1 Ayṯ-Kurinṯ 9:12 - Ṯarifiṯ 2020

¹² Meȓa iwḏan nneɣni ɣarsen ȓḥaqq nni n ccarḍ aḏasen ṯucem, yak neccin ɣarneɣ ȓḥaqq-a ktar niɣ lla? Walakin neccin nugi a nkessi ȓḥaqq-a wanita. Nṣebbar aṭṭas i ṯmesȓayin bac war netbellaƹ ca ṯawwarṯ i Lʼinjil.

1 Ayṯ-Kurinṯ 9:12 ပူးပေါင်းရင်းမြစ်များ

Luqa 11:52

Ya ȓefḍiḥeṯ nwem a yinni itcerraḥen ccariƹa! Ṯeṭṭfem ȓmeftaḥ n ȓefhameṯ, kenniw war tiḏfem ca ḏayes war tejjim wi ɣa yaḏfen."

Ayṯ-Ruma 15:22

Ḏ wa ḏ ssabab iy ḏayi iṭṭfen aṭṭas n ṯwaȓaṯin war ɣarwem d usiɣ ca.

1 Ayṯ-Kurinṯ 13:7

War ṯfeṭṭaḥ ƹemmarṣ. Tamen cḥaȓ ma ṯekka. Ṯṣebbar x min ma iǧan. S lʼamal ȓebda tmenna.

1 Ayṯ-Kurinṯ 6:7

Xmi kenniw temcarraƹem ak wayawya, ataf ṣafi ṯexsarem. Iwa ḥsen i kenniw meȓa twaḍeȓmem niɣ twaɣeccem.

1 Ayṯ-Kurinṯ 9:14

Amenni uȓa ḏ yinni itbeccaren s Lʼinjil, yumar xasen Siḏiṯneɣ aḏ kessin ccarḍ nsen zi Lʼinjil.

1 Ayṯ-Kurinṯ 9:15

Walakin nec war ksiɣ ca uȓa ḏ ijjen zi ȓḥuquq nni. Ƹaweḏ nec war tariɣ ca ṯabrat-a ȓexxu ḥima ataf kenniw aḏayi ṯucem ȓḥuquq nni; Lla, nec ḥsen meȓa mmuṯeɣ qbeȓ ma aḏayi ikkes ḥadd manaya minzi ɣa ftaxreɣ.

1 Ayṯ-Kurinṯ 9:16

Walakin meȓa tbeccareɣ, war zemmareɣ aḏ ftaxreɣ liʼanna itxeṣṣa-ayi u labud aḏ beccareɣ. Ya tamara xafi nec maƹlik war tbeccareɣ ca!

1 Ayṯ-Kurinṯ 9:18

Iḏen, min iƹna ccarḍ inu? Ccarḍ inu ḏ wa: Xmi tbeccareɣ s Lʼinjil tqeddameɣ-ṯ baṭeȓ iƹni maci ƹlaḥsab ȓḥaqq n ccarḍ-a iy ɣari ḏi Lʼinjil.

1 Ayṯ-Kurinṯ 9:2

Meȓa war ǧiɣ ḏ arrasul i can yiwḏan nneɣni, ataf i kenniw iy ɣa ǧiɣ ḏ arrasul. Liʼanna kenniw ḏ ddalil igga-ayi nec Siḏiṯneɣ ḏ arrasul.

2 Ayṯ-Kurinṯ 11:12

Fa min teggeɣ aḏ qqimeɣ ammu teggeɣ-ṯ. Mayemmi? Xseɣ aḏ qesseɣ iḍaren i yinni irezzun lfurṣa aḏ iȓin mquddan akiḏneɣ ḏi ṯmesȓayin-a iy xef teftaxaren.

2 Ayṯ-Kurinṯ 11:20

Aqa ṯṣebbarem uȓa ḏ yinni iy kenniw itarran ḏ isemɣan, ḏ yinni iy kenniw itetten, ḏ yinni iy xawem itbuṣaren, ḏ yinni iy ḏi iǧa ttakebbur, ḏ yinni iy kenniw iccaṯen s iseqqiȓen.

2 Ayṯ-Kurinṯ 2:12

Fa wami d uwḍeɣ ɣar ṯendint n Traws bac aḏ beccareɣ s Lʼinjil n Lmasiḥ, ufiɣ ṯnurzem-ayi-d ijjen n ṯewwarṯ n Siḏiṯneɣ.

2 Ayṯ-Kurinṯ 6:3

War nesrusi walu ḏeg ubriḏ i ḥadd bac aṯ neɣḍeȓ ḥima war tifen bu ȓƹib ḏi ȓxeḏmeṯ nneɣ.