1 Ayṯ-Kurinṯ 6:18 - Ṯarifiṯ 2020

¹⁸ Arewȓeṯ zi lfasad. Kuȓ ȓmuƹṣiyeṯ nneɣni ig itegg bnaḏem aḏ tiȓi ɣar barra n ddat nnes. Wenni iteggen lfasad iƹeṣṣa ddat nnes nniṯ.

1 Ayṯ-Kurinṯ 6:18 ပူးပေါင်းရင်းမြစ်များ

Ayṯ-Ruma 1:24

S manayenni isellem-iṯen Arebbi i min tcehhan wuȓawen nsen bac aḏ ggen lfasad bac aḏ sbehdȓen ayawya.

1 Ayṯ-Kurinṯ 6:9

Ma war ṯessinem ca belli yinni war yuminen ca war zemmaren aḏ warṯen ȓmulk n Arebbi? War xeddƹem ca ixef nwem. Yinni iteggen lfasad, ḏ yinni iƹebbḏen lʼaṣnam, ḏ yinni izennan, ḏ iḥenjiren ifessḏen ak iryazen, ḏ iryazen ifessḏen ak iryazen,

2 Ayṯ-Kurinṯ 12:21

Ggwḏeɣ aɣarwem d ƹeqbeɣ aḏ seḏḥiɣ zi Arebbi inu aḏ ruɣ aṭṭas x yinni ig iƹṣan zi qbeȓ, ƹaḏ war tuben ca zeg ufelles ḏ lfasad ḏ ȓeqbaḥeṯ iy tuɣa teggen.

Ayṯ-Galaṭya 5:19

Ȓexḏayem n ṭṭabiƹa ṯaƹeffant nneɣ aqa tbanent-id iƹni lfasad ḏ min isexnizen ḏ ȓeqbaḥeṯ,

Ayṯ-Ufasus 5:3

Wa labud war itiȓi walu jarawem zi lfasad niɣ ḏ min isexnizen niɣ ḏ ṭṭmaƹ ȓaḥeqqac manaya maci maƹqul i ṣṣaliḥin.

Ayṯ-Kulus 3:5

X manaya nɣeṯ min iǧan ḏaywem ḏi ṭṭabiƹa nwem n ddunect-a iƹni lfasad ḏ min ixenzen ḏ ccehweṯ ḏ ȓxaḍar aƹeffan ḏ ṭṭmaƹ ig iǧan netta am lƹibada n lʼaṣnam.

1 Ayṯ-Salunik 4:3

Aqa ȓxaḍar n Arebbi itxeṣṣa-kenniw aḏ tiȓim ṯeṣfam aḏ tbeƹƹḏem zi lfasad.

1 Ayṯ-Salunik 4:5

Maci aḏ tƹicem ḏi ccehweṯ n ddat nwem mammec teggen ȓegnus war issinen ca Arebbi.

2 Timutawus 2:22

Fa arweȓ zi ccahawaṯ nni ṯiƹeffanin n ṯemẓi, ḏeffar ṣṣulḥ ḏ lʼiman ḏ ȓemḥibbeṯ ḏ ȓehna ak yinni iy d iȓaɣan x Siḏiṯneɣ s yijjen n wuȓ iṣfa.

Iƹibraniyen 13:4

Weqqareṯ ȓemȓac marra. Qama n ȓemȓac aḏ tiȓi s nniyyeṯ bȓa ȓɣedȓan. Aqa Arebbi aḏ iƹaqeb yinni ifessḏen ḏ yinni izennan.

1 Buṭrus 2:11

Ay imƹizzen inu, nec qqareɣ-awem i kenniw iy iǧan ḏ iƹezzaben ḏ ibarraniyen ḏi dduncet-a, beƹƹḏeṯ zi ccehawaṯ nni ṯiƹeffanin iy kenniw itḥaraben ḍed n ȓaƹmar nwem.