1 Ayṯ-Kurinṯ 7:2 - Ṯarifiṯ 2020

² Walakin ḥsen meȓa kuȓ ijjen aɣares ṯiȓi ṯemɣarṯ nnes, kuȓ icten aɣares yiȓi uryaz nnes ḥima war itiȓi ca lfasad.

1 Ayṯ-Kurinṯ 7:2 ပူးပေါင်းရင်းမြစ်များ

Matta 5:32

Walakin nec qqareɣ-awem: Marra wenni ɣa iǧfen i ṯemɣarṯ nnes, nettaṯ war ṯezni ca, ataf itarra-t ṯezna iƹni meȓa ṯƹaweḏ ȓemȓac. Wenni iy ɣa imeȓcen ak ṯenni iǧfen, ataf izna.

1 Ayṯ-Kurinṯ 6:18

Arewȓeṯ zi lfasad. Kuȓ ȓmuƹṣiyeṯ nneɣni ig itegg bnaḏem aḏ tiȓi ɣar barra n ddat nnes. Wenni iteggen lfasad iƹeṣṣa ddat nnes nniṯ.

1 Ayṯ-Kurinṯ 7:1

Fa ȓexxu a nessiweȓ x ṯmesȓayin iy xef ṯurim kenniw. Maṯalan, mliḥ aryaz meȓa war itḥiḏi ca ṯamɣarṯ.

1 Ayṯ-Kurinṯ 7:3

U labud aryaz aḏ yuc ȓḥaqq n ȓemȓac i ṯemɣarṯ nnes. Ammu ƹaweḏ u labud ṯamɣarṯ aḏ tucc ȓḥaqq n ȓemȓac i uryaz nnes.

1 Ayṯ-Kurinṯ 7:9

Walakin meȓa war zemmaren ca aḏ ḥekmen x ccehweṯ nsen u labud aḏ meȓcen. Ȓaḥeqqac meȓa meȓcen ḥsen zi meȓa qqimen ḥerrqen ḏi ccehweṯ nsen.

Ayṯ-Ufasus 5:28

Amenni kif-kif labud iryazen aḏ ḥibben ṯimɣarin nsen mamc tḥibban ddat nsen. Wenni itḥibban ṯamɣarṯ nnes ḏ ixef nnes iy itḥibba.

Ayṯ-Ufasus 5:33

Innama, labud kuȓ ijjen zzaywem aḏ iḥibb ṯamɣarṯ nnes am mammec itḥibba ixef nnes. Ṯamɣarṯ u labud aḏ tweqqar aryaz nnes.

1 Ayṯ-Salunik 4:4

Itxeṣṣa aḏ tessnem mamc ɣa ṯḥekmem x ddat nwem ƹlaḥsab min iǧan muqeddes ḏayes aweqqar.

1 Timutawus 4:3

Niṯni aḏ sbedden iwḏan bac war meǧcen ca, qqaren-asen ƹaweḏ qa ca n lmaklaṯ memnuƹ aṯent ccen. Walakin lmaklaṯ nni ixȓeq-iṯent-id Arebbi aṯent neqbeȓ neccin ig itamnen nessen lḥaqiqa.