1 Ayṯ-Kurinṯ 9:1 - Ṯarifiṯ 2020

¹ Ɣari lḥurriya iƹni nec maci ḏ ismeɣ. Nec ḏ arrasul, ẓriɣ Siḏiṯneɣ Ƹisa. Yac ḏ kenniw iy iǧan ḏ nnatija n ȓxeḏmeṯ inu ḏi Siḏiṯneɣ, niɣ lla?

1 Ayṯ-Kurinṯ 9:1 ပူးပေါင်းရင်းမြစ်များ

Ȓexḏayem 13:2

Wami ƹebbḏen Siḏi Arebbi tẓumman, inna-asen Arruḥ iqeddsen: Ḥuzem-ayi-d Barnaba ḏ Cawul i ȓxeḏmeṯ nni umi ṯen ixḍareɣ.

Ȓexḏayem 14:14

Arrusul nni iƹni Barnaba ḏ Bulus wami sȓin awaȓ nni kkaren cerrgen arruḍ nsen. Uḏfen ḏi ȓwesṭ n yiwḏan ƹeyyḍen nnan-asen:

Ȓexḏayem 14:4

Mesfraqen ayṯbab n ṯendint-a n Ikunya x ṯnayen. Ȓebƹaḍ iḏsen aqaṯen ak israʼiliyen, ȓebƹaḍ iḏsen aqaṯen ak arrusul.

Ȓexḏayem 23:11

Ǧiȓeṯ nni ibedd-d Siḏiṯneɣ ɣar Bulus inna-as: "Egg zƹameṯ! Mammec iy zzayi ṯcehḏeḏ ḏi ṯendint n Lquds, u labud ƹaweḏ azzayi ṯcehḏeḏ ḏi ṯendint n Ruma."

Ȓexḏayem 9:15

Inna-as Siḏiṯneɣ: "Lla ruḥ, qa aryaz-a ḏ nec iy ṯ ixḍaren aṯ ssekkeɣ ḥima aḏ issiweḍ isem inu i yinni war iǧin ca zi Ayṯ-Israʼil, ḏ izeǧiḏen nsen, ḏ israʼiliyen.

Ȓexḏayem 9:17

Iruḥ Anas yuḏef ṯaddarṯ nni isers ifassen nnes x Cawul inna-as: "Ay uma Cawul, nec qa issekk-ayi-d Siḏiṯneɣ Ƹisa, wenni iy ḏac d imeḍharen ḏeg ubriḏ nni iy d ṯuwiḏ. Issekk-ayi-d ɣarek ḥima aḏ tḏewȓeḏ twaȓiḏ aḏ teccareḏ s Arruḥ iqeddsen."

Ȓexḏayem 9:3

Wami iggur ɣar Dimaceq iqqim-as cwayt aḏ yaweḍ, ƹlaɣafla inneḍ-as-d ijjen n nnur itceƹciƹ-d xas zeg ujenna.

Ȓexḏayem 9:5

Yarra xas Cawul inna-as: "Min ṯeƹniḏ cek a Siḏi?" Ṯenna-as ṯmijja nni: "Nec ḏ Ƹisa wenni iy tƹeddabeḏ."

Ayṯ-Ruma 1:1

Nec ḏ Bulus axeddam n Ƹisa Lmasiḥ, igg-ayi-d Arebbi aḏ iȓiɣ ḏ arrasul. Twaxḍareɣ ḥima aḏ xbareɣ s Lʼinjil n Arebbi,

Ayṯ-Ruma 1:5

Aqa zi Ƹisa u x ssabab n yisem nnes igga ḏayi Arebbi lbaraka ḥima aḏ iȓiɣ ḏ arrasul, aḏ beccareɣ iwḏan zi marra ȓegnus azzayes amnen aḏas ṭaƹen.

Ayṯ-Ruma 11:13

Fa nec qqareɣ-awem manaya i kenniw war iǧin ca zi Ayṯ-Israʼil. Nec ḏ arrasul ɣar yinni war iǧin ca zi Ayṯ-Israʼil, nec ȓxeḏmeṯ inu ḥessbeɣ-t ɣares ijjen n ccan imɣar.

1 Ayṯ-Kurinṯ 1:1

Ṯabrat-a zzayi nec Bulus akiḏi umaṯneɣ Sastin. Iȓaɣa-ayi-d Arebbi s ȓxaḍar nnes ḥima aḏ iȓiɣ ḏ arrasul n Ƹisa Lmasiḥ.

1 Ayṯ-Kurinṯ 10:29

Iƹni ḍḍamir n wenni iy kenniw iƹarḍen, maci ḏ ḍḍamir nwem. Ȓaḥeqqac nec mayemmi ḍḍamir n yijjen nneɣni aḏ iḥkem x lḥurriya inu?

1 Ayṯ-Kurinṯ 10:30

Meȓa cekkareɣ Arebbi x can lmakla, mayemmi iy ḏayi ɣa ḥasben x manayenni iy zi cekkareɣ Arebbi?

1 Ayṯ-Kurinṯ 11:16

Meȓa ḏinni can yijjen irzu aḏ imɣannen x manaya, neccin war nennum ca can lƹada nneɣni, uȓa ḏ ṯijumaƹ n ȓmuminin n Arebbi war nnument ca can ȓḥajeṯ nneɣni.

1 Ayṯ-Kurinṯ 3:6

Nec ẓẓuɣ, Apullus isessew, u ḏ Arebbi iy kenniw iseɣmayen.

1 Ayṯ-Kurinṯ 9:19

Waxxa nec war ɣari bu bab inu, walakin arriɣ ixef inu ḏ ismeɣ zaƹma i marra bac aḏ rebḥeɣ aṭṭas n zziyada n yiwḏan.

2 Ayṯ-Kurinṯ 10:7

Kenniw ṯxezzarem ɣar min d itbanen x wuḏem waha. Meȓa can yijjen metʼakked netta zi Lmasiḥ u labud aḏ ifekkar uȓa ḏ neccin zi Lmasiḥ am netta.

2 Ayṯ-Kurinṯ 11:5

Cuf, war ḥessbeɣ ca ixef inu ḏ aneqṣi zi arrusul imezwura. Lla walu.

2 Ayṯ-Kurinṯ 6:1

Fa neccin ig ixeddmen ak Arebbi ntettar i kenniw neqqar-awem: Maci aḏ tqebbȓem arḍa n Arebbi war zzayes ṯxeddmem ca.

Ayṯ-Galaṭya 1:1

Nec ḏ Bulus, nec ḏ ijjen n arrasul maci s yiwḏan niɣ s ȓxaḍar n bnaḏem; Lla, nec ḏ arrasul s Ƹisa Lmasiḥ u ƹaweḏ s Arebbi Babaṯneɣ iy d isekkaren Ƹisa zi ȓmewṯ.

Ayṯ-Galaṭya 5:1

Ɣar lḥurriya iḍȓeq-aneɣ-d Lmasiḥ bac a niȓi ḥurr ḏ ṣṣaḥ. Beddeṯ nican baƹda, war tejjaṯ ca axawem ibesseȓ ƹaweḏ ijjen n dqeȓ n ṯzayȓut n isemɣan.

1 Ayṯ-Salunik 2:6

War nexs ca iryazen aḏaneɣ cehharen: lla kenniw, lla can iryazen nneɣni. Neccin tuɣa nzemmar axawem nzeyyar s ssulṭa nneɣ am arrusul.

1 Timutawus 2:7

X manayenni iy twaxḍareɣ nec bac aḏ ḥeddṯeɣ aḏ iȓiɣ ḏ arrasul aḏ iȓiɣ ḏ amseȓmaḏ ƹlaḥsab lʼiman ḏ ȓḥaqq jar yinni war iǧin ca zi Ayṯ-Israʼil. Qqareɣ lmaƹqul maci ḏ ixarriqen.

2 Timutawus 1:11

Ƹlaḥsab Lʼinjil-a twaxḍareɣ nec aḏ beccareɣ aḏ iȓiɣ ḏ arrasul ḏ ijjen n umseȓmaḏ.