1 Ayṯ-Kurinṯ 6:9 - Ṯarifiṯ 2020

⁹ Ma war ṯessinem ca belli yinni war yuminen ca war zemmaren aḏ warṯen ȓmulk n Arebbi? War xeddƹem ca ixef nwem. Yinni iteggen lfasad, ḏ yinni iƹebbḏen lʼaṣnam, ḏ yinni izennan, ḏ iḥenjiren ifessḏen ak iryazen, ḏ iryazen ifessḏen ak iryazen,

1 Ayṯ-Kurinṯ 6:9 ပူးပေါင်းရင်းမြစ်များ

Matta 19:29

U marra yinni isemmḥen ḏi ṯuḏrin nsen niɣ ḏi ayṯmas niɣ ḏi suyṯmas niɣ ḏi babas ḏ yemmas niɣ ḏi ṯarwa nsen niɣ ḏeg imarjeƹiwen nsen x ssabab inu nec, ataf aɣarsen ṯiȓi miyya n ṯseqqar ktar, aḏ warṯen ṯuḏarṯ n ȓebda.

Matta 25:34

Ȓexddenni yinni iǧan x ufusi aḏasen yini uzeǧiḏ-a: A yinni iy ḏi igga Baba lbaraka araḥem-d kenniw warṯem ȓmulk iy ḏawem isewjeḏ zeg wami ṯeǧa ddunect.

Luqa 21:8

Inna-asen: "Ḥḍam ixef nwem ḥima war kenniw ixeddeƹ ḥadd. Aṭṭas iy d ɣa yasen s yisem inu zaƹma aḏ inin qa nec ḏ Lmasiḥ! Ƹaweḏ aḏawem inin qa ȓweqṯ ṯuweḍ-d! Walakin kenniw itxeṣṣa war ṯen teḏfirem ca.

Ȓexḏayem 20:32

Ay ayṯma, ȓexxu axawem weddiɣ, iȓiṯ ag Arebbi ḏ wawaȓen n arḍa nnes. Awaȓen-a ḏaysen ṯizemmar aḏawem ucen jjheḏ aḏawem ucen ȓwarṯ ak marra ȓmuminin ṣṣaliḥin.

Ȓexḏayem 24:25

Wami issiweȓ Bulus x min iǧan nican, ḏ mammec ɣa iḥkem bnaḏem x yixef nnes, ḏ Yum Lḥisab ḏ Lƹiqab iy d ɣa yasen uca inexȓeƹ Filikes inna-as: "Ṣafi ȓexxu, ƹqeb. Xmi ɣari ɣa ṯiȓi lfurṣa axak d ȓaɣiɣ."

Ayṯ-Ruma 1:18

Fa imeḍhar-d uɣḍab n Arebbi zeg ujenna x marra ccarr ḏ ȓbaṭeȓ iy teggen yiwḏan iƹni yinni itbeṭṭaȓen lḥaqiqa s ccarr nsen.

1 Ayṯ-Kurinṯ 15:33

War xeddƹeṯ ca ixef nwem: "Ṯamƹacareṯ ṯaƹeffant, tḍeyyaƹ ttarbiya ṯaṣebḥant."

1 Ayṯ-Kurinṯ 15:50

Fa qqareɣ-awem ay ayṯma, qa aysum ḏ iḏammen war zemmaren aḏ warṯen ḏi ȓmulk ujenna. Min ifennan war iwarreṯ ca min war ifennin.

1 Ayṯ-Kurinṯ 3:16

Ma war ṯessinem ca belli ḏ kenniw iy iǧan ḏ ṯamziḏa n Arebbi, izeddeɣ ḏaywem Arruḥ n Arebbi?

1 Ayṯ-Kurinṯ 5:1

Iffeɣ-d ijjen n ȓexbar belli ḏinni ijjen n nnuƹ n lfasad jarawem war xas ṣebbaren ca waxxa ḏ lkuffar! Ijjen n uryaz ɣares ṯamɣarṯ n babas.

1 Ayṯ-Kurinṯ 5:10

Walakin tuɣa war ssiwiȓeɣ ca x lkuffar n ddunect-a yinni iteggen lfasad niɣ ḏ iḍemmaƹen niɣ ḏ iɣeccacen niɣ ḏ yinni iƹebbḏen lʼaṣnam. Maƹlik amenni, aḏ yiȓi labud aḏ teffɣem zi ddunect-a qaƹ.

1 Ayṯ-Kurinṯ 5:11

Lla, walakin ȓexxu nec uriɣ-awem-d bac war tƹacarem ca ȓmumen wenni iqqaren qa nec ḏ umac walakin netta itegg lfasad niɣ ḏ aḍemmaƹ niɣ iƹebbeḏ lʼaṣnam niɣ iqqar ȓbaṭeȓ niɣ isess aṭṭas n ccreb niɣ ḏ aɣeccac. Ijjen am wanita, war tettem ca akiḏes qaƹ.

1 Ayṯ-Kurinṯ 6:10

ḏ iceffaren, ḏ iḍemmaƹen, ḏ yinni isessen aṭṭas n ccreb, ḏ yinni iqqaren ȓbaṭeȓ, ḏ iɣeccacen war twaraṯen ca ȓmulk n Arebbi.

1 Ayṯ-Kurinṯ 6:18

Arewȓeṯ zi lfasad. Kuȓ ȓmuƹṣiyeṯ nneɣni ig itegg bnaḏem aḏ tiȓi ɣar barra n ddat nnes. Wenni iteggen lfasad iƹeṣṣa ddat nnes nniṯ.

1 Ayṯ-Kurinṯ 6:19

Niɣ ma war ṯessinem ddat nwem nettaṯ ḏ ṯamziḏa n Arruḥ iqeddsen ig izeddɣen ḏaywem? Iwa ɣarwem Arruḥ-a zi Arebbi. Kenniw war trayim ca x yixef nwem

1 Ayṯ-Kurinṯ 9:24

Ma war ṯessinem ca ṯazȓa nni iteggen ḏi lmelƹab? Marra tazzȓen walakin ijjen waha iy ɣa irebḥen ljaʼiza. Ammeni uȓa ḏ kenniw itxeṣṣa aḏ tazȓem bac at ṯrebḥem.

2 Ayṯ-Kurinṯ 12:21

Ggwḏeɣ aɣarwem d ƹeqbeɣ aḏ seḏḥiɣ zi Arebbi inu aḏ ruɣ aṭṭas x yinni ig iƹṣan zi qbeȓ, ƹaḏ war tuben ca zeg ufelles ḏ lfasad ḏ ȓeqbaḥeṯ iy tuɣa teggen.

Ayṯ-Galaṭya 6:7

War xeddƹeṯ ca ixef nwem, Arebbi war ṯ icemmeṯ uȓa ḏ ijjen. Iƹni min ma izreƹ bnaḏem, ḏ manayenni iy ɣa imjar.

Ayṯ-Kulus 3:5

X manaya nɣeṯ min iǧan ḏaywem ḏi ṭṭabiƹa nwem n ddunect-a iƹni lfasad ḏ min ixenzen ḏ ccehweṯ ḏ ȓxaḍar aƹeffan ḏ ṭṭmaƹ ig iǧan netta am lƹibada n lʼaṣnam.

Iƹibraniyen 12:14

Ggeṯ lmejhud bac aḏ tƹicem ḏi ȓehna ak marra iwḏan u bac aḏ tiȓim ṯeṣfam. Bȓa a niȓi neṣfa war ḏinni ḥadd iy ɣa iẓren Mawlana.

Iƹibraniyen 12:16

Arrem-d ȓbaȓ nwem bac war itegg can yijjen zzaywem lfasad, niɣ can yijjen war ɣares itiȓi bu Arebbi am Ƹasu nni iruḥ netta izzenz ȓḥaqq nnes zi lbaraka n babas x yijjen n ṭṭebsi n lmakla.

Iƹibraniyen 13:4

Weqqareṯ ȓemȓac marra. Qama n ȓemȓac aḏ tiȓi s nniyyeṯ bȓa ȓɣedȓan. Aqa Arebbi aḏ iƹaqeb yinni ifessḏen ḏ yinni izennan.

Yaƹqub 1:16

Ay ayṯma imƹizzen inu, war xeddƹeṯ ca ixef nwem.

1 Yuḥanna 3:7

A iḥenjiren, war tejjam ḥadd akenniw ixḏeƹ. Wenni ig iqqimen isxeddam min iǧan nican qa netta aqaṯ nican mammec ig iǧa Siḏiṯneɣ.

Lwaḥi 21:8

Walakin ccmayeṯ ḏ yinni war yuminen ca ḏ yinni iǧan ḏ iƹeffanen ḏ yinni ineqqen iwḏan ḏ yinni ifessḏen ḏ iseḥḥaren ḏ yinni iƹebbḏen lʼaṣnam ḏ marra yinni isxerriqen aqa amcan nsen aḏ yiȓi ḏi ȓebḥar ireqqen s ṯmessi ḏ ȓekbriyeṯ. Qa ṯenni ḏ ȓmewṯ wis ṯnayen."

Lwaḥi 22:15

Ɣar barra n ṯendint ǧan ḏinni iqzinen ḏ iseḥḥaren ḏ yinni ifessḏen ḏ yinni ineqqen iwḏan ḏ yinni iƹebbḏen lʼaṣnam ḏ marra yinni isxerriqen iy tḥibban ixarriqen.