1 Ayṯ-Kurinṯ 5:10 - Ṯarifiṯ 2020

¹⁰ Walakin tuɣa war ssiwiȓeɣ ca x lkuffar n ddunect-a yinni iteggen lfasad niɣ ḏ iḍemmaƹen niɣ ḏ iɣeccacen niɣ ḏ yinni iƹebbḏen lʼaṣnam. Maƹlik amenni, aḏ yiȓi labud aḏ teffɣem zi ddunect-a qaƹ.

1 Ayṯ-Kurinṯ 5:10 ပူးပေါင်းရင်းမြစ်များ

Luqa 18:11

Ibedd ufarrisi nni itẓaǧa ḏi nnefs nnes inna: Ya Arebbi tcekkareɣ-cek, minzi war ǧiɣ ca am yiwḏan nneɣni iǧan ḏ ixewwanen niɣ ḏ yinni war iǧin ca nican niɣ ḏ yinni izennan niɣ am wanita ig ijemmƹen ḍḍariba!

Yuḥanna 15:19

Maƹlik kenniw zi ddunect-a, iȓi kenniw ṯƹizzem x ddunect-a. Walakin kenniw war ṯeǧim ca zi ddunect. Nec ixḍareɣ-kenniw zi ddunect-a, s manayenni tƹiffa-kenniw ddunect.

Yuḥanna 17:6

Sbeyyneɣ-d isem nnec i imeḥḍaren-a iy ḏayi ṯuciḏ zi ddunect-a. Cek ṯeǧiḏ ḏ bab nsen qbeȓ, ṯuciḏ-ayi-ṯen qa ṭaƹen i wawaȓ nnec.

Yuḥanna 17:9

Tettareɣ ƹlaḥsab i niṯni. War tettareɣ ca ƹlaḥsab i ddunect-a; Lla, tettareɣ ƹlaḥsab i yinni iy ḏayi ṯuciḏ minzi niṯni nnec.

Yuḥanna 8:23

Inna-asen Ƹisa: "Kenniw zeg wadday iƹni zi ṯmurṯ, nec zeg ujenna. Kenniw zi ddunect-a, nec war ǧiɣ ca zi ddunect-a.

1 Ayṯ-Kurinṯ 1:20

Wenni itefhamen zaƹma, ȓexxu mani iǧa? Amseȓmaḏ n ccariƹa zaƹma, ȓexxu mani iǧa? Lfilasuf n ȓweqṯ-a zaƹma, ȓexxu mani iǧa? Yak Arebbi isbuheȓi ȓefhameṯ n yiwḏan n ddunect-a ṯanita?

1 Ayṯ-Kurinṯ 10:27

Meȓa can yijjen maci ḏ ȓmumen iƹareḍ-ikenniw bac aḏ teccem akiḏes u kenniw ṯrezzum aḏ traḥem, cceṯ min ma ṯufim sersen-t zzaṯ nwem war tseqsam ca, jjeṯ ḍḍamir nwem mertaḥ.

1 Ayṯ-Kurinṯ 5:11

Lla, walakin ȓexxu nec uriɣ-awem-d bac war tƹacarem ca ȓmumen wenni iqqaren qa nec ḏ umac walakin netta itegg lfasad niɣ ḏ aḍemmaƹ niɣ iƹebbeḏ lʼaṣnam niɣ iqqar ȓbaṭeȓ niɣ isess aṭṭas n ccreb niɣ ḏ aɣeccac. Ijjen am wanita, war tettem ca akiḏes qaƹ.

1 Ayṯ-Kurinṯ 5:9

Tuɣa uriɣ-awem-d ḏi ṯebrat nni inu war tƹacareṯ ca yinni iteggen lfasad.

2 Ayṯ-Kurinṯ 4:4

Yinni war yuminen ca ȓaƹquȓaṯ nsen isṭemmeṣ-iṯen Ibȓis wenni iǧan am arebbi n ddunect-a zaƹma. Niṯni war zemmaren aḏ ẓren nnur n Lʼinjil iƹni lƹaḍama n Lmasiḥ, netta iǧan ḏ ṣṣifeṯ n Arebbi.

Ayṯ-Ufasus 2:2

Ḏaysent iy tuɣa tƹicem xmi ṯeggurem ḏeg ubriḏ n ddunect-a ṯḏeffarem arrayes n ȓeḥkam iy iǧan jar ujenna ḏ ṯmurṯ iƹni Cciṭan iy iǧan netta ḏ arruḥ nni ig ixeddmen ḏeg yinni iy iƹeṣṣan Arebbi.

Ayṯ-Filippas 2:15

Ammu aḏ tiȓim beriʼin bȓa ȓƹib ḏi ȓwesṭ n yiwḏan n ȓweqṯ-a iƹewwjen ixarewḍen. Ḏaysen iy ṯreqqem am yiṯran ḏi ddunect-a xmi ḏasen tqeddamem awaȓ n ṯuḏarṯ. Amenni aḏ ftaxareɣ ḏi Nhar nni n Lmasiḥ nec war uzziȓeɣ ca war xḏimeɣ ca ḏi ȓxawi waha.

1 Yuḥanna 4:5

Niṯni zi ddunect-a. Falihaḏa ssawaȓen s ȓaƹquȓaṯ nsen n ddunect-a waha, iwḏan n ddunect-a tṣennaṭen-asen.

1 Yuḥanna 4:7

Ay imƹizzen inu, u labud a ntexs ayawya ȓaḥeqqac ȓemḥibbeṯ tekka-d zi Arebbi. Wenni itexsen netta ixȓeq-d zi Arebbi issen Arebbi.

1 Yuḥanna 5:19

Nessen illa neccin zi Arebbi, nessen ƹaweḏ marra ddunect-a aqat swadday i ṯzemmar n Lmufsid.

Lwaḥi 12:9

Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.