1 Ayṯ-Kurinṯ 5:11 - Ṯarifiṯ 2020

¹¹ Lla, walakin ȓexxu nec uriɣ-awem-d bac war tƹacarem ca ȓmumen wenni iqqaren qa nec ḏ umac walakin netta itegg lfasad niɣ ḏ aḍemmaƹ niɣ iƹebbeḏ lʼaṣnam niɣ iqqar ȓbaṭeȓ niɣ isess aṭṭas n ccreb niɣ ḏ aɣeccac. Ijjen am wanita, war tettem ca akiḏes qaƹ.

1 Ayṯ-Kurinṯ 5:11 ပူးပေါင်းရင်းမြစ်များ

Matta 18:17

Walakin meȓa yugi aɣarsen iṣenneṭ, ini-ṯ i jmaƹṯ n ȓmuminin. U meȓa yugi aɣarsen iṣenneṭ, ḥseb-iṯ ḏ ȓkafer niɣ ḏ axeddaƹ.

Matta 23:25

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Kenniw ṯsiriḏem mliḥ ȓkas ḏ ṭebṣi ɣar barra, walakin ɣar ḏaxeȓ aqa ccuren s ṯukkarḏa ḏ ṭṭmaƹ!

Luqa 18:11

Ibedd ufarrisi nni itẓaǧa ḏi nnefs nnes inna: Ya Arebbi tcekkareɣ-cek, minzi war ǧiɣ ca am yiwḏan nneɣni iǧan ḏ ixewwanen niɣ ḏ yinni war iǧin ca nican niɣ ḏ yinni izennan niɣ am wanita ig ijemmƹen ḍḍariba!

Luqa 21:34

Ma ṯexsem aḏ teccem uȓ nwem? Ḥḍaṯ ixef nwem zi lmaddla n ssekra ḏ waṭṭas n ccreb ḏ ȓehmum n ddunect-a. Qa aḏ d yas Nhar nni aneggaru ƹlaɣafla am yijjen n ṯexcefṯ.

Ȓexḏayem 1:15

Ḏeg wussan nni ikkar Buṭrus ibedd ḏi ȓwesṭ n ȓmuminin (ḏinni can miyya u ƹicrin iḏsen) inna-asen:

Ȓexḏayem 9:17

Iruḥ Anas yuḏef ṯaddarṯ nni isers ifassen nnes x Cawul inna-as: "Ay uma Cawul, nec qa issekk-ayi-d Siḏiṯneɣ Ƹisa, wenni iy ḏac d imeḍharen ḏeg ubriḏ nni iy d ṯuwiḏ. Issekk-ayi-d ɣarek ḥima aḏ tḏewȓeḏ twaȓiḏ aḏ teccareḏ s Arruḥ iqeddsen."

Ayṯ-Ruma 13:13

Itxeṣṣa labud a nuyur s lʼiḥtiram am wenni igguren ḏi ṯfawṯ n nhar. War ntegg ca lmadella n ssekra ḏ waṭṭas n ccreb ḏ lfasad ḏ ȓeqbaḥeṯ ḏ umenɣi ḏ ȓeḥseḏ.

Ayṯ-Ruma 16:17

Ay ayṯma, tettareɣ zzaywem aḏ teḥḍam ixef nwem zeg yinni iferrqen ȓmuminin x wayawya teggen-awem min isefciȓen, iƹni ḍed ṯɣuri nni iy ṯȓemḏem kenniw. Beƹƹḏeṯ xasen x yina.

1 Ayṯ-Kurinṯ 10:14

S manayenni ay imƹizzen inu, arewȓeṯ zi lʼaṣnam.

1 Ayṯ-Kurinṯ 11:21

Mayemmi? Liʼanna kuȓ ijjen min itegg: ijjen itraḥ itett waha bȓa ma aḏ iraja wenni nneɣni, ijjen iǧuz, ijjen isess aṭṭas n waman uḍiȓ.

1 Ayṯ-Kurinṯ 5:13

Lkuffar ɣar barra axasen iḥkem Arebbi. Ṣafi, mammec iqqar Lkitab:

1 Ayṯ-Kurinṯ 6:10

ḏ iceffaren, ḏ iḍemmaƹen, ḏ yinni isessen aṭṭas n ccreb, ḏ yinni iqqaren ȓbaṭeȓ, ḏ iɣeccacen war twaraṯen ca ȓmulk n Arebbi.

1 Ayṯ-Kurinṯ 6:6

Walakin maci mliḥ awmaṯen temcarraƹen ak wayawya zzaṯ i yinni war yuminen ca.

1 Ayṯ-Kurinṯ 6:9

Ma war ṯessinem ca belli yinni war yuminen ca war zemmaren aḏ warṯen ȓmulk n Arebbi? War xeddƹem ca ixef nwem. Yinni iteggen lfasad, ḏ yinni iƹebbḏen lʼaṣnam, ḏ yinni izennan, ḏ iḥenjiren ifessḏen ak iryazen, ḏ iryazen ifessḏen ak iryazen,

1 Ayṯ-Kurinṯ 7:12

Fa yinni nneɣni, qqareɣ-asen nec (iƹni war t iqqar ca Siḏiṯneɣ, ɣir nec): Meȓa can umaṯneɣ ɣares ṯamɣarṯ maci ḏ ȓmumna ṯeqbeȓ akiḏes ṯƹic, memnuƹ aḏas iǧef.

1 Ayṯ-Kurinṯ 7:15

Innama, wenni niɣ ṯenni war yuminen ca meȓa ismeḥ, ṣafi aḏ ismeḥ. Iƹni ȓmumen-a ḏ ȓmumna-ya ɣarsen lḥurriya s ḍḍuruf-a liʼanna iȓaɣa-yawem-d Arebbi aḏ tƹicem ḏi ȓehna.

1 Ayṯ-Kurinṯ 8:11

U s ṯusna-ya nnec zaƹma aḏ tdemmareḏ umaṯneɣ wanita iḍeƹfen iy xef immuṯ Lmasiḥ.

Ayṯ-Galaṭya 2:12

Min iƹna lɣaleṭ nni? Aqa qbeȓ ma aḏ d yas ijjen n ȓḥizeb iƹni can yiwḏan zi Yaƹqub tuɣa Buṭrus itett ak ȓmuminin iǧan ḏ iyunaniyen. Walakin wami d yusa ȓḥizeb nni, ibḏa Buṭrus itbeƹƹaḏ x iyunaniyen nni ineƹzeȓ xasen. Mayemmi? Liʼanna iggweḏ zi ȓḥizeb nni iƹni n ṭṭahareṯ.

Ayṯ-Ufasus 5:18

War skareṯ ca s ccreb ig itawin ɣar lmadella n ssekra; Lla, ccarem s Arruḥ iqeddsen.

Ayṯ-Ufasus 5:5

Liʼanna wenni iteggen lfasad niɣ ḏ min isexnizen niɣ ḏ min iseḍmaƹen, iƹni netta ḏ wenni iƹebbḏen lʼaṣnam, aqa tessnem bȓa ccekk belli marra yinni iteggen manaya war ɣarsen bu lwareṯ ḏi ȓmulk n Lmasiḥ niɣ ḏi Arebbi.

Ayṯ-Kulus 3:5

X manaya nɣeṯ min iǧan ḏaywem ḏi ṭṭabiƹa nwem n ddunect-a iƹni lfasad ḏ min ixenzen ḏ ccehweṯ ḏ ȓxaḍar aƹeffan ḏ ṭṭmaƹ ig iǧan netta am lƹibada n lʼaṣnam.

2 Ayṯ-Salunik 3:14

Wenni war itṭiƹin ca i wawaȓ nneɣ ḏi ṯebrat-a ggem-ṯ ḏi ȓbaȓ nwem, war kiḏes ggurem ca bac aḏ iseḏḥa.

2 Ayṯ-Salunik 3:6

Fa ay ayṯma, netweṣṣa-kenniw ƹlaḥsab isem n Siḏiṯneɣ Ƹisa Lmasiḥ aḏ tbeƹƹḏem zi mkuȓ ȓmumen itbaƹen farq-ccɣeȓ, netta war iḏeffar ca ttaƹlim iy ṯqebȓem zzayneɣ.

1 Timutawus 3:3

Itxeṣṣa war itegg ca lmadla n ssekra, war icciṯ ca aḏ yiȓi trankiȓ. Itxeṣṣa war itmenɣi ca s wawaȓ, war iḍemmeƹ ca ḏi tmenyaṯ.

1 Timutawus 6:5

Iryazen-a thewwaȓen jarasen s ȓaƹquȓaṯ nsen iƹewwjen ṯweddar-asen lḥaqiqa. Tfekkaren belli lʼiman ḏ ijjen n ubriḏ bac aḏ rebḥen tmenyaṯ.

2 Yuḥanna 1:10

Wenni iy ɣarwem d itasen war d itiwi akiḏes ttaƹlim-a, itxeṣṣa-kenniw war ṯ ṯsiḏifem ca ɣar ṯuḏrin nwem war ḏas ṯeqqarem ca ḥetta uȓa ḏ azul.

Lwaḥi 2:14

Walakin ƹeyybeɣ xac can ṯmesȓayin wami akiḏec can iwḏan iy tbaƹen ttaƹlim n Balƹam. Netta tuɣa iseȓmaḏ-as i Barak mammec ɣa igg ṯaxcebṯ i Ayṯ-Israʼil bac aḏ ccen dbiḥeṯ itqeddamen i lʼaṣnam aḏ fesḏen.

Lwaḥi 2:20

Walakin ƹeyybeɣ xac wami ṯejjiḏ Izabil ṯamɣarṯ tarra ixef nnes ḏ nnabiya. Ṯxeddeƹ lƹibad inu, ṯseȓmaḏ-iṯen aḏ fesḏen, aḏ ccen zi dbiḥeṯ itqeddamen i l'aṣnam.

Lwaḥi 21:8

Walakin ccmayeṯ ḏ yinni war yuminen ca ḏ yinni iǧan ḏ iƹeffanen ḏ yinni ineqqen iwḏan ḏ yinni ifessḏen ḏ iseḥḥaren ḏ yinni iƹebbḏen lʼaṣnam ḏ marra yinni isxerriqen aqa amcan nsen aḏ yiȓi ḏi ȓebḥar ireqqen s ṯmessi ḏ ȓekbriyeṯ. Qa ṯenni ḏ ȓmewṯ wis ṯnayen."

Lwaḥi 22:15

Ɣar barra n ṯendint ǧan ḏinni iqzinen ḏ iseḥḥaren ḏ yinni ifessḏen ḏ yinni ineqqen iwḏan ḏ yinni iƹebbḏen lʼaṣnam ḏ marra yinni isxerriqen iy tḥibban ixarriqen.