u labud aḏ beccareɣ. Ya tamara xafi nec maƹlik war tbeccareɣ ca!

1 Ayṯ-Kurinṯ 9:18

Iḏen, min iƹna ccarḍ inu? Ccarḍ inu ḏ wa: Xmi tbeccareɣ s Lʼinjil tqeddameɣ-ṯ baṭeȓ iƹni maci ƹlaḥsab ȓḥaqq n ccarḍ-a iy ɣari ḏi Lʼinjil.

2 Ayṯ-Kurinṯ 8:12

Liʼanna bnaḏem meȓa s ȓxaḍar nnes, min ɣa iṣeddeq aḏ itwaqbeȓ. Walakin ƹlaḥsab min ɣares ḏ agȓa maci ƹlaḥsab min war ɣares.

Ayṯ-Galaṭya 2:7

Walakin min ufin? Ufin ikellef-ayi Arebbi bac aḏ beccareɣ i iyunaniyen mammec ikellef Buṭrus bac aḏ ibeccar i Ayṯ-Israʼil.

Ayṯ-Kulus 1:25

Jmaƹeṯ-a ḏewȓeɣ ɣares nec ḏ ijjen n uxeddam nnes ƹlaḥsab lwajib nni zi Arebbi iy ḏayi d immucen bac akenniw beccareɣ s wawaȓ ikmaȓ n Arebbi.

1 Ayṯ-Salunik 2:4

Lla, iḍbeƹ-aneɣ Arebbi ikellef-aneɣ x wawaȓen-a iǧan ḏi Lʼinjil. Zi manaya nessawaȓ bac axaneɣ yarḍa Arebbi maci axaneɣ arḍan yiwḏan minzi ḏ netta ig iǧan ḏ wenni itmeyyazen min ɣarneɣ ḏeg wuȓawen nneɣ.

Filimun 1:14

Walakin nec war xseɣ ca aḏ ggeɣ can n ȓḥajeṯ bȓa array nnec; Nec xseɣ ȓxir nnec aḏayi d yas s ȓxaḍar nnec maci s yijjen n bezzez zzayi lla.