1 Ayṯ-Kurinṯ 4:9 - Ṯarifiṯ 2020

⁹ Liʼanna tfekkareɣ belli neccin arrusul isfurruj-aneɣ Arebbi ḏ ineggura ḏi lmelƹab, iƹni neccin am yiwḏan ḥekmen xasen s ȓmewṯ aḏ mmṯen ḏinni. Igga-aneɣ a nesfurruj ddunect-a ṯekmaȓ, iƹni iwḏan ḏ lmalaʼikaṯ.

1 Ayṯ-Kurinṯ 4:9 ပူးပေါင်းရင်းမြစ်များ

Ȓexḏayem 19:29

Ṯewqeƹ ijjen n ȓfawḍa ḏ ṯameqqrant ḏi ṯendint nni amen-ṯekmaȓ. Munen yiwḏan-a uzzȓen ɣar furbu jarren akiḏsen ṯnayen n imeddukaȓ n Bulus iy kiḏes itsafaren, ijjen qqaren-as Ɣayus ijjen qqaren-as Aristarxus, niṯni zi Ayṯ-Masidunya.

Ȓexḏayem 19:31

Ḥetta can n imxazniyen ḏ imeqqranen zi lʼiqlim nni n Asya iy ǧan ḏ imeddukaȓ n Bulus ssekken ɣares ttaren zzayes nnan-as war traḥ ca ɣar furbu nni.

Ayṯ-Ruma 8:36

Mammec iqqar Lkitab:

1 Ayṯ-Kurinṯ 15:19

Maƹlik negga lʼamal nneɣ ḏi Lmasiḥ ƹlaḥsab ṯuḏarṯ-a ṯanita waha, iȓi s manaya netziǧiz i yiwḏan zaƹma ktar zeg yiwḏan marra.

2 Ayṯ-Kurinṯ 11:23

Meȓa niṯni ḏ ixeddamen n Lmasiḥ, uȓa ḏ nec ḥsen ƹaḏ ḏ axeddam n Lmasiḥ (ssawaȓeɣ zaƹma s ṯubbuhȓiya-ya). Nec ccaṯeɣ tamara ktar zzaysen, ḥebbsen-ayi ktar zzaysen, uwṯin-ayi s usɣun ktar zzaysen. Nec mecḥaȓ n ṯwaȓaṯin twajaheɣ ȓmewṯ.

2 Ayṯ-Kurinṯ 6:9

nekkaren-aneɣ walakin neccin netwassen mliḥ; netmetta walakin neccin nteddar; tƹaqaben-aneɣ walakin neccin war ḏaneɣ neqqen ca;

1 Ayṯ-Salunik 3:3

Nessekk-iṯ ḥima uȓa ḏ ijjen war iterjiji ca s ȓemḥayen-a nwem; Aqa ṯessnem belli manaya iy xaneɣ yurin.

Iƹibraniyen 1:14

Lmalaʼikaṯ, niṯenti min ƹnant? Niṯenti ḏ arruḥaṯ twassekkent-id aḏ sexxarent i yinni iy ɣa iwarṯen asenjem.

Iƹibraniyen 10:33

Ȓebƹaḍ n ṯwaȓaṯin tzebbaȓen-kenniw tƹeddaben-kenniw, iwḏan tfurrujen xawem. Ȓebƹaḍ n ṯwaȓaṯin tƹawanem yinni itwaƹeddaben tbeddam akiḏsen.

Iƹibraniyen 11:36

Ȓebƹaḍ n yiwḏan ḥeggaren-ṯen, uwṯin-ṯen s usɣun, carfen-ṯen s snaseȓ, ḥebbsen-ṯen.