1 Ayṯ-Kurinṯ 8:9 - Ṯarifiṯ 2020

⁹ Walakin ḥḍam ixef nwem ḏi lḥurriya-ya nwem ṯanita bac war ṯɣeṭṭȓem ca yinni iḍeƹfen ḏi lʼiman nsen aḏ wḍan.

1 Ayṯ-Kurinṯ 8:9 ပူးပေါင်းရင်းမြစ်များ

Matta 18:10

Ɣarwem aḏ tḥeggarem can ḥadd zeg imezyanen-a. Qqareɣ-awem: Lmalaʼikaṯ nsen ḏeg ujenna ȓebda xezzarent Baba iǧan ḏeg ujenna.

Ayṯ-Ruma 15:1

Fa neccin ig ijehḏen itxeṣṣa-yaneɣ a narbu ḍḍuƹef n yinni war ijhiḏen ca, maci a negg min ḏaneɣ iteƹjiben i yixef nneɣ u ṣafi.

1 Ayṯ-Kurinṯ 10:24

War rezzuṯ ca ȓxir i yixef nwem, rzum-ṯ i wajjar nwem.

1 Ayṯ-Kurinṯ 10:28

Walakin meȓa inna-awem ḥadd qa manaya qeddmen-ṯ ḏ dbiḥeṯ i lʼaṣnam, war t tettem ca. Manaya ƹlaḥsab wenni iy ḏawem ṯ iqqaren u ƹlaḥsab ḍḍamir.

1 Ayṯ-Kurinṯ 10:29

Iƹni ḍḍamir n wenni iy kenniw iƹarḍen, maci ḏ ḍḍamir nwem. Ȓaḥeqqac nec mayemmi ḍḍamir n yijjen nneɣni aḏ iḥkem x lḥurriya inu?

1 Ayṯ-Kurinṯ 10:32

War ɣeṭṭȓeṯ ḥadd waxxa niṯni ḏ israʼiliyen niɣ ḏ iyunaniyen niɣ ḏ jmaƹeṯ n ȓmuminin n Arebbi.

1 Ayṯ-Kurinṯ 8:10

Cuf, wenni umi ɣar iǧa lʼiman iḍƹef. Maƹlik iẓri-c cek ɣarek ṯusna zaƹma tetteḏ ḏeg yijjen n zzawyiṯ n lʼaṣnam, iȓi ṯcejjƹeḏ-ṯ cek ḥima uȓa ḏ netta aḏ icc lmakla itqeddamen i lʼaṣnam, niɣ lla?

1 Ayṯ-Kurinṯ 8:12

Xmi ṯƹeṣṣim ayṯmaṯwem tḍarram ḍḍamir nsen iḍeƹfen, ataf ḏ Lmasiḥ iy ṯƹeṣṣam.

1 Ayṯ-Kurinṯ 9:22

Arriɣ ixef inu am yijjen iḍƹef ɣar yinni iḍeƹfen bac ataf aṯen rebḥeɣ. Arriɣ ixef inu ḏ marra i marra iwḏan bac aḏ ggeɣ marra lʼimkaniyaṯ aḏ snejmeɣ ca zzaysen.

2 Ayṯ-Kurinṯ 11:21

Nec tseḏḥiɣ zaƹma, neccin neḍƹef war nzemmar a nexḏem amenni! Qqareɣ nec zaƹma s ṯubbuhȓiya-ya qa meȓmi ma izƹem ḥadd azzayes iftaxar uȓa ḏ nec azzayes ftaxareɣ.

2 Ayṯ-Kurinṯ 11:29

Meȓa can yijjen iḍƹef, nec ma war teḍƹifeɣ ca? Meȓa can yijjen itwasufeɣ zeg ubriḏ, nec ma war ḏayi iteqqes ca wuȓ inu?

2 Ayṯ-Kurinṯ 6:3

War nesrusi walu ḏeg ubriḏ i ḥadd bac aṯ neɣḍeȓ ḥima war tifen bu ȓƹib ḏi ȓxeḏmeṯ nneɣ.

Ayṯ-Galaṭya 5:13

Cuf ay ayṯma, iȓaɣa-yawem-d Arebbi bac aḏ tiȓim ḥurr. Walakin war tejjaṯ ca lḥurriya-ya nwem aḏ tiȓi ḏ ijjen n ubriḏ iy zi ɣa ṯseƹƹifem ccehweṯ n ṭṭabiƹa ṯaƹeffant nwem; Lla, aḏ tsexxarem i wayawya s ȓemḥibbeṯ.

Ayṯ-Kulus 2:8

Arrem-d ȓbaȓ nwem uȓa ḏ ijjen ma izemmar akenniw isxarweḍ s lfelsafa niɣ s uɣeddaȓ nni ixwan ƹlaḥsab ttaqalid n bnaḏem niɣ ƹlaḥsab lqawanin iqḏimen n ddunect-a qa maci ƹlaḥsab Lmasiḥ.

1 Buṭrus 2:16

Ƹiceṯ am yiwḏan iy ɣar ṯeǧa lḥurriya walakin war steƹmaleṯ ca lḥurriya-ya nwem bac aḏ tesnuffarem ccarr nwem; Lla, itxeṣṣa aḏ tƹicem am ixeddamen n Arebbi.

2 Buṭrus 2:19

Ḍemmnen-asen iṯarrasen-a lḥurriya i yiwḏan walakin yina bab nsen netta ḏ ȓefna. Ȓaḥeqqac min iteḥkamen x bnaḏem netta ḏ bab nnes.

Lwaḥi 2:14

Walakin ƹeyybeɣ xac can ṯmesȓayin wami akiḏec can iwḏan iy tbaƹen ttaƹlim n Balƹam. Netta tuɣa iseȓmaḏ-as i Barak mammec ɣa igg ṯaxcebṯ i Ayṯ-Israʼil bac aḏ ccen dbiḥeṯ itqeddamen i lʼaṣnam aḏ fesḏen.