1 Ayṯ-Kurinṯ 6:13 - Ṯarifiṯ 2020

¹³ Aḏ yini ijjen: "Iwa lmakla n uƹeddis, aƹeddis n lmakla." Walakin Arebbi aṯen ihḏem s ṯnayen iḏsen. Ddat maci n lfasad, ddat nettaṯ n Siḏiṯneɣ. U Siḏiṯneɣ itḏebbar i ddat.

1 Ayṯ-Kurinṯ 6:13 ပူးပေါင်းရင်းမြစ်များ

Matta 15:17

Ma war ṯessinem belli min itaḏfen ḏeg uqemmum itraḥ ɣar uƹeddis iteffeɣ zi ddat?

Matta 15:20

Ḏ ṯimesȓayin-a ig itḥarramen bnaḏem. Walakin meȓa icca s ifassen bȓa ma ṯen isireḏ ataf war itḥarrim bu bnaḏem."

Marqus 7:19

Minzi war itiḏef ca ɣar wuȓ nnes; Lla, itraḥ ɣar uƹeddis iteffeɣ zi ddat." (S manaya Ƹisa yarra marra lmakla ḥalal.)

Yuḥanna 6:27

War xeddmeṯ ca i ȓmakla ixessaren, xeḏmeṯ i ȓmakla itɣiman i ṯuḏarṯ n ȓebda. Ḏ ṯa ḏ ȓmakla ḏawem ɣa yuc Mmis n bnaḏem minzi wanita iḍbeƹ-iṯ Arebbi Babas s ṭṭabaƹ nnes."

Yuḥanna 6:49

Ȓejḏuḏ nwem ccin aɣrum n ujenna ḏi ȓexȓa, waxxa amenni mmuṯen.

Ayṯ-Ruma 12:1

Iḏen fa ay ayṯma, s arraḥmeṯ n Arebbi tcejjaƹeɣ-kenniw aḏ tqeddmem ixef nwem i Arebbi amecnaw ijjen n dbiḥeṯ ṯeddar, ḏ ṯamqeddest, axas yarḍa netta. Manaya ḏ lwajib n lƹibada xawem.

Ayṯ-Ruma 14:17

Liʼanna ȓmulk n Arebbi netta war iǧi ca s macca niɣ ḏ ṯisessi; netta s umṣȓaḥ ak Arebbi ḏ ȓehna ḏ ȓefraḥeṯ s Arruḥ iqeddsen.

Ayṯ-Ruma 6:12

Falihaḏa ixeṣṣa war tejjim ca ȓmuƹṣiyeṯ aḏ teḥkem x ddat nwem iy ɣa ifnan ḥima war teggem ca array i ccehweṯ nnes.

Ayṯ-Ruma 7:4

Ay ayṯma, amenni iy ṯeǧam uȓa ḏ kenniw. Iƹni twafekkem zi ccariƹa n Musa wami ṯemmuṯ ddat n Lmasiḥ, aqawem x yiri n yijjen nneɣni netta ḏ yiri n Lmasiḥ iy d ikkaren zi ȓmewṯ, ḥima a narew ȓexḏayem ḏ ṯiṣebḥanin i Arebbi.

1 Ayṯ-Kurinṯ 3:16

Ma war ṯessinem ca belli ḏ kenniw iy iǧan ḏ ṯamziḏa n Arebbi, izeddeɣ ḏaywem Arruḥ n Arebbi?

1 Ayṯ-Kurinṯ 6:15

Ma war ṯessinem ca belli ddat nwem nettaṯ ḏ ṭṭrufaṯ n ddat n Lmasiḥ? Iwa ṭṭrufaṯ-a, ma aṯent ysiɣ aṯent smuneɣ ak lfasdaṯ? Lla, ƹemmarṣ!

1 Ayṯ-Kurinṯ 6:19

Niɣ ma war ṯessinem ddat nwem nettaṯ ḏ ṯamziḏa n Arruḥ iqeddsen ig izeddɣen ḏaywem? Iwa ɣarwem Arruḥ-a zi Arebbi. Kenniw war trayim ca x yixef nwem

2 Ayṯ-Kurinṯ 5:15

Immuṯ netta ƹlaḥsab marra iwḏan bac yinni iddaren war teddaren ca i yixef nsen waha, aḏ ddaren i wenni xasen immuṯen ṯumma itwasekkar-d zi ȓmewṯ.

Ayṯ-Galaṭya 5:24

U yinni iǧan n Ƹisa Lmasiḥ ṣafi ṣellben ṭṭabiƹa nni ṯaƹeffant nsen ak ccehweṯ ḏ ȓxaḍar n ṭṭabiƹa-ya.

Ayṯ-Ufasus 5:23

Ȓaḥeqqac aryaz itrayya x ṯemɣarṯ nnes mamc ƹaweḏ itrayya Lmasiḥ x jmaƹeṯ n ȓmuminin. Jmaƹeṯ-a isenjem-it Lmasiḥ u ḏ nettaṯ ig iǧan ḏ ddat nnes.