1 Ayṯ-Kurinṯ 4:6 - Ṯarifiṯ 2020

⁶ Ay ayṯma qqareɣ manaya x Apullus ḏ nec, meṯṯleɣ manaya ḥima azzayes ṯawim nnfaƹ. Kenniw aḏ tȓemḏem zzayneɣ min iƹna lmiṯal nni iqqaren "War tbeƹƹaḏeṯ ca zi min yurin ḏi Lkitab." Amenni war ḏinni ḥadd aḏ isecneƹ can uryaz x unneɣni.

1 Ayṯ-Kurinṯ 4:6 ပူးပေါင်းရင်းမြစ်များ

Ȓexḏayem 18:24

Ijjen n uʼisraʼili qqaren-as Apulus netta ixȓeq ḏi ṯendint n Iskandariya, yusa-d ɣar ṯendint n Ufasus. Netta ifsus ḏeg wawaȓ iɣra aṭṭas ḏi Lkutub.

Ȓexḏayem 19:1

Apulus wami iǧa ḏi ṯendint n Kurinṯ ḏi lʼiqlim n Uxaya, ikkar arrasul Bulus ikka x ubriḏ n iḏurar yuweḍ ɣar ṯendint n Ufasus. Yufa ḏinni can imeḥḍaren

Ayṯ-Ruma 12:3

Fa s lbaraka iy ḏayi yuca Arebbi qqareɣ i mkuȓ ijjen zzaywem: War ḥesseb ca ixef nnec ktar zi min ṯeƹniḏ. Cek fekkar s ȓaƹqeȓ nnec ƹlaḥsab mecḥaȓ n lʼiman iy ḏac yuca Arebbi.

1 Ayṯ-Kurinṯ 1:12

Iƹni, ijjen iqqar nec ḏeffareɣ Bulus. Ijjen iqqar nec ḏeffareɣ Apullus. Ijjen iqqar nec ḏeffareɣ Buṭrus. Ijjen iqqar nec ḏeffareɣ Lmasiḥ.

1 Ayṯ-Kurinṯ 1:19

Liʼanna iqqar Lkitab: <Ȓefhameṯ n yinni itefhamen at heḏmeɣ. Ȓefṭaneṯ n yinni ifeṭṭnen at sfecȓeɣ.>

1 Ayṯ-Kurinṯ 1:31

Falihaḏa, mamc iqqar Lkitab:

1 Ayṯ-Kurinṯ 13:4

Ȓemḥibbeṯ ḏayes ttisaƹ n ȓxaḍar, ḏayes ij n lḥanana. Nettaṯ war teftaxar war ṯḥesseḏ ca. War ḏayes ttakebbur,

1 Ayṯ-Kurinṯ 3:19

Cuf, ȓefhameṯ n ddunect-a nettaṯ ḏ ṯubbuhȓiya waha ɣar Arebbi. Liʼanna iqqar Lkitab:

1 Ayṯ-Kurinṯ 3:21

Iwa ṣafi, maci aḏ teftaxarem s iryazen. Cuf, kuȓci nwem: waxxa ḏ Bulus niɣ ḏ Apullus niɣ ḏ Buṭrus, niɣ ḏ ddunect-a niɣ ḏ ṯuḏarṯ niɣ ḏ ȓmewṯ, niɣ ḏ min iǧan ȓexxu niɣ ḏ min ɣa yiȓin menbaƹd, iƹni kuȓci nwem.

1 Ayṯ-Kurinṯ 5:2

Y kenniw, ma ḏaywem ttakebbur?! Lla, kenniw itxeṣṣa aḏ txeyyqem. Itxeṣṣa aḏ tsufɣem wenni iggin manaya zi jmaƹeṯ nwem.

1 Ayṯ-Kurinṯ 5:6

Maci mliḥ wami teftaxarem. War ṯessinem ca illa ɣir ḏrus n untun iy d isgaƹƹaḏen marra ȓƹajneṯ n urecṯi?

1 Ayṯ-Kurinṯ 8:1

Fa lmakla itqeddamen i lʼaṣnam. Neccin marra iḏneɣ ɣarneɣ ṯusna, iƹni nessen ṯimesȓayin. Ṯusna-ya iy nessen tsuffa iwḏan s ttakebbur, walakin ȓemḥibbeṯ tarni ḏayneɣ jjheḏ.

1 Ayṯ-Kurinṯ 9:23

Nec teggeɣ marra manaya ƹlaḥsab Lʼinjil ḥima aḏ carceɣ ḏi lbarakaṯ nnes.

2 Ayṯ-Kurinṯ 10:12

Cuf, war nzemmar a nqaran ixef nneɣ niɣ a nmeṯṯel ixef nneɣ ak yinni itcekkaren i yixef nsen. Yina xmi tmeyyazen ixef nsen ak wayawya niɣ tmeṯṯalen ixef nsen ak wayawya iƹni ḏaysen ȓeqfaȓeṯ.

2 Ayṯ-Kurinṯ 10:15

War nteftaxar ca s ȓxeḏmeṯ iy ggin midden iƹni bac a nawi ccan nnes; Lla, neccin netmenna aḏ tarnim ḏi lʼiman nwem bac ƹaweḏ lḥudud nneɣ akiḏwem itmarni.

2 Ayṯ-Kurinṯ 10:7

Kenniw ṯxezzarem ɣar min d itbanen x wuḏem waha. Meȓa can yijjen metʼakked netta zi Lmasiḥ u labud aḏ ifekkar uȓa ḏ neccin zi Lmasiḥ am netta.

2 Ayṯ-Kurinṯ 11:4

Liʼanna kenniw ṯeqqarem maƹlic waxxa yusa-d ɣarwem ijjen itbeccaren s yijjen n Ƹisa nneɣni mzuwwar maci ḏ wenni iy xef netbeccar neccin zi qbeȓ. Niɣ ḏeɣya ṯqebbȓem ijjen n arruḥ nneɣni mzuwwar maci ḏ wenni iy tuɣa ṯqebȓem zi qbeȓ. Niɣ ḏeɣya ṯqebbȓem ijjen n Lʼinjil nneɣni mzuwwar maci ḏ wenni iy tuɣa ṯqebȓem zi qbeȓ.

2 Ayṯ-Kurinṯ 12:19

Mecḥaȓ zeg wami ṯnewwam zaƹma ndafeƹ x yixef nneɣ zzaṯwem waha? Lla ay imƹizzen inu, nessawaȓ marra manaya ḏi Lmasiḥ zzaṯ i Arebbi bac akenniw nsejheḏ.

2 Ayṯ-Kurinṯ 12:20

Cuf, ggwḏeɣ xmi d ɣa awḍeɣ war kenniw tifeɣ ca mammec tmenniɣ akenniw afeɣ. U ƹaweḏ war ḏayi tifem ca mammec tmennim aḏayi ṯafem. Ggwḏeɣ aḏ afeɣ jarawem amenɣi ḏ ȓeḥseḏ ḏ uƹaṣṣeb, kuȓ ijjen irezzu i yixef nnes waha, ḏ ȓbaṭeȓ ḏ nnamima, ḏaywem ttakebbur ḏ ȓfawḍa.

2 Ayṯ-Kurinṯ 12:6

Cuf, mȓi xseɣ aḏ ftaxareɣ zeg yixef inu ataf ssawaȓeɣ s ȓḥaqq maci s ṯubbuhȓiya. Walakin ugiɣ aḏ ggeɣ ammu, mayemmi? Ḥima aḏayi ḥesben yiwḏan ɣir s min twaȓan ḏayi s ṯiṭṭawin nsen u ḏ min tṣennaṭen zzayi s imejjan nsen.

2 Ayṯ-Kurinṯ 4:15

Cuf, manaya iwqeƹ marra bac akenniw infeƹ. Xmi itentacar arḍa ɣar yiwḏan aṭṭas s waṭṭas iƹni arḍa-ya aḏ d isfeyyeḍ ccuker i lƹaḍama n Arebbi.

Ayṯ-Kulus 2:18

War tejjam uȓa ḏ ijjen n bnaḏem akenniw isbeṭṭeȓ x ljaʼiza. Netta bnaḏem nni ḏ wenni ig isemɣaren min iqesḥen ḏi ddin, isemɣar ƹaweḏ lƹibada nni iy zi ƹebbḏen lmalaʼikaṯ. Issawaȓ aṭṭas ṯa s ṯa x min iẓra zaƹma ḏi ca n lwaḥi nnes. Ȓƹaqeȓ nnes yuff imɣar s ttakebbur. War ḏinni bu Arruḥ iqeddsen, ḏinni lʼafkar nnes ixwan waha.

1 Ayṯ-Salunik 1:5

Liʼanna Lʼinjil iy netbeccar war d yusi ca ɣarwem s wawaȓen waha, yusa-d ɣarwem s ṯzemmar ḏ Arruḥ iqeddsen ḏ yijjen n uqennaƹ imɣar. Aqa ṯessnem mamc tuɣa netƹic jarawem ƹlaḥsab kenniw.

2 Timutawus 2:10

X manaya nec ṣebbareɣ x marra ṯimesȓayin ƹlaḥsab yinni itwaxḍaren ḥima uȓa ḏ yina aḏ nejjmen s ufus n Ƹisa Lmasiḥ, akiḏes ijjen lƹaḍama iy war ifennin ca.