1 Ayṯ-Kurinṯ 7:32 - Ṯarifiṯ 2020

³² Fa rezzuɣ aḏ tiȓim bȓa amnus. Wenni war imȓicen ca ɣares ijjen n lmuhima i ccɣeȓ n Siḏiṯneɣ, mammec ɣa igg axas yarḍa Siḏiṯneɣ.

1 Ayṯ-Kurinṯ 7:32 ပူးပေါင်းရင်းမြစ်များ

Matta 13:22

Zzarriƹeṯ nni ig iwḍan jar isennanen nettaṯ am yijjen n bnaḏem iy itesȓan i wawaȓ n Arebbi ḏayes amnus n ddunect, icemmeṯ-iṯ ṭṭmaƹ n wagȓa, ssenni itwajeyyef wawaȓ n Arebbi war ineffeƹ ca.

Marqus 4:19

ḏaysen amnus n ddunect, icemmeṯ-iṯen ṭṭmaƹ n wagȓa, ḏaysen ccehawaṯ n ṯmesȓayin nneɣni, ssenni itwajeyyef wawaȓ n Arebbi war ineffeƹ ca.

Yuḥanna 10:13

Axeddam aḏ yarweȓ minzi netta ḏ axeddam waha, war ṯ thimmin ca iḥuȓiyen.

1 Ayṯ-Kurinṯ 7:33

Walakin aryaz imeȓcen ɣares ijjen n lmuhima i ccɣeȓ n ddunect-a, mammec ɣa igg axas ṯarḍa ṯemɣarṯ nnes. Netta lmuhimaṯ nnes farrqent x ṯnayen. Ṯamɣarṯ war imȓicen ca ḏ ṯenni ig iǧan ḏ ṯaƹzriṯ ɣarsent ijjen n lmuhima i ccɣeȓ n Siḏiṯneɣ, mammec ɣa ggent aḏ ƹebḏent Siḏiṯneɣ s ddat nsent ḏ wuȓ nsent. Ṯamɣarṯ imeȓcen ɣares ijjen n lmuhima i ccɣeȓ n ddunect-a, mammec ɣa ṯegg axas yarḍa uryaz nnes.

Ayṯ-Filippas 4:6

War kessim bu umnus x walu. S ṯẓaǧiṯ nwem ḏ dduƹaʼ nwem akiḏsen ccuker nwem aḏ tqeddmem marra ṯimesȓayin s ṭṭalabaṯ nwem i Arebbi.

1 Timutawus 5:5

Qa ṯajjaȓṯ n ṣṣaḥ ṯenni war ɣar iǧi ḥadd aqa ḏ nettaṯ iteggen lʼamal nnes ḏi Arebbi tɣima tedƹa Arebbi tettar-as ǧiȓeṯ ḏ nhar.