1 Ayṯ-Kurinṯ 9:14 - Ṯarifiṯ 2020

¹⁴ Amenni uȓa ḏ yinni itbeccaren s Lʼinjil, yumar xasen Siḏiṯneɣ aḏ kessin ccarḍ nsen zi Lʼinjil.

1 Ayṯ-Kurinṯ 9:14 ပူးပေါင်းရင်းမြစ်များ

Matta 10:10

War debbarem bu uqrab x ubriḏ uȓa ḏ ṯnayen ičammiren, uȓa ḏ ṯisiȓa, uȓa ḏ aƹekkaz. Minzi wenni itbeccaren ɣares ȓḥaqq aḏ itxaȓes aɣrum nnes.

Luqa 10:7

Qqimem ḏi ṯeddarṯ nni, ccem swem zi min ɣarsen minzi wenni itbeccaren ɣares ȓḥaqq aḏ itxaȓes. War traḥem ca zi ṯeddarṯ ɣar ṯeddarṯ.

Luqa 10:8

Xmi ɣa ṯaḏfem can ṯendint, meȓa qebȓen-kenniw ayṯbab nnes, ccem s minzi ḏawem ɣa ucen.

1 Ayṯ-Kurinṯ 4:15

Waxxa akiḏwem ƹecraȓaf n lmurebbiyin ḏi Lmasiḥ, war ɣarwem ca aṭṭas n babaṯwem. Liʼanna ḏi Ƹisa Lmasiḥ nec ḏ babaṯwem ḏi Lʼinjil.

1 Ayṯ-Kurinṯ 9:11

Meȓa tuɣa nezreƹ jarawem ṯimesȓayin n ujenna, ma ḏ aṭṭas xaneɣ meȓa nemjar zzaywem ṯimesȓayin n ṯmurṯ?

1 Ayṯ-Kurinṯ 9:12

Meȓa iwḏan nneɣni ɣarsen ȓḥaqq nni n ccarḍ aḏasen ṯucem, yak neccin ɣarneɣ ȓḥaqq-a ktar niɣ lla? Walakin neccin nugi a nkessi ȓḥaqq-a wanita. Nṣebbar aṭṭas i ṯmesȓayin bac war netbellaƹ ca ṯawwarṯ i Lʼinjil.

1 Ayṯ-Kurinṯ 9:16

Walakin meȓa tbeccareɣ, war zemmareɣ aḏ ftaxreɣ liʼanna itxeṣṣa-ayi u labud aḏ beccareɣ. Ya tamara xafi nec maƹlik war tbeccareɣ ca!

1 Ayṯ-Kurinṯ 9:4

Iƹni, neccin ma war ɣarneɣ bu ȓḥaqq a necc a nsew?

2 Ayṯ-Kurinṯ 2:12

Fa wami d uwḍeɣ ɣar ṯendint n Traws bac aḏ beccareɣ s Lʼinjil n Lmasiḥ, ufiɣ ṯnurzem-ayi-d ijjen n ṯewwarṯ n Siḏiṯneɣ.

Ayṯ-Galaṭya 6:6

Fa wenni umi seȓmaḏen awaȓ n Arebbi, itxeṣṣa aḏ icarec netta ak wenni iseȓmaḏen zi marra min iǧan ḏ aṣebḥan.

1 Ayṯ-Salunik 1:5

Liʼanna Lʼinjil iy netbeccar war d yusi ca ɣarwem s wawaȓen waha, yusa-d ɣarwem s ṯzemmar ḏ Arruḥ iqeddsen ḏ yijjen n uqennaƹ imɣar. Aqa ṯessnem mamc tuɣa netƹic jarawem ƹlaḥsab kenniw.