1 Ayṯ-Kurinṯ 6:15 - Ṯarifiṯ 2020

¹⁵ Ma war ṯessinem ca belli ddat nwem nettaṯ ḏ ṭṭrufaṯ n ddat n Lmasiḥ? Iwa ṭṭrufaṯ-a, ma aṯent ysiɣ aṯent smuneɣ ak lfasdaṯ? Lla, ƹemmarṣ!

1 Ayṯ-Kurinṯ 6:15 ပူးပေါင်းရင်းမြစ်များ

Luqa 20:16

Aḏ d yas netta s yixef nnes aḏ ineɣ ixemmasen nni marra, aḏ ijj amarjeƹ nni uḍiȓ i inneɣni." Wami sȓin i manaya nnan: "Arebbi istar!"

Ayṯ-Ruma 12:5

Amenni iy neǧa uȓa ḏ neccin. Waxxa neccin aṭṭas iy iḏneɣ aqaneɣ marra iḏneɣ ḏ ijjen n ddat ḏi Lmasiḥ, kuȓ ṭṭarf iteḥḏaja unneɣni.

Ayṯ-Ruma 3:31

Iḏen, ma a nesbeṭṭeȓ ccariƹa s lʼiman-a? Ƹemmarṣ! Lla, neccin netḥama ccariƹa.

Ayṯ-Ruma 3:6

Lla, ƹemmarṣ! Maƹlik amenni, mammec ɣa igg Arebbi aḏ iḥaseb ddunect-a?

Ayṯ-Ruma 6:15

Iwa neccin ma a neƹṣa Arebbi xmi aqaneɣ swadday n arḍa nnes war neǧi ca swadday n ufus n ccariƹa? Lla, ƹemmarṣ!

Ayṯ-Ruma 6:2

Lla, ƹemmarṣ! Neccin nemmuṯ-as i ȓmuƹṣiyeṯ, ixeṣṣa-yaneɣ ȓexxu war netsiɣi ca a nƹic ḏayes.

Ayṯ-Ruma 7:13

Iwa, ma iḏweȓ min iṣebḥan ḏ ssabab iy zi ɣa mmṯeɣ nec? Lla, ƹemmarṣ! Lƹaks, ḏ ȓmuƹṣiyeṯ iy iggin manayenni, ṯesxeddam min iṣebḥan ḥima aḏayi ṯneɣ. Mayemmi? Ḥima aḏ tesmeḍhar ixef nnes nettaṯ ḏ ȓmuƹṣiyeṯ. Ṯumma s lfurṣa n ȓuṣiyeṯ-a ȓmuƹṣiyeṯ ṯesmeḍhar-d bȓa ȓaḥedd mecḥaȓ iqbeḥ ccarr nnes.

Ayṯ-Ruma 7:7

Iwa min ɣa nini? Ma ccariƹa n Musa nettaṯ s yixef nnes ḏ ijjen n ȓmuƹṣiyeṯ? Lla, ƹemmarṣ! Maƹlik ccariƹa war ṯeǧi, ataf war ssineɣ min ṯeƹna ȓmuƹṣiyeṯ. Maƹlik war ḏayes ȓuṣiyeṯ nni , ataf war ssineɣ min iƹna uƹeccaq.

1 Ayṯ-Kurinṯ 11:3

Walakin xseɣ akenniw sfehmeɣ mliḥ qa azeǧif n mkuȓ aryaz netta ḏ Lmasiḥ u ḏ netta ig itrayan. Azeǧif n mkuȓ ṯamɣarṯ netta ḏ aryaz u ḏ netta ig itrayan. Azeǧif n Lmasiḥ netta ḏ Arebbi u ḏ netta ig itrayan.

1 Ayṯ-Kurinṯ 12:27

Fa kenniw ḏ ddat-a iƹni ḏ jmaƹeṯ n Lmasiḥ, kuȓ ijjen zzaywem ḏ ijjen ṭṭarf zzayes.

1 Ayṯ-Kurinṯ 6:13

Aḏ yini ijjen: "Iwa lmakla n uƹeddis, aƹeddis n lmakla." Walakin Arebbi aṯen ihḏem s ṯnayen iḏsen. Ddat maci n lfasad, ddat nettaṯ n Siḏiṯneɣ. U Siḏiṯneɣ itḏebbar i ddat.

1 Ayṯ-Kurinṯ 6:17

Walakin wenni imunen ak Siḏiṯneɣ aḏ iḏweȓ ḏ ijjen n arruḥ akiḏes.

1 Ayṯ-Kurinṯ 6:19

Niɣ ma war ṯessinem ddat nwem nettaṯ ḏ ṯamziḏa n Arruḥ iqeddsen ig izeddɣen ḏaywem? Iwa ɣarwem Arruḥ-a zi Arebbi. Kenniw war trayim ca x yixef nwem

1 Ayṯ-Kurinṯ 6:3

Ma war ṯessinem ca belli a neḥkem x lmalaʼikaṯ? Iwa u labud a neḥkem x ṯmesȓayin n ṯuḏarṯ-a!

Ayṯ-Galaṭya 2:17

Fa neccin nrezzu a nemṣȓaḥ ak Arebbi s lʼiman zi Lmasiḥ. Meȓa s manaya menbaƹd nufa ixef nneɣ am ȓegnus iƹeṣṣan zaƹma, ma ataf Lmasiḥ itcejjaƹ-aneɣ ɣar ȓmuƹṣiyeṯ? Lla, ƹemmarṣ!

Ayṯ-Galaṭya 3:21

Iḏen Ccariƹa n Musa, ma tƹarraḍ lwuƹud n Arebbi? Lla walu! Cuf, maƹlik ṯemmuc can ccariƹa iticcen ṯuḏarṯ i bnaḏem, ataf aḏaneɣ ṯarr nican ak Arebbi ccariƹa nni.

Ayṯ-Galaṭya 6:14

Walakin nec ƹemmarṣ aḏ ftaxareɣ illa zi ṣṣalib n Siḏiṯneɣ Ƹisa Lmasiḥ. Zi ṣṣalib nnes iy zi ṯetwaṣelleb ddunect i nec, u zzayes ƹaweḏ nec iy zi twaṣellbeɣ i ddunect.

Ayṯ-Ufasus 4:12

Niṯni aḏ swejḏen i ṣṣaliḥin aḏ xeḏmen ccɣeȓ n Arebbi bac jmaƹeṯ n Lmasiḥ aḏ tejheḏ.

Ayṯ-Ufasus 5:23

Ȓaḥeqqac aryaz itrayya x ṯemɣarṯ nnes mamc ƹaweḏ itrayya Lmasiḥ x jmaƹeṯ n ȓmuminin. Jmaƹeṯ-a isenjem-it Lmasiḥ u ḏ nettaṯ ig iǧan ḏ ddat nnes.

Ayṯ-Ufasus 5:30

Liʼanna neccin ḏ ṭrufaṯ n ddat nnes.

Ayṯ-Kulus 2:19

Bnaḏem nni isexṣar lƹalaqa ak wenni itrayyan ḏ azeǧif. Azeǧif nni netta itḏebbar i ddat nnes amen-ṯekmaȓ wami nettaṯ ṯmun s ipurṣuṯen ḏ ȓemfaseȓ nnes bac ddat aḏ temɣar ƹlaḥsab min ixes Arebbi aḏ temɣar.